फिलिप्पियो 2:9 - मंडयाली नंऊँआं नियम

⁹ एस वजहा ले परमेसरे तेस जो बौह्त म्हान भी कितेया, होर तेस जो से नांऊँ दितेया जो सभ नांऊँआं ले गास आ।

फिलिप्पियो 2:9 Cross References

मत्ती 11:27

मेरे बापूए मुंजो सब कुछ दितिरा, होर कोई मह्ठे जो नी जाणदा, सिर्फ बापू जाणा; होर कोई बापू जो नी जाणदा, सिर्फ मह्ठा जाणा, होर जेस पर मह्ठा जाहिर करणा चाहे से बापू जो जाणा।

मत्ती 28:18

यीसूए तिन्हा वाले आई किन्हें बोल्या कि, “स्वर्ग होर धरती रा सारा हक मुंजो दितिरा।

लूका 10:22

मेरे बापूए मुंजो सब कुछ सौंपी दितिरा; होर कोई नी जाणदा कि मह्ठा कुणहां, सिर्फ बापू होर बापू कुणहां ये भी कोई नी जाणदा, सिर्फ मह्ठा होर मह्ठा ई बापू जो जाहिर करी सक्हा।”

यहून्ना 13:3

यीसूए ये जाणी किन्हें कि बापूए सब कुछ तेसरे हका मन्झ करी दितिरा होर से परमेसरा ले आईरा, होर परमेसरा वाले वापस जाया करहा।

यहून्ना 17:11

ऐबे मां संसारा मन्झ नी रैंह्णां, पर इन्हा लोका संसारा मन्झ रैंह्णां, होर हांऊँ तेरे वाले आहूँआं। हे पवित्र बापू, आपणी सामर्था ले जो तैं मुंजो दितिरा, तिन्हारी हिफाजत कर कि, स्यों आस्सा साहीं एकता मन्झ हो।

यहून्ना 17:12

जेबे हांऊँ तिन्हा साउगी था, ता मैं तेरे तेस सामर्था ले, जो तैं मुंजो दितिरा, मैं तिन्हारी हिफाजत किती। मैं तिन्हारी रखवाली किती। होर विनासा रे मह्ठे जो छाडी किन्हें तिन्हा मन्झा ले कोई भी नास नी हुएआ, इधी कठे कि पवित्र सास्त्रा री गल्ला पूरी हो।”

यहून्ना 17:5

होर ऐबे, हे बापू, जो महिमा मेरी तुस्सा साउगी संसारा रे रचणे ले पैहले थी, तेस महिमा ले आपणे साउगी मेरी महिमा करहा।”

चुणिरे चेले रे काम 5:31

परमेसरे यीसू जो आपणे सीधी वखा जो प्रभु होर उद्धार देणे वाल़ा नियुक्त कितेया। परमेसरे ये इधी कठे कितेया ताकि इस्राएल देसा रे लोक पाप करणा छाडी दे, होर आपणे पापा रे कठे तिन्हा जो तेस ले माफी मिली सके।

इफिसियो 1:10

परमेसरा री ये योजना थी कि ठीक टैम आऊणें पर स्वर्गा होर धरती मन्झ जो भी कुछ आ, से सब कुछ मसीह रे हका मन्झ करी दे।

कुलुस्सियो 1:18

मसीह ही कलीसिया रा मूंड आ; होर कलीसिया मसीह रा सरीर आ। सेई सुर्हू आ, होर मरिरे मन्झा ले जिउंदा हूंणे वाल़ा पैहला था; ताकि हर गल्ला मन्झ पैहली जगहा तेस जो ई मिले।

2 थिस्सलुनकियो 1:12

आस्से एह्ड़ी प्रार्थना करहे कि आस्सा रे प्रभु यीसू मसीह रा नाऊँ तुस्सा रे ज्रीए महिमा पाए। होर तुस्से तेसरे ज्रीए आदर पाओ क्यूंकि तुस्से तेसरे ऐं। ये सभ कुछ आस्सा रे परमेसर होर यीसू मसीह रे अनुग्रह ले हूंणा।

इब्रानियो 1:4

एह्ड़ा करणे ले परमेसरे आपणे म्ह्ठे जो एह्ड़ा नाऊँ दितेया, जो स्वर्गदूता ले बौह्त बडा; होर एता ले आस्से पता लगा कि मह्ठा तिन्हा ले मुकाबले बौह्त महान आ।

