फिलिप्पियो 2:30 - मंडयाली नंऊँआं नियम

³⁰ क्यूंकि तिन्हें मसीह रे कामा रे कठे आपणे जिन्दगी जो खतरे मन्झ पाई दितिरा था तेबे भी मरदे-मरदे बची गया, ताकि से तिन्हा गल्ला मन्झ मेरी मदद करहे जेस जो तुस्से मेरे कठे नी करी सके क्यूंकि तुस्से मेरे ले दूर ऐं।

फिलिप्पियो 2:30 Cross References

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

रोमियो 16:4

तिन्हें मेरे प्राणा रे कठे आपणी जिन्दगी दाऊआ पर ल्गाई रखिरी थी होर सिर्फ हांऊँ नी, पर अन्यजाति लोका री सारी कलीसिया रे लोक भी तिन्हारा धन्यावाद करहा ऐं।

1 कुरिन्थियो 15:53

क्यूंकि आस्सा रा सरीरा जो जल्दी ही मरणे वाल़ा होर सड़ने वाल़ा, जरूरी आ कि ये एक एह्ड़े सरीरा मन्झ बधली जाये, जो कधी भी ना मरदा हो ना सड़दा हो।

1 कुरिन्थियो 16:10

अगर तिमिथियुस कुरुन्थी सैहरा मन्झ आई जाए, ता तेसरा आदर-खातर इज्जता किन्हें करेया, क्यूंकि से मेरे साहीं प्रभु रा काम करहा।

1 कुरिन्थियो 16:17

होर हांऊँ स्तिफनास, फूरतूनातुस होर अखइकुस विस्वासी भाईया रे मेरे वाले आऊणें ले बौह्त खुस आ, क्यूंकि तिन्हें मेरी से मदद किती, जेता जो करणे रे कठे तुस्से एथी नी ऐं।

2 कुरिन्थियो 12:15

परमेसरा जो मनणे रे कठे बौह्त खुसी किन्हें तुस्सा रे कठे आपणा सब कुछ देणा, बल्की आपणी जान भी देई देणी। हांऊँ तुस्सा साउगी बौह्त प्यार रख्हा, पर एह्ड़ा लगा कि तुस्से मेरे किन्हें कम प्यार करहे।

2 कुरिन्थियो 4:12

एसरा मतलब आस्से ता लगातार मौता रा साम्हणा करहे, पर एसरी वजहा ले तुस्सा जो अनंत जिन्दगी मिली।

फिलिप्पियो 2:17

जेबे मै तुस्सा जो खुसी री खबर सुणाई तुस्से प्रभु यीसू पर विस्वास करी किन्हें आपणी जिन्दगी सेऊआ रे कठे बलिदान किती। होर एस वजहा मुंजो मरणा भी पो, तेबे भी हांऊँ खुस आ, होर तुस्सा सभी साउगी खुसी मनाणी।

फिलिप्पियो 2:27

सच्चे से बौह्त ब्मार हुई गईरा था, एथी तक कि से मरणे वाल़ा ई था। पर परमेसरे तेस पर दया करी किन्हें से ठीक कितेया होर मेरे पर भी परमेसरे दया किती कि, जेल्हा मन्झ रैहन्दे हुए जेहड़ा दुःखा हांऊँ सहन करदा लगिरा तेता प्र्याहले होर दुःखा मन्झ नी पऊ।

फिलिप्पियो 4:10

हांऊँ प्रभु मन्झ बौह्त खुस आ कि, तुस्से इतने ध्याड़े ले बाद मुंजो मदद रे रूपा मन्झ पैसे भेजी किन्हें दबारा याद कितेया। पक्का तुस्से सुर्हू ले ही एह्ड़ा करणा चांहे थे, पर तुस्सा जो मौका नी मिल्या।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

फिलेमोन 1:13

हांऊँ चाहां था कि तेस जो आपणी मददा रे कठे रखूं कि, से तुस्सा रे बदले मेरी सेऊआ करहे (हांऊँ जाणहां कि तू मेरी सेऊआ करणा चाहां), क्यूंकि हांऊँ ऐबे खुसी री खबरा रे प्रचारा री वजहा ले जेल्हा मन्झ आ।

प्रकासना री गल्ला 12:11

आस्सा रे विस्वासी लोके सैताने जो हराई दितिरा। तिन्हें छेलू रे खूना रे ज्रीए जो तिन्हारे पापा री माफी रे कठे बहाई दितिरा था। होर तिन्हारी एस गुआही री वजहा ले कि ये छेलू ही तिन्हारा प्रभु आ, तिन्हें से हराई दितेया। भले ही तिन्हों आपणे प्राण देणे पये, पर स्यों आपणी गुआही ले पीछे नी हटे।