फिलिप्पियो 2:2 - मंडयाली नंऊँआं नियम

² इधी कठे तुस्से मेरी ये खुसी पूरी करा कि तुस्से एक मना रे, होर एक ई प्यार, एक ई भावना, होर एक ई नजरिया रखणे वाले बणा।

फिलिप्पियो 2:2 Cross References

यहून्ना 3:29

नंऊँआं लाड़ा ही नौंईं लाड़ीया किन्हें ब्याह करहा, पर नऊँए लाड़े रा दोस्त बौह्त खुस हुई किन्हें तेसरी सुणहां। से नऊँए लाड़े री अवाज सुणी किन्हें बौह्त खुस हुई जाहाँ, ये ही मेरी खुसी होर ऐबे पूरी हुई गई।

चुणिरे चेले रे काम 1:14

ये सब चेले तेथी रोज एक मन हुई किन्हे यीसू री माऊ मरियम, होर तिन्हारे भाई होर दूजी ज्नानिया साउगी कठा हुई किन्हें प्रार्थना रे कठे कठा हुंदे लगे।

चुणिरे चेले रे काम 2:1

एक ध्याड़े जेबे यहूदी लोक पिन्तेकुस्ता रा साजा मनाया करहा ऐं थे, ता सभ विस्वासी भाई यरुस्लेम सैहरा मन्झ कठे हुईरे थे।

चुणिरे चेले रे काम 2:46

होर स्यों हर रोज एक मन हुई किन्हें मन्दरा मन्झ कठे हुंहा ऐं थे, होर एक दूजे रे घरा मन्झ साउगी रोटी तोड़दे होर खुसी म्नांदे होर एक मन हुई किन्हें खाणे रे कठे कठा हुएं थे।

चुणिरे चेले रे काम 5:12

होर चुणिरे चेले रे ज्रीए बौह्त चमत्कार होर नौखे काम लोका मन्झ दसेया जाहें थे, होर मसीहा रे विस्वासी सभ एक मन हुई किन्हें सुलेमाना रे बणाईरे मन्दरा रे आंघणा मन्झ कठे हुंहाँ ऐं थे।

रोमियो 12:16

आपु मन्झ एकता रखा; बडयाई करणे वाले नी बणा; पर नम्र दीन लोका साउगी संगती रखा; आपणी नजरा मन्झ बुद्धिमान मत बणा।

1 कुरिन्थियो 1:10

हे भाईयो होर बैहणो, आस्सा रे प्रभु यीसू मसीह रे हका ले हांऊँ आपणे दिला ले अर्ज करहा कि तुस्से सभ एक दूजे किन्हें राजी हुई किन्हें एक ई गल बोला; होर तुस्से झगड़ा करी किन्हें लग नी हो। पर एता रे बजाय हांऊँ तुस्सा किन्हें विनती करहा कि एक दूजे किन्हें मिली जुली कर एक ही प्रकारा रा सोच-विचार होर एक ऐं मकसद रखो।

2 कुरिन्थियो 13:11

हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

2 कुरिन्थियो 2:3

होर मैं येई गल तुस्सा जो इधी कठे लिखी कि, केते एह्ड़ा नी हो कि, मेरे आऊणें पर जिन्हा ले मुंजो खुसी मिलणी चहिए, हांऊँ तिन्हा ले दुखी हुई जाऊं। क्यूंकि मुंजो तुस्सा सभी पर ऐस गल्ला रा भरोसा आ कि, जो मेरी खुसी ई, सेई तुस्सा सभी री भी खुसी ई।

2 कुरिन्थियो 7:7

ये सच्च आ कि तितुसा किन्हें मिली किन्हें आस्से खुस हुए। पर एता ले बढ़ी किन्हें आस्से एस गल्ला पर खुस हुए कि तुस्से लोके तेस जो बौह्त हिम्मत दिती। होर तिन्हें मुंजो दसेया कि तुस्से मेरे किन्हें मिलणे री कितनी इच्छा रख्हा ऐ, तुस्से मेरे कठे दुखी ऐं होर मेरे बचाऊआ रे कठे कितनी लगन रखायें। इन्हा गल्ला ले मुंजो होर भी खुसी हुई।

फिलिप्पियो 1:4

होर खुसी साउगी आपणी हर एक प्रार्थना मन्झ तुस्सा सभी रे कठे हमेसा परमेसरा ले सहायता री अर्ज करहा।

फिलिप्पियो 2:16

जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

फिलिप्पियो 2:20

क्यूंकि मेरे वाले तिमिथियुस रे अलावा एह्ड़ा कोई नी हाया, जो खरे मना ले तुस्सा री फिकर करहे।

फिलिप्पियो 4:2

हांऊँ युओदिया बैहण होर सुन्तुखे बैहण दुंहीं ले अर्ज करहा कि प्रभु साउगी एक हूंणे री वजहा ले तुस्से एक दूजे किन्हें बैहस करणा छाडी देआ।

कुलुस्सियो 2:5

क्यूंकि अगर हांऊँ तुस्सा ले दूर आ, तेबे बी हांऊँ हमेसा तुस्सा सभी रे बारे मन्झ सोचदा रैहया कि जिहां हांऊँ तुस्सा वाले आ। हांऊँ ये जाणी किन्हें खुस हुंहाँ कि तुस्से आपणी जिन्दगी सही ढंगा किन्हें जीया करहा ऐं, होर मसीह मन्झ तुस्सा रा विस्वास मजबूत आ।

2 थिस्सलुनकियो 2:13

हे भाईयो होर बैहणो, आस्सो हमेसा तुस्सा रे कठे परमेसरा रा धन्यावाद करणा चहिए, प्रभु तुस्सा किन्हें प्यार करहा। क्यूंकि तिन्हें संसारा जो रचणे ले पैहले ही तुस्से चुणी लितिरे कि पवित्र आत्मा रे कामा रे ज्रीए तुस्सा रा उद्धार करहे; जो तुस्सा जो पवित्र बणा। होर यीसू मसीह रे बारे मन्झ सच्चाई री खबरा पर विस्वास करणे रे ज्रीए भी।

2 तिमिथियुस 1:4

मुंजो याद आ कि जेबे हांऊँ तुजो छाडी किन्हें जाई करहा, ता तू किहाँ मेरे कठे आंसू ब्हाई किन्हें रोई करहा था, होर ऐबे हांऊँ तेरे किन्हें मिलणे रे कठे तरस्या करहा, ताकि खुसी किन्हें भरी जाऊं।

फिलेमोन 1:20

हे लाडले दोस्त, प्रभु री वजहा ले तेरी तरफा ले मुंजो ये मदद मिली जाए: क्यूंकि आस्से दुहें मसीह हूंणे री वजहा ले तू मुंजो हिम्मत दे।

2 यहून्ना 1:4

हांऊँ बौह