फिलिप्पियो 2:25 - मंडयाली नंऊँआं नियम

²⁵ पर मैं इपफ्रुदीतुस जो तुस्सा वाले भेजणा जरूरी समझ्या, जो मेरा भाई होर साउगी काम करणे वाल़ा, होर खुसी री खबरा रे बचाव रे कठे मेरे साउगी योद्धा, होर जरूरता मन्झ मेरी सेऊआ टैहल करणे रे कठे तुस्सा री वखा ले भेजिरा दूत आ।

फिलिप्पियो 2:25 Cross References

यहून्ना 13:16

हांऊँ तुस्सा किन्हें सच्च-सच्च बोल्हा, गुलाम आपणे माल्का ले बडा नी हुन्दा, होर ना संदेसा लई किन्हें भेजिरा दूत आपणे भेजणे वाले ले बडा हुंहाँ।

यहून्ना 17:18

जिहां तैं हांऊँ संसारा मन्झ भेजिरा, तिहां ईं मैं स्यों संसारा मन्झ भेजीरे।

रोमियो 16:3

प्रिसकिल्ला बैहण होर तेस्सा रे लाड़े अक्विला भाई जो मेरा नमस्कार, जो प्रभु यीसू मसीह री सेऊआ रे कामा करणे मन्झ मेरे सहकर्मी ऐं।

रोमियो 16:9

उरबानुसा भाई जो भी मेरा नमस्कार, जो मसीह यीसू री सेऊआ करणे रे कामा मन्झ आस्सा रा सहकर्मी आ, होर मेरे लाडले दोस्त इस्तखुस भाई जो भी मेरा नमस्कार।

1 कुरिन्थियो 3:9

क्यूंकि आस्से परमेसरा रे सहकर्मी ऐं, होर तुस्से सभ विस्वासी लोक परमेसरा री एक खेती साहीं ऐं जो तेसरी ई। होर हांऊँ तुस्सा री तुलना एक घरा साउगी करी सका जेस जो परमेसर बणाया करहा।

2 कुरिन्थियो 2:13

मेरा तितुस भाई तुस्सा री कोई खबर लेई किन्हें मेरे वाले नी आया, जेता ले मेरे मना जो चैन नी मिल्या। इधी कठे हांऊँ त्रोआस सैहरा रे विस्वासी लोका ले विदा हुई किन्हें मकीदुनिया ईलाके जो चली गया ताकि हांऊँ तितुसा जो तोपी सकूं।

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

फिलिप्पियो 4:3

होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।

कुलुस्सियो 1:7

तुस्से आस्सा रे लाडले भाई होर सहकर्मी इपफ्रासा ले एसरे बारे मन्झ उपदेस सिखिरा। से आस्सा री वखा तुस्सा रे कठे मसीह रा सच्चा सेऊआदार आ।

कुलुस्सियो 4:11

होर यीसू जेस जो युस्तुस नांऊँआ ले भी जाणहां ऐं, तेसरा भी तुस्सा जो नमस्कार। यहूदी विस्वासी लोका मन्झा ले सिर्फ ये तीन ई ऐं जो परमेसरा रे राजा रे कठे मेरे साउगी काम करेया करहा ऐं होर इन्हें मुंजो बौह्त तस्सली दितिरी।

1 थिस्सलुनकियो 3:2

होर मसीह रे खुसी री खबरा जो सुनाणे मन्झ आस्सा रा भाई, होर परमेसरा रा सेऊआदार तिमिथियुसा जो मैं तुस्सा वाले इधी कठे भेज्या, ताकि से तुस्सा जो मसीहा रे विस्वासा मन्झ मजबूत करहे; होर प्रभु पर विस्वासा बनाये रखणे रे कठे तुस्सा जो हिम्मत दे।

फिलेमोन 1:24

होर मरकुस, अरिस्तर्खुस, देमास होर लूका विस्वासी भाईया री तरफा ले तुस्सा जो नमस्कार, स्यो मेरे साउगी प्रभु रा काम करहा ऐं।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।