फिलिप्पियो 2:27 - मंडयाली नंऊँआं नियम

²⁷ सच्चे से बौह्त ब्मार हुई गईरा था, एथी तक कि से मरणे वाल़ा ई था। पर परमेसरे तेस पर दया करी किन्हें से ठीक कितेया होर मेरे पर भी परमेसरे दया किती कि, जेल्हा मन्झ रैहन्दे हुए जेहड़ा दुःखा हांऊँ सहन करदा लगिरा तेता प्र्याहले होर दुःखा मन्झ नी पऊ।

फिलिप्पियो 2:27 Cross References

चुणिरे चेले रे काम 9:37

तिन्हा ध्याड़े जेबे पतरस लुद्दा गांऊँआं मन्झ था, होर दोरकास ब्मार हुई किन्हें मरी गयी; होर तिन्हें तेस्सा री ल्हास न्हाई धुआई किन्हें उपरले कमरे मन्झ रखी दिती।

1 कुरिन्थियो 10:13

तुस्से कोई एह्ड़ी परखणी मन्झ नी पईरे, जो माह्णुं रे सैहणे ले बाहर हो। परमेसर भरोसे रे लायक आ; क्यूंकि से तुस्सा जो एह्ड़ी परीक्सा मन्झ नी पऊणे देंदा, जेस्सा रा तुस्से साम्हणा नी करी सकदे, पर एता रे बजाय तेस तुस्सा जो सामर्थ देणी, जेता री तुस्सा जो जरूरत ई, ताकि तुस्से पापा ले बची सको।

2 कुरिन्थियो 2:7

इधी कठे ऐता ले ये खरा आ कि तेसरी गलती माफ करहा; होर तस्सली देआ, एह्ड़ा नी हो कि से माह्णुं परमेसरा पर आपणे विस्वासा ले पूरी तरहा ले पीछे हटी जाए।

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

फिलिप्पियो 2:28

इधी कठे मैं इपफ्रुदीतुस जो तुस्सा वाले वापस भेजणे री होर भी इच्छा रखा ताकि तेस जो दबारा देखी किन्हें तुस्से खुस हुई जाओ होर तुस्सा रे कठे मेरी चिंता कम हुई जाए।

फिलिप्पियो 2:30

क्यूंकि तिन्हें मसीह रे कामा रे कठे आपणे जिन्दगी जो खतरे मन्झ पाई दितिरा था तेबे भी मरदे-मरदे बची गया, ताकि से तिन्हा गल्ला मन्झ मेरी मदद करहे जेस जो तुस्से मेरे कठे नी करी सके क्यूंकि तुस्से मेरे ले दूर ऐं।