फिलिप्पियो 3:18 - मंडयाली नंऊँआं नियम

¹⁸ क्यूंकि बौह्त लोक एह्ड़ी जिन्दगी जिए, जिन्हारे बारे मन्झ मैं तुस्सा जो बार-बार बोलिरा, होर ऐबे भी रोई-रोई किन्हें बोल्हा कि स्यों आपणी जिन्दगी जीणे रे ढंगा ले मसीह रे क्रूसा री मौता जो बेकार बनाई देआ ऐं।

फिलिप्पियो 3:18 Cross References

लूका 19:41

जेबे यीसू यरुस्लेम सैहरा रे नेडे पूजी गया ता तिन्हें सैहरा जो देखी किन्हें तेथी रे लोका रे कठे रोंदा लगेया।

चुणिरे चेले रे काम 20:19

मतलब बड़े दीन हुई किन्हें, होर आंसू बहाई-बहाई किन्हें, होर तिन्हा परीक्सा मन्झ ले जो यहूदी लोका री साजिसा री वजहा ले मेरे पर आई; हांऊँ प्रभु री सेऊआ करदा ई रैंहयां।

1 कुरिन्थियो 1:18

जेबे लोक मसीह रे क्रूसा प्रयाल्हे मरणे री खबरा जो सुणे ता कुछ लोका जो ये खबर नर्क्कल्या री गल लगा ई। जो एह्ड़ा सोचे स्यों नरका मन्झ नास हूंणे रे कठे बढ़दे लगिरे, पर आस्से लोके जिन्हें एस खबरा पर विस्वास कितिरा आस्सा रे कठे ये परमेसरा री से सामर्थ ई जेसरे ज्रीए से लोका जो बचाहां।

1 कुरिन्थियो 6:9

तुस्से पक्का जाणांहे कि, अन्याय करणे वाले लोक परमेसरा रे राजा रे वारस नी हूंणे। कोई तुस्सा जो ये गल बोली किन्हें धोखा नी दे कि, तुस्से बुरे काम करी किन्हें भी परमेसरा रे लोक बणी सके। वेस्यागामी, मूर्तिपूजक, व्यभिचारी, लुच्चे ल्फंगे होर समलैंगिक,

2 कुरिन्थियो 11:13

क्यूंकि एह्ड़े लोक झूठे चुणिरे चेले ऐं, होर धोखा धड़ी करणे वाले, होर मसीह रे चुणिरे चेले हूंणे रा झूठा दावा करहा ऐं।

2 कुरिन्थियो 11:29

जेबे कोई कमजोर हूँआ था ता हांऊँ भी आपु जो कमजोर समझा था। मुंजो बौह्त दुःख हुआं था जेबे कोई पाप करहा था।

2 कुरिन्थियो 2:4

बड़े कस्टा ले, होर दुखी मना ले, मैं बौह्त रोई-रोई किन्हें मैं ये चिठ्ठी तुस्सा कठे लिखी; इधी कठे नी कि, तुस्से दुखी हुई जाओ, बल्की इधी कठे कि तुस्से तेस बड़े प्यारा जो जाणी लो, जो मुंजो तुस्सा साउगी आ।

गलातियो 1:7

पर कोई दूजा उपदेस ता हाया नी, पर सिर्फ मसीह री सच्ची खुसी री खबर ई। पर कुछ लोक एह्ड़े ऐं, जो मसीह री खुसी री खबरा रे मतलबा जो बदलना चाहें, होर तिन्हें तुस्सा जो धोखा दितिरा।

गलातियो 2:14

पर जेबे मैं देख्या कि, स्यों खुसी री खबरा री सच्चाई रे मताबक आपणी जिन्दगी नी जींदे, ता मैं सभी विस्वासी लोका रे साम्हणें पतरसा किन्हें बोल्या कि, “तू यहूदी हुई किन्हें यहूदी लोका रे रीती रुआजा जो नी मनदा, पर गैर-यहूदी लोका रे रीती रुआजा जो मन्हा। होर अगर यहूदी हुई किन्हें तैं एह्ड़ा कितिरा ता तू गैर-यहूदी लोका जो आस्सा यहूदी लोका रे रीती रुआजा जो मनणे रे कठे किधियो बोल्हा?”