इब्रानियो 1:9

तैं धर्मा रे कामा किन्हें प्यार होर अधर्मा रे कामा किन्हें बैर रखा; इधी कठे हांऊँ तुस्सा रा परमेसर, तेरे साथिया रे बीचा ले तुस्से चुणिरे, होर बौह्त खुसी किन्हें तिन्हा ले लग करी किन्हें नियुक्त कितिरा।”

इब्रानियो 12:2

आस्सो विस्वासा री वखा जो लेई जाणे वाले, होर आस्सा रे विस्वासा जो सिद्ध करणे वाले, यीसू री तरफ देखदे रहे। जिन्हें तेस्सा खुसी रे कठे जो तेस जो बादा मन्झ मिलणे वाली थी, बेज्जती री परवाह नी करी किन्हें क्रूसा प्रयाल्हे मरी गया, होर राजगद्दी पर परमेसरा रे सीधी वखा जो बैठी गया।

इब्रानियो 2:9

पर आस्से यीसू जो देखाएं, जेस जो थोड़े टैमा रे कठे स्वर्गदूता थोड़ा ही कम दर्जा दितिरा था, ताकि परमेसरा रे अनुग्रहा ले से हर एक माह्णुं रे कठे मारी दितेया जाये। क्यूंकि तेस जो दुःख सहन करी किन्हें मरणे री वजहा ले यीसू जो महिमा होर आदरा दितेया।

1 पतरस 3:22

होर से स्वर्गा मन्झ चली गईरा। ऐबे से तेथी परमेसरा रे सीधी वखा जो आ, जो सभी ले खास जगहा ई; होर से सभ स्वर्गदूत होर अधिकारी होर सामर्था गास राज करहा।

2 पतरस 1:17

आस्से तेस किन्हें पवित्र पहाड़ा पर थे जेबे परमेसर बापूए तेस जो आदर होर महिमा दिती, तेस परमेसरा री वखा ले यानि तेस बड़ी महिमा ले तेसरे कठे ये अवाज आई कि, “ये मेरा लाडला मह्ठा आ, जेस ले हांऊँ बौह्त खुस आ!” आस्से आपु स्वर्गा ले ये अवाज आऊंदे सुणीरी।

3 यहून्ना 1:7

क्यूंकि ये लोक प्रभु यीसू मसीह रे नांऊँआं जो फैलाणे रे कठे ओरे परे जगहा मन्झ सफर करहे, होर अविस्वासी लोका ले कुछ नी लैंदे।

प्रकासना री गल्ला 1:5

हांऊँ प्रार्थना करहा कि यीसू मसीह भी तुस्सा जो आपणा अनुग्रह होर सांति देंदा रहे, जेसरी गल्ला भरोसे रे लायक ई। सेई आ, जो मरणे रे बाद जिउंदा हुआ, होर एस संसारा रे राजेया रा हाकम आ। से आस्सा किन्हें प्यार करहा, होर तिन्हें आपणी मौता रे ज्रीए आस्से पापा ले छुड़ाये।

प्रकासना री गल्ला 11:15

होर जेबे सातुऐ स्वर्गदूते तुरही बजाई, ता मैं स्वर्गा मन्झ बौह्त भारी अवाज सुणी। होर तेस अवाजा ये बोल्या कि, “आस्सा रा प्रभु परमेसर होर तेसरा चुणिरा मसीह पुरे संसारा मन्झ राज करणे रा हक मिलिरा, होर आस्सा रे परमेसरा जुग-जुग राज करणा।”

प्रकासना री गल्ला 19:16

होर तेसरे कपड़े होर सीधी जाँघा पर जो नांऊँ लिखिरा, से ये आ: “राजेया रा राजा होर प्रभुआ रा प्रभु।”

प्रकासना री गल्ला 3:21

जो लोक जीत हासिल करहे, तिन्हा मेरे साउगी मेरी राजगद्दी पर बैठणा, जिहां हांऊँ भी जीत हासल करी किन्हें आपणे बापू साउगी बापू री राजगद्दी पर बैठी गया।

प्रकासना री गल्ला 5:12

होर स्यों उच्ची अवाजा मन्झ बोल्हा ऐं थे कि, “मारी दितिरा छेलू ई बड़ाई रे लायक आ, क्यूंकि तेसरी सामर्थ, धन, ज्ञान होर सक्ति महान ई। तेस जो हमेसा इज्जत होर महिमा मिलणी चहिए।”