फिलिप्पियो 3:10 - मंडयाली नंऊँआं नियम

¹⁰ हांऊँ ये ही चांहा कि मसीह जो होर तेस्सा सामर्था जो मैहसूस करी सकूं, जेस ले मसीह मरिरे मन्झ ले जिउंदे हुईरा। होर मरणे मन्झ मसीह साहीं बणी किन्हें तेस साउगी दुःखा उठाणे मन्झ साझी बणी जाऊँ,

फिलिप्पियो 3:10 Cross References

मत्ती 20:23

यीसूए तिन्हा किन्हें बोल्या, “जो दुखा रा डोंगा हांऊँ पीणे वाल़ा आ, तुस्सा भी पीणा। पर तुस्सा जो आपणे ओरली वखा जो होर परली वखा जो बठयाल्णा मेरा काम नी आ। पर जिन्हारे कठे से जगहा त्यार किती गईरी, से तिन्हारे कठे ई।”

यहून्ना 10:18

कोई मेरी जान जो मेरे ले नी लैंदा, पर हांऊँ आपणे आप तेता जो देहां। तेता जो देणे रा हक मेरे वाले आ, होर तेता जो दबारा वापस लेणे रा भी हक आ, ये हुक्म मेरे बापू ले मुंजो मिलिरा।”

यहून्ना 17:3

होर अनंत जिन्दगी येई कि, स्यों तुजो एकमात्र सच्चे परमेसरे होर यीसू मसीहा जो जाणी सको, जेस जो तैं भेजिरा।

रोमियो 8:17

होर अगर आस्से बच्चे ऐं, ता वारिस भी ऐं, होर परमेसरा रे वारिस होर मसीह रे संगी वारिस ऐं। अगर आस्से मसीह साहीं दुःख सहन करहे ता तेस साउगी आस्से तेसरी महिमा मन्झ भी साझी हुयें।

रोमियो 8:29

क्यूंकि जिन्हों परमेसरे पैहले ले चुणी लितिरा तिन्हो आपणे मह्ठे साहीं बणने रे कठे पैहले ले ठैहराई भी आ, ताकि यीसू मसीह परमेसरा रे बाकि संताना रा जेठा बणे।

रोमियो 8:36

ये आस्सा साउगी तिहां ही हुआ करेया जिहां दाऊदे पवित्र सास्त्रा मन्झ परमेसरा किन्हें बोल्या, “हे परमेसर तुस्सा रे कारण आस्सा पर हर टैम मरणे रा खतरा बणी रैंहयां; आस्से मारी जाणे वाली भेडा साहीं समझे जाहें।”

2 कुरिन्थियो 1:10

परमेसरे ही आस्से एह्ड़ी बडी मौता ले बचाए, होर तेस बचाणें भी; होर आस्सा जो होंसला कि तेस आस्से अगे भी बचान्दे रैंह्णां।

2 कुरिन्थियो 1:5

क्यूंकि आस्से जितना ज्यादा मसीह यीसू रे कठे दुःख सैहया करहा ऐं, परमेसरा तेता ले ज्यादा मसीह रे ज्रीए आस्सा जो होर भी तस्सली देआ।

2 कुरिन्थियो 13:4

से कमजोर हुँदै हुए क्रूसा प्रयाल्हे चढ़ाया ता गया, तेबे बी परमेसरा री सामर्था ले से जिउंदा हुआ। आस्से भी मसीह साहीं कमजोर ऐं, पर तुस्सा रे कठे परमेसरा री सामर्था रे आस्सा तेस साउगी जीणा।

गलातियो 2:20

ये एह्ड़ा था जिहां हांऊँ मसीह साउगी तेसरे क्रूसा प्रयाल्हे मरी गया, हांऊँ से नी आ जो ऐबे भी जिउंदा, पर मसीह मेरे मन्झ जिउंदा। होर जेस तरहा ले ऐबे हांऊँ जिउंदा, ता सिर्फ परमेसर रे मह्ठे पर विस्वास करणे रे ज्रीए जिउंदा, जिन्हें मेरे किन्हें इतना प्यार कितेया कि तिन्हें आपणी जान मेरे कठे देई दिती।

गलातियो 6:17

अगे मुंजो कोई होर दुःख नी दे, क्यूंकि जो घाव मेरे सरीरा मन्झ ऐं स्यों एस गल्ला जो दसे कि हांऊँ यीसू रा चुणिरा चेला।

इफिसियो 4:13

ये सारी गल्ला इंहां करी किन्हें हुंदी रैहणी, जेबे तक कि आस्से आपणे विस्वास, होर परमेसरा रे मह्ठे रे बारे मन्झ आस्सा वाले जो ज्ञान आ, तेता रे ज्रीए आस्से सभ एक नी हुई जाए। तेबे आस्सा मसीह साहीं एक सिद्ध माह्णुं, होर पूरी तरहा ले तेस साहीं बणी जाणा।

फिलिप्पियो 3:8

क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

कुलुस्सियो 1:24

ऐबे हांऊँ खुस आ कि हांऊँ तुस्सा रे कठे दुःख सही सक्हा। होर इधी कठे भी खुस आ कि हांऊँ आपणे सरीरा मन्झ लगातार तिन्हा दुखा जो सहेया, जो मसीहे सहीरे थे। होर ये दुःख हांऊँ मसीह री कलीसिया रे कठे सहेया जो तेसरा सरीर आ।

कुलुस्सियो 2:13

होर परमेसरे तुस्से भी, मसीह साउगी जिउंदा करी दिते, जेबे तुस्से आपणे पापा मन्झ मरिरे थे, होर तुस्सा रे बुरे स्वभावा रा खतना नी हुईरा था। होर परमेसरे आस्सा रे सभ पापा जो माफ कितेया।

कुलुस्सियो 3:1

एह्ड़ा लगा कि जेबे परमेसरे मरिरे मन्झा ले भी जिउंदा कितेया ता तेस तुस्सा जो भी जिउंदे करणे, इधी कठे तिन्हा गल्ला जो पाणे री इच्छा रखा जो परमेसरे तुस्सा रे कठे स्वर्गा मन्झ रखिरी। जेथी मसीह परमेसरा रे सीधी तरफ बैठी किन्हें राज करहा।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

2 पतरस 1:13

आस्सा रे प्रभु यीसू मसीहे मुंजो ये गल दसीरी कि मेरे मरणे रा टैम जल्दी आऊणें वाल़ा आ। इधी कठे हांऊँ सोच्हा कि मेरे कठे ये ठीक आ कि, मेरे ऐबे जिउंदे रैहन्दे ही इन्हा गल्ला रे बारे मन्झ तुस्सा जो याद कुरांदा ही रहूँ।

1 यहून्ना 2:3

अगर आस्से परमेसरा रे हुक्मा जो मन्नघे, ता एस गल्ला ले आस्सा जो पता लगा कि आस्से तेस जो जाणहां ऐं।

1 यहून्ना 2:5

पर जो कोई परमेसरा रे बचना जो मन्हां ऐं, तेस मन्झ सच्चे परमेसरा रे कठे प्यार सिद्ध हुई गईरा, आस्सा जो एता ले पता चल्हा आ कि, आस्से तेस मन्झ वास करहा ऐं।

प्रकासना री गल्ला 1:18

होर हांऊँ ही आ, जो हमेसा रे कठे जिउंदा आ। हांऊँ मरी गईरा था, पर ऐबे जिउंदा हुई गईरा, होर जुग-जुग जिउंदा रेहणा। होर मौत होर पताल लोका री चाबिया मेरे वाले ई।”