गलातियो 2:21

परमेसर आपणे अनुग्रहा री वजहा ले आस्सा जो धर्मी बणा। हांऊँ एस्सा गल्ला जो कधी भी नी नकारी सकदा, क्यूंकि व्यवस्था जो मनणे रे ज्रीए लोक परमेसरा री नजरा मन्झ धर्मी बणी जांदे, ता मसीह जो मरणे री जरूरत नी थी।

गलातियो 5:21

स्यों एक दूजे किन्हें हिर्ख रखे, पी किन्हें मुताली जाये, होर धामा मन्झ रंगरलिया मन्नाहें, होर स्यों लोक एस तरीके रे होर भी बुरे-बुरे काम करहे। इन्हारे बारे मन्झ हांऊँ तुस्सा जो पैहले ले चेतावनी दितिरी थी होर ऐबे भी देहां कि, एह्ड़े-एह्ड़े काम करणे वाले परमेसरा रे राजा रे वारस नी हूंणे।

गलातियो 6:12

जो लोक खतना कुराणे रे कठे तुस्सा पर दबाब पाहें, स्यों एह्ड़ा इधी कठे करहे कि यहूदी लोक तुस्सा जो अपनाई ले। स्यों एह्ड़ा इधी कठे ही करहे ताकि लोक तिन्हो नी सताये, जेबे स्यों ये प्रचार करहे कि परमेसर लोका रा उद्धार करहा, जेबे स्यों एस गल्ला पर विस्वास करहे कि मसीह क्रूसा प्रयाल्हे मरी गया।

गलातियो 6:14

हांऊँ क्रूसा प्रयाल्हे आस्सा रे प्रभु यीसू री मौता रे अलावा केसी होरी गल्ला पर बडयाई नी करणा चाहंदा। होर तेसरी मौता रे ज्रीए मानो ये संसार मेरे कठे, होर हांऊँ संसारा रे कठे क्रूसा प्रयाल्हे मरी गया।

इफिसियो 4:17

इधी कठे जो हक मुंजो प्रभुए दितिरा, तेस हका किन्हें हांऊँ बोल्हा कि, परमेसरा पर विस्वास नी करणे वाले लोका साहीं आपणी जिन्दगी मत जीया, जिन्हारी सोच बेकार ई।

फिलिप्पियो 1:4

होर खुसी साउगी आपणी हर एक प्रार्थना मन्झ तुस्सा सभी रे कठे हमेसा परमेसरा ले सहायता री अर्ज करहा।

1 थिस्सलुनकियो 4:6

ये भी परमेसरा री इच्छा ई कि एस गल्ला मन्झ कोई भी आपणे विस्वासी भाई होर बैहणा रे प्रति पाप नी करहे होर ना ई ठगे, क्यूंकि प्रभु यीसू मसीह एह्ड़े काम करणे वाले जो सजा देणी; जेह्ड़ा कि आस्से पैहले तुस्सा किन्हें बोल्या, होर चिताया भी था।

2 थिस्सलुनकियो 3:11

क्यूंकि आस्सा जो सुणने मन्झ आया करहा कि, तुस्सा रे बीचा मन्झ बौह्त लोक ऐं जो नकर्मे ऐं; होर कुछ काम नी करदे, पर होरी रे कामा मन्झ टांग अड़ाहें।

2 पतरस 2:10

परमेसर सभ बुरे लोका जो सजा देणी पर तेस तिन्हो झूठे उपदेस स्खाणे वाले जो पक्का सजा देणी। जो आपणे बुरी होर पापा री अभिलासा रे मताबक जिन्दगी जीये होर परमेसरा रे हका जो आपणे जिन्दगी ले नकारा ऐं। स्यों ढीठ होर घमंडी ऐं, तिन्हो स्वर्गा रे महिमामय प्राणिया रे बारे मन्झ बुरा बोलणे ले डर नी लगदा।

यहूदा 1:13

समुद्रा री भयानक लैहरा साहीं जो गंदी झाग लेई आई, ये लोक भी बेज्जती रे काम करहे। तुस्सा जो इन्हा लोका रे पीछे नी चलना चहिए, जो डांवाडोल तारे साहीं ऐं जिन्हा कधी भी तुस्सा जो सही रस्ता नी दसी सकदे। इधी कठे प्रभुए तिन्हारे कठे न्याहरे री जगहा त्यार कितिरी, जेथी तिन्हा जुग-जुग रे कठे रेहणा।