फिलिप्पियो 2:22 - मंडयाली नंऊँआं नियम

²² पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 2:22 Cross References

चुणिरे चेले रे काम 16:2

से लुस्त्रा होर इकुनियुम सैहरा रे भाईया मन्झ इज्जतदार था।

रोमियो 5:4

क्यूंकि आस्से ऐबे सिखिरा कि कियां सबर रखणा चहिए, इधी कठे परमेसरे आस्सो मंजूरी दितिरी, क्यूंकि तिन्हें आस्सो मंजूरी देई दितिरी, इधी कठे आस्सा वाले आस ई।

1 कुरिन्थियो 16:10

अगर तिमिथियुस कुरुन्थी सैहरा मन्झ आई जाए, ता तेसरा आदर-खातर इज्जता किन्हें करेया, क्यूंकि से मेरे साहीं प्रभु रा काम करहा।

1 कुरिन्थियो 4:17

इधी कठे मैं तिमिथियुस तुस्सा वाले भेजिरा। हांऊँ तेजो एक मह्ठे साहीं प्यार करहा, होर से प्रभु रा भरोसे लायक सेऊआदार आ तेस तुस्सा जो दसणा कि हांऊँ क्या करहा होर कियां मसीह यीसू रा चेला बणी किन्हें जियां, ठीक स्यों गल्ला जो हांऊँ हर जगहा री सभ कलीसिया रे लोका जो सखा।

2 कुरिन्थियो 2:9

क्यूंकि मैं इधी कठे भी लिखिरा था कि, हांऊँ तुस्सा जो परखी लूं की तुस्से मेरी सारी गल्ला जो मनणे रे कठे त्यार ऐ की नी।

2 कुरिन्थियो 8:22

होर आस्से तितुस होर दूजे लोका साउगी आस्से आपणा एक होर विस्वासी भाई भेजदे लगिरे, जेस जो आस्से बार-बार परखी किन्हें बौह्त सारी गल्ला मन्झ उत्साही पाया। पर ऐबे तुस्सा पर तेस जो बड़ा भरोसा, ऐस वजहा ले से होर भी ज्यादा उत्साही आ।

2 कुरिन्थियो 8:24

इधी कठे कलीसिया रे साम्हणें तुस्से आपणा प्यार होर तुस्सा रे कठे आस्सा री गर्वा री वजहा रा सबूत तिन्हा जो देआ।

2 कुरिन्थियो 8:8

हांऊँ तुस्सा जो कोई हुक्म नी देंदा लगिरा, हांऊँ सिर्फ दूजे लोका री हिम्मता री तुलना तुस्सा रे प्यारा किन्हें करेया करहा, ताकि तुस्सा रे प्यारा री सच्चाई जो परखी सकूं।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:16

जो लोक खरी इरादे ले प्रचार करहे स्यों मसीह किन्हें प्यार करहे, होर जाणहां ऐं कि मुंजो मसीह रे खुसी री खबरा रा बचाव करणे री वजहा ले जेल्हा मन्झ पाईरा।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:20

क्यूंकि मेरे वाले तिमिथियुस रे अलावा एह्ड़ा कोई नी हाया, जो खरे मना ले तुस्सा री फिकर करहे।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, तू मेरे आपणे मह्ठे साहीं आ क्यूंकि तू भी मसीह पर विस्वास रखा। हांऊँ प्रार्थना करहा कि बापू परमेसर होर आस्सा रा प्रभु मसीह यीसू तुजो अनुग्रह, दया, होर सांति देंदा रहे।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

2 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, होर हांऊँ तेरे किन्हें आपणे मह्ठे साहीं प्यार करहा। हांऊँ प्रार्थना करहा कि बापू परमेसर होर आस्सा रा प्रभु यीसू मसीह तुजो अनुग्रह, दया होर सांति देंदा रहे।

2 तिमिथियुस 3:10

पर तू तिमिथियुस खरे किन्हें जाणहां कि हांऊँ क्या सखा, हांऊँ किहाँ आपणी जिन्दगी जी आ, होर मेरी जिन्दगी रा मकसद क्या, होर हांऊँ क्या विस्वास करहा। तू जाणहां कि हांऊँ सभी लोका किन्हें सबर रखा होर सभी किन्हें प्यार करहा, होर दुखा रे टैमा मन्झ धीरज रखा।

तितुस 1:4

तितुस ये चिठ्ठी हांऊँ तुजो लिखी करहा, तू सच्चे मेरे मह्ठे साहीं आ, क्यूंकि आस्से यीसू मसीह पर विस्वास करहे। हांऊँ प्रार्थना करहा कि आस्सा रा बापू परमेसर होर उद्धारकर्ता मसीह यीसू तुजो अनुग्रह होर सांति देंदा रहे।