फिलिप्पियो 2:4 - मंडयाली नंऊँआं नियम

⁴ तुस्सा मन्झा ले हर एकी जो चहिए कि से सिर्फ आपणी भलाई रे कठे नी, पर दूजे री भलाई रा भी ख्याल रखे।

फिलिप्पियो 2:4 Cross References

मत्ती 18:6

“जो कोई इन्हा छोटे मन्झा ले जो मेरे पर विस्वास करहा ऐं, तिन्हा मन्झ केसी एकी ले भी पाप कुराये ता तेसरे कठे खरा आ कि एक बड़ा चक्की रा पाट तेसरे गला मन्झ टांग्या जाए होर तेस जो समुद्रा मन्झ सट्टी दितेया जाए।

रोमियो 12:15

खुसी मनाणे वाले साउगी खुसी मनाऊआ होर रोणे वाले साउगी रोआ।

रोमियो 15:1

हुई सक्हा कि आस्से जो विस्वासा मन्झ मजबूत ऐं जाणांहे कि इन्हा सभी गल्ला ले कोई फर्क नी पउन्दा, पर आस्से इन्हा कामा जो आपणे आपा जो खुस करणे रे कठे नी करी सकदे। आस्सो तिन्हा लोका रे सक होर डरा पर विचार करणा चहिए जो सोचे ये कि ये चीजा करणा गलत आ।

1 कुरिन्थियो 10:24

तुस्सा मन्झ ले हर एकी जो सिर्फ आपणे बारे मन्झ ई नी सोचणा चहिए, बल्की दूजे री भलाई रे कठे भी सोचणा चहिए।

2 कुरिन्थियो 11:29

जेबे कोई कमजोर हूँआ था ता हांऊँ भी आपु जो कमजोर समझा था। मुंजो बौह्त दुःख हुआं था जेबे कोई पाप करहा था।

2 कुरिन्थियो 6:3

परमेसरा साउगी काम करदे हुए आस्सा रा व्यवहार केसी रे कठे कोई भी बाधा नी पांदा, ताकि एह्ड़ा नी हो कि स्यों आस्सा री सेऊआ पर दोस लगाये।

फिलिप्पियो 2:21

क्यूंकि सभ आपणे मतलबा रे कठे जीएं, होर यीसू मसीह री गल्ला री परवाह नी करदे।

याकूब 2:8

तेबे भी अगर तुस्से पवित्र सास्त्रा रे बचना रे मुताबक, “आपणे पड़ोसी किन्हें आपु साहीं प्यार रख्हा ऐं,” ता सच्चे तुस्से मूसा रे व्यवस्था रा खास हुक्म जो पूरी करहा ऐं, होर तुस्से खरा करहा ऐं।