फिलिप्पियो 2:8 - मंडयाली नंऊँआं नियम

⁸ होर माह्णुं रे रूपा मन्झ जाहिर हुई किन्हें आपणे आपा जो दीन कितेया, होर परमेसरा रा हुक्म मन्नदे हुए, मौत, हां, क्रूसा री मौत भी सही ली।

फिलिप्पियो 2:8 Cross References

मत्ती 17:2

तेबे तिन्हारे साम्हणें यीसू रा रूप बधली गया, होर तेसरा मुंह सूरजा साहीं चमक्या होर तेसरे कपड़े प्रयासे साहीं चीटे हुई गये।

मत्ती 26:39

फेरी से थोह्ड़ा जे अगे जाई किन्हें मुंहा रे भारे झुकी गया, होर ये प्रार्थना करदा लग्या कि, “कि अगर हुई सके ता दुःखा रा ये टैम मेरे वाले ले हट्टाई दे। तेबे भी जेह्ड़ा हांऊँ चाहां तेह्ड़ा नी, पर जेह्ड़ा तू चाहां तेह्ड़ा ई हो।”

मत्ती 26:42

फेरी तिन्हें दूजी बारी जाई किन्हें ये प्रार्थना किती, “हे मेरे बापू, अगर ये दुःख मेरे सहे बिना नी हटी सकदा ता तेरी इच्छा पूरी हो।”

लूका 9:29

जेबे यीसू प्रार्थना करेया ई करहा था, ता तेसरे चेहरे रा रूप बदली गया, होर तेसरा कपड़ा चीटा हुई किन्हें चमक्दा लग्या।

यहून्ना 10:18

कोई मेरी जान जो मेरे ले नी लैंदा, पर हांऊँ आपणे आप तेता जो देहां। तेता जो देणे रा हक मेरे वाले आ, होर तेता जो दबारा वापस लेणे रा भी हक आ, ये हुक्म मेरे बापू ले मुंजो मिलिरा।”

यहून्ना 14:31

पर ये इधी कठे हुंहाँ कि संसार रे लोक जाणी सके कि हांऊँ बापू किन्हें प्यार करहा, होर जिहां बापूए मुंजो हुक्म दितिरा, मैं तेह्ड़ा ई करहा। उठा, एथी ले चला।”

यहून्ना 15:10

अगर तुस्से मेरे हुक्मा जो मनघे, ता तुस्सा मेरे प्यारा मन्झ बणी किन्हें रैंह्णां। जिहां मैं आपणे बापू रा हुक्म मन्या, होर तेसरे प्यारा मन्झ बणी रैंहयां।

यहून्ना 4:34

यीसूए तिन्हा किन्हें बोल्या, “मेरा खाणा ये आ कि, हांऊँ आपणे भेजणे वाले री इच्छा रे मताबक चलूं होर तेसरा काम पूरा करूं।

चुणिरे चेले रे काम 8:33

से बदनाम कितेया होर तेसरा न्याय नी हुई पाया, होर कोई भी तेसरी बंसा रा ब्खान नी करी सकदा, क्यूंकि तेसरे बच्चे हूंणे ले पैहले ही से मारी दितेया।”

रोमियो 5:19

क्यूंकि जिहां एक माह्णुं रे हुक्म नी मनणे ले बौह्त लोक पापी बणे, तिहां ही एक माह्णुं रे हुक्म मनणे री वजहा ले बौह्त लोका परमेसरा री नजरा मन्झ धर्मी माह्णुं बणे।

2 कुरिन्थियो 8:9

आस्सा रे प्रभु यीसू मसीह रे अनुग्रह जो तुस्से ठीक ढंगा किन्हें जाणहां ऐं कि, से अमीर हुई किन्हें भी तुस्सा रे कठे गरीब बणी गया ताकि तेसरे गरीब हुई जाणे ले तुस्से अमीर हुई जाओ।

गलातियो 3:13

जेबे मसीहे आपणे प्रयाल्हे स्रापा जो लेई किन्हें आस्सा रे कठे क्रूसा प्रयाल्हे मरी गया, तेबे तिन्हें आस्से व्यवस्था रे स्रापा ले छुड़ाई लिते। क्यूंकि पवित्र सास्त्रा मन्झ लिखिरा कि, “जो कोई लकड़ी पर मारी दितेया जाहाँ, से स्रापित आ।”

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

इब्रानियो 12:2

आस्सो विस्वासा री वखा जो लेई जाणे वाले, होर आस्सा रे विस्वासा जो सिद्ध करणे वाले, यीसू री तरफ देखदे रहे। जिन्हें तेस्सा खुसी रे कठे जो तेस जो बादा मन्झ मिलणे वाली थी, बेज्जती री परवाह नी करी किन्हें क्रूसा प्रयाल्हे मरी गया, होर राजगद्दी पर परमेसरा रे सीधी वखा जो बैठी गया।

इब्रानियो 12:4

तुस्से पापा रे बरखलाप लड़दे हुए तेस किन्हें एह्ड़ी मुठभेड़ नी किती कि, तुस्सा री मौत हुई गई हो।

1 पतरस 2:24

जेबे यीसू मसीह मारी दितेया, ता क्रूसा प्रयाल्हे तेस जो आपणे सरीरा मन्झ आस्सा रे पापा री सजा मिली, ताकि आस्से पाप करणा छाडी दे, होर धार्मिकता री जिन्दगी जीणा सुर्हू करी दे। तेसरे मार खाणे ले तुस्से चंगे हुए।

1 पतरस 3:18

हांऊँ एह्ड़ा इधी कठे बोल्हा क्यूंकि मसीह सिर्फ एक ही बारी आस्सा रे पापा रे कठे दुःख सहन करी किन्हें मारी दितेया। से एक धर्मी माह्णुं था जो आस्सा अधर्मिया रे कठे मरी गया, ताकि से आस्सा जो परमेसरा रे नेडे ल्याई सके; तिन्हें तेसरा सरीर खत्म करी दितेया पर तेसरी आत्मा जिउंदी।