फिलिप्पियो 2:7 - मंडयाली नंऊँआं नियम

⁷ बल्की आपणे आपा जो एह्ड़ा खाली करी दितेया, होर नौकर रा रूप धारण कितेया, होर माह्णुं बणी गया।

फिलिप्पियो 2:7 Cross References

मत्ती 12:18

“देखा, ये मेरा सेऊआदार आ, जो मैं चुणिरा; मेरा प्यारा, जेस ले मेरा मन खुस आ: मां आपणा आत्मा तेस अंदर पाई देणा; होर तेस जाति-जाति रे लोका मन्झ न्याया रा प्रचार करणा।

मत्ती 20:28

हांऊँ माह्णुं रा मह्ठा इधी कठे नी आईरा कि, मेरी सेऊआ किती जाए, पर इधी कठे आईरा कि, हांऊँ आपु दूजे री सेऊआ करूं, होर कईया रे छुटकारे रे कठे आपणी जान देऊँ।”

मरकुस 9:12

यीसूए तिन्हा जो जवाब दितेया कि, हां ये गल सच्च ई कि, “एलिय्याह नबिया पैहले आई किन्हें सब कुछ सुधारणा, फेरी तुस्से कि नी समझ्दे कि पवित्र सास्त्रा मन्झ मेरे बारे लिखिरा कि मां माह्णुं रे मह्ठे बौह्त दुःख उठाणा, होर हांऊँ बेकार गिणेया जाणा?

लूका 22:27

क्यूंकि बडा कुणहां, से जो खाणा खांदे बैठिरा या से जे सेऊआ करहा? क्या से नी आ जेह्ड़ा खाणा खांदे बैठीरा? पर हांऊँ तुस्सा मन्झ सेऊआदारा साहीं आ।

यहून्ना 1:14

होर परमेसरा रे बचने माह्णुं रा रूप धारण कितेया, होर अनुग्रह होर सच्चाई किन्हें भर्ही किन्हें आस्सा मन्झ डेरा कितेया, होर आस्से तेसरी एह्ड़ी महिमा देखी, जेह्ड़ी बापू रे एकलौते मह्ठे री।

रोमियो 1:3

ये खुसी री खबर परमेसरा रे मह्ठे रे बारे मन्झ ई, जो आस्सा रा प्रभु यीसू मसीह आ। से माह्णुं रे रूपा मन्झ राजा दाऊदा रे घराने मन्झ जम्मेया।

रोमियो 15:3

क्यूंकि मसीहे आपणे आपा जो खुस नी कितेया, पर जिहां पवित्र सास्त्रा मन्झ लिखिरा कि, “तेरे निंदा करणे वाले री मेरी निंदा कितिरी।”

रोमियो 15:8

हांऊँ बोल्हा आ कि, जो वादा बापदादेया जो दितिरा था, तिन्हा वादे जो पूरा करणे रे कठे होर ये जाहिर करणे रे कठे कि परमेसर सच्चा आ, मसीह यहूदी लोका रा सेऊआदार बणेया।

रोमियो 8:3

मूसा री व्यवस्था आस्सो नी बचाई सकदी, क्यूंकि पापा रा स्वभाव व्यवस्था जो कमजोर बणा। पर परमेसरे आपणे मह्ठे जो आस्सा पापी लोका री समानता मन्झ एस संसारा मन्झ भेजी किन्हें होर आस्सा रे पापा रे कठे बलिदान करी किन्हें तिन्हें आस्से बचाई दिते। परमेसरे मसीह रे सरीर मन्झ पापा री सजा रा हुक्म देई दितेया।

2 कुरिन्थियो 13:4

से कमजोर हुँदै हुए क्रूसा प्रयाल्हे चढ़ाया ता गया, तेबे बी परमेसरा री सामर्था ले से जिउंदा हुआ। आस्से भी मसीह साहीं कमजोर ऐं, पर तुस्सा रे कठे परमेसरा री सामर्था रे आस्सा तेस साउगी जीणा।

2 कुरिन्थियो 8:9

आस्सा रे प्रभु यीसू मसीह रे अनुग्रह जो तुस्से ठीक ढंगा किन्हें जाणहां ऐं कि, से अमीर हुई किन्हें भी तुस्सा रे कठे गरीब बणी गया ताकि तेसरे गरीब हुई जाणे ले तुस्से अमीर हुई जाओ।

गलातियो 4:4

जेबे परमेसरा रा तय कितिरा टैम पूरा हुआ, ता तिन्हें आपणा मह्ठा एस संसारा मन्झ भेज्या, होर एक ज्नाने ले से जम्मेया, तिन्हें यहूदी लोका मन्झ जन्म लितेया होर मूसा री व्यवस्था जो मन्हा था।

फिलिप्पियो 2:6

जिन्हें जे परमेसरा हूणे पर भी परमेसरा री समानता जो आपणे बसा मन्झ रखणे री चीज नी समझी।

इब्रानियो 12:2

आस्सो विस्वासा री वखा जो लेई जाणे वाले, होर आस्सा रे विस्वासा जो सिद्ध करणे वाले, यीसू री तरफ देखदे रहे। जिन्हें तेस्सा खुसी रे कठे जो तेस जो बादा मन्झ मिलणे वाली थी, बेज्जती री परवाह नी करी किन्हें क्रूसा प्रयाल्हे मरी गया, होर राजगद्दी पर परमेसरा रे सीधी वखा जो बैठी गया।

इब्रानियो 13:3

मसीह री खुसी री खबरा री वजहा ले जो लोक कैदा मन्झ तिन्हो याद रखा कि जिहां जे तिन्हा साउगी तुस्से भी कैद हो, होर जिन्हा लोका जो सताई गईरा हो, तिन्हा जो याद रखा कि तिन्हारा पीड़ा तुस्सा रे सरीरा मन्झ मैहसूस हुई करहा हो।

इब्रानियो 4:15

क्यूंकि आस्सा रा बडा याजक यीसू मसीह, आस्सा री कमजोरिया जो समझी जाहाँ। सैताने हर गल्ला मन्झ से आस्सा साहीं परखेया, तेबे भी तिन्हें पाप नी कितेया।