फिलिप्पियो 2:3 - मंडयाली नंऊँआं नियम

³ आपणे मतलब होर झूठी साना रे कठे कुछ मत करा, पर दीन हुई किन्हें, एक दूजे जो आपणे ले ज्यादा बढ़ी किन्हें समझा।

फिलिप्पियो 2:3 Cross References

लूका 18:14

हांऊँ तुस्सा किन्हें बोल्हा कि, से फरीसी नी आ, पर से चुंगी लेणे वाल़ा जो परमेसरा रे साम्हणें धर्मी हुई किन्हें घरा जो गया। क्यूंकि जो कोई आपणे आपा जो बडा बणान्घा, से छोटा कितेया जाणा; होर जो आपणे आपा जो छोटा बणान्घा, से बडा कितेया जाणा।”

रोमियो 12:10

एक दूजे किन्हें एह्ड़ा प्यार करहा जिहां से तुस्सा रा सक्का भाई बैहण हो; लगातार आदर करणे मन्झ एक दूजे ले बढ़ी चला।

रोमियो 13:13

होर आस्सो एह्ड़े जीणा चहिए जिहां आस्से ध्याड़ीया रे प्रयासे मन्झ जीणे वाले, ना कि न्याहरे मन्झ रही किन्हें बुरे काम करी किन्हें जीणे वाले। इधी कठे आस्सा मन्झ रंगरलिया, पी किन्हें मुतालणा, व्यभिचार, लुचपना, झगड़े होर जल्नी नी हूणीं चहिए।

रोमियो 2:8

पर जो सिर्फ आपणे बारे मन्झ सोचा ऐं होर सच्चाई जो नी मन्नदे, पर बुराई करना चाहें, परमेसरा रा गुस्सा होर कैहर तिन्हा पर पऊणा।

1 कुरिन्थियो 15:9

क्यूंकि हांऊँ चुणिरे चेले मन्झ सभी ले कम खास आ, बल्की चुणिरा चेला बणने रे लायक भी नी आ, क्यूंकि मैं परमेसरा री कलीसिया रे लोक स्ताईरे थे।

1 कुरिन्थियो 3:3

क्यूंकि तुस्से हाल्ले भी संसारा रे लोका साहीं ऐं, इधी कठे जेबे तुस्सा मन्झ जल्नी होर झगड़ा हूँआ ता से एस गल्ला जो साबित करहा कि तुस्से हाल्ले भी संसारा रे लोका साहीं ऐं। होर तुस्से तिन्हा लोका साहीं जीहां ऐं जो प्रभु रे लोक नी ऐं?

2 कुरिन्थियो 12:20

क्यूंकि मुंजो डर आ, केते एह्ड़ा नी हो कि, हांऊँ आई किन्हें जेह्ड़ा चाहां, तेह्ड़ा तुस्सा जो नी पाऊं; होर तुस्से भी मुंजो आपणी उम्मीद रे मताबक नी पाओ। मुंजो डर आ कि तुस्सा मन्झ झगड़ा, जल्नी, गुस्सा, विरोध, हिर्ख, चुगली, बडयाई, होर बखेड़े नी हो।

गलातियो 5:15

पर अगर तुस्से एक दूजे जो जानवरा साहीं काटहा-फाड़दे रहे, ता चतन्न रैहया कि, केतकी एक दूजे रा नास नी करी दो।

गलातियो 5:26

आस्से घमंड करणे वाले नी बणे, एक दूजे जो गुस्सा नी दलाणे वाले बणे; होर ना एक दूजे किन्हें हिर्ख रखा।

इफिसियो 4:2

सारी दीनता होर नम्रता साउगी, होर सबर रखी किन्हें प्यारा किन्हें एक दूजे जो सही लो।

इफिसियो 5:21

होर मसीह री इज्जत करदे हुए, एक दूजे रे अधीन रैहया।

फिलिप्पियो 2:14

सब काम बगैर गलांण होर बगैर बैहसा ले करा।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

कुलुस्सियो 3:8

पर ऐबे तुस्से इन्हा सभ गल्ला जो यानि गुस्सा, रोष, बैर-भाव, बदनामी होर गालिया देणा छाडी देऊआ।

1 तिमिथियुस 6:4

ता से बौह्त बडयाई करणे वाल़ा बणी गईरा, होर कुछ नी जाणदा। एह्ड़ा माह्णुं जो बेकारा री गल्ला पर होर सब्दा पर लड़ने होर बैहस करणे री ब्मारी ई। एता री वजहा ले हिर्ख, होर झगड़े, होर दूजेया री बदनामी, होर बुरे-बुरे सक पैदा हुंहाँ ऐं।

1 पतरस 3:8

आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।

1 पतरस 5:5

एस तरीके किन्हें हे नौजुआनो, तुस्से भी कलीसिया रे स्याणे विस्वासी लोका री गल्ला जो मन्नेया करेया, बल्की बड़ी दीनता किन्हें एक दूजे री मदद करेया करणा। क्यूंकि पवित्र सास्त्रा मन्झ लिखिरे एक बचना जो आस्से पढ़े कि, “परमेसर बडयाई करणे वाल़ेया रा ता विरोध करहा, पर नम्र दीना पर अनुग्रह करहा।”