फिलिप्पियो 3:1 - मंडयाली नंऊँआं नियम

¹ हे मेरे भाईयो बैहणो, इधी कठे प्रभु मन्झ खुस रैहया। तुस्सा जो बार-बार स्यों गल्ला लिख्दे रैंहणें ले मुंजो कोई कस्ट नी हुन्दा, क्यूंकि एता ले तुस्सा झूठे गुरुआ ले बची जाणा।

फिलिप्पियो 3:1 Cross References

मत्ती 5:12

तेबे खुस होर मगन हुएया, क्यूंकि तुस्सा रे कठे स्वर्गा मन्झ बौह्त बडा इनाम रखिरा, इधी कठे कि जो तुस्सा ले पुराणे ज्माने रे नबी थे तिन्हें स्यों भी इंहां करी किन्हें, स्ताईरे थे।

लूका 1:47

होर हांऊँ मेरे उद्धार करणे वाले परमेसरा री वजहा ले खुस ई।

रोमियो 5:11

होर सिर्फ येई नी, ऐबे ता प्रभु यीसू मसीह रे ज्रीए आस्सा रा परमेसरा किन्हें मेल मिलाप हुई गया, इधी कठे आस्से परमेसरा मन्झ खुस ऐं।

2 कुरिन्थियो 13:11

हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

इफिसियो 6:10

होर आखरी मन्झ हांऊँ ये लिखणा चाहां कि, प्रभु ले होर तेसरी महान सामर्था ले ताकत पाई किन्हें आत्मिक रूपा ले मजबूत बणा।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

फिलिप्पियो 4:4

प्रभु मन्झ हमेसा खुस रैहया; हांऊँ दबारा बोल्हा, खुस रैहया।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

1 थिस्सलुनकियो 4:1

हे भाईयो होर बैहणो ऐबे आखरी, आस्से तुस्सा ले अर्ज करहा ऐं, होर तुस्सा जो प्रभु यीसू मन्झ सम्झाहें कि, जिहां तुस्से आस्सा ले ठीक व्यवहार रखणा, होर परमेसरा जो खुस करणा सिख्या, होर तुस्से ठीक व्यवहार रख्हा ऐ भी, तिहां ईं इन्हा गल्ला मन्झ होर बी ज्यादा बढ़दे जाऊआ।

1 थिस्सलुनकियो 5:16

हमेसा खुस रैहया।

याकूब 1:2

हे भाईयो होर बैहणो, जेबे तुस्से कई किस्मा री परीक्सा मन्झ पई जाओ,

1 पतरस 3:8

आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।

1 पतरस 4:13

पर जिहां-जिहां तुस्से मसीह रे दुःखा मन्झ साझी हुंहाँ ऐं, खुसी मनाऊआ। एस वजहा ले जेबे मसीहा लोका पर आपणी महिमा जाहिर करदे आऊंणा, तेबे तुस्सा बौह्त ज्यादा खुस हूंणा।

2 पतरस 3:1

हे लाडले भाईयो होर बैहणो, ऐबे हांऊँ तुस्सा जो ये दूजी चिठ्ठी लिख्हा। होर इन्हा दुहीं चिठिया रे ज्रीए मैं तुस्सा जो तिन्हा गल्ला जो याद कुराई किन्हें जिन्हों तुस्से पैहले जाणांहे, तुस्सा रे मना मन्झ साफ विचार पैदा करणा चाहां।