फिलिप्पियो 3:11 - मंडयाली नंऊँआं नियम

¹¹ ताकि हांऊँ केसी भी तरीके ले मरिरे मन्झा ले जी उठी सकूं।

फिलिप्पियो 3:11 Cross References

लूका 14:14

तेबे तुध धन्य हूंणां, क्यूंकि तिन्हा वाले बदले मन्झ तुजो देणे रे कठे कुछ नी आ, पर परमेसरा एता रा इनाम तुजो तेबे देणा जेबे धर्मी लोका मरिरे मन्झ ले जी उठणा।”

यहून्ना 11:24

मार्थे तेस किन्हें बोल्या, “हांऊँ जाणहां ईं कि, आखरी ध्याड़े मरिरे मन्झा ले जी उठणा रे टैमा मेरे भाईया जिउंदे हुई जाणा।”

चुणिरे चेले रे काम 23:6

तेबे पौलुसा जो ये पता चल्या कि तिन्हा मन्झा ले आधे सदूकी लोके ऐं, होर आधे फरीसी लोक ऐं, ता माहसभा मन्झ तिन्हें जोरा किन्हें बोल्या, “हे भाईयो, हांऊँ फरीसी आ, होर फरीसी खानदाना रा आ, पर ये मुकद्दमा मेरे पर इधी कठे चल्या करहा क्यूंकि हांऊँ आसा करहा की परमेसरा लोका जो मरिरे मन्झा ले जिउंदे करणे।”

चुणिरे चेले रे काम 26:7

तेस्सा वाचा रे पुरे हूंणे री आस लगाए हुए, आस्सा रे बारा गोत्र आपणे सारे मना ले राती ध्याड़ी परमेसरा री अराधना करदे आईरे। हे राजा, एस ई उम्मीदा रे बारे मन्झ यहूदी लोक मुंजो पर इल्जाम ल्गाहें।

चुणिरे चेले रे काम 27:12

होर ये सुभ खुंडेबारी बंदरगाहा मन्झ ठंडी रे ध्याड़े काटणे रे कठे मुस्किल थे, इधी कठे तिन्हें सभीए विचार कितेया कि, तेथी ले आगे बढ़ी किन्हें जहाजा ले हुई किन्हें किहाँ नी किहाँ फिनिक्स बन्दरगाह मन्झ पूजी किन्हें सर्दी काटे; ये ता फिनिक्स क्रेते टापू रे बाढे रा एक एह्ड़ा बंदरगाह आ, जेसरा दुराजा दक्षिण-पस्चिम होर उतर-पस्चिम दुंहीं रे साम्हणें आ।

रोमियो 11:14

ताकि किहाँ नी किहाँ हांऊँ आपणे यहूदी लोका मन्झ जल्नी कुराई किन्हें तिन्हा मन्झा ले एकी रा भी उद्धार करी सकूं।

1 कुरिन्थियो 15:23

पर हर एक क्रमा रे मताबक जिउंदे किते जाणे; होर एता रा सबूता ये आ कि मसीह सभी ले पैहले जिउंदा कितेया गया। फेरी जेबे मसीहा वापस आऊंणा, ता तेसरे लोक भी जिउंदे किते जाणे।

1 कुरिन्थियो 9:22

कि जेबे हांऊँ तिन्हा लोका साउगी रैहया था, जो कुछ गल्ला जो लेई किन्हें सक करहे थे कि इन्हा गल्ला जो करणा प्रभु री नजरा मन्झ ठीक आ की नी, ता मैं भी गल्ला जो करणा छाडी दिती; ताकि हांऊँ तिन्हा जो भी मसीह वाले ल्याई सकूं। होर हांऊँ सभ माह्णुं रे कठे सभ कुछ बणेया, ताकि किहाँ नी किहाँ मेरे ज्रीए परमेसर कुछ लोका रा उद्धार करी सके।

1 कुरिन्थियो 9:27

हांऊँ आपणे सरीरा जो आपणे बसा मन्झ रखा, ताकि हांऊँ आपणी ही इच्छा जो आपणे काबू मन्झ रख्ही सकूं, केते एह्ड़ा नी हो कि हांऊँ होरी लोका जो खुसी री खबरा रा प्रचार करूं, होर मुंजो आपु जो ही इनाम नी मिले।

2 कुरिन्थियो 11:3

पर हांऊँ डरहा कि जिहां सैताने सांपा रे रूपा मन्झ आपणी चलाकी किन्हें पैहली जन्नानी हव्वा बैहकाई, तिहां ईं तुस्सा रे मन तेस्सा सिधाई होर पवित्रता किन्हें तुस्सा जो मसीह री इज्जत करणी चहिए कि केते भ्रस्ट नी किते जाए।

1 थिस्सलुनकियो 3:5

एता री वजहा ले जेबे मेरे ले होर इंतजार नी हुआ की तुस्सा रा हाल चाल जाणी लू, तेबे मै तुस्सा रे विस्वासा रा हाल जाणने रे कठे तिमिथियुस जो भेजी दितेया। क्यूंकि हांऊँ एस गल्ला ले डरा था कि परखणी करणे वाले दुस्ट सैताने तुस्सा री परखणी कितिरी हो, होर आस्सा री मैहनत बेकार हुई गईरी हो।

2 थिस्सलुनकियो 2:3

प्रभु रे आऊणें री गल्ला रे बारे मन्झ केसी रे भी धोखे मन्झ देख्या आऊंदे, क्यूंकि यीसू मसीह रे वापस आऊणें रे पैहले एह्ड़ा टैम हूंणा, जेबे बौह्त लोका परमेसरा रे खलाफ विद्रोह करणा। होर से दुस्ट आदमी जाहिर हूंणा, जेस जो परमेसरा सच्चे नरका मन्झ नास करणा।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

इब्रानियो 11:35

कुछ जनानिये आपणे मरिरे लोका जो दबारा जीऊन्दे पाए कितने ता मार खांदे-खांदे मरी गये। होर आपणा विस्वास नी छाडेया कि तिन्हो जेल्हा ले छुटकारा मिली जाओ, ताकि तिन्हो मरिरे मन्झा ले जी उठणे रे बाद खरी जिन्दगी मिले।

प्रकासना री गल्ला 20:5

मरिरे मन्झ ले जिउंदे हूंणे वाले ये सभी ले पैहले थे, होर स्यों बौह्त ही ज्यादा पवित्र होर धन्य ऐं। होर तिन्हा पर दूजी मौता रा कोई हक नी आ। तिन्हा परमेसरा होर मसीह रे कठे याजक हूंणे, होर तिन्हा साउगी हज़ार साल तक राज करणा। होर हज़ार साल पुरे हूंणे तक कोई भी मरिरे लोक दबारा जिउंदे नी हुए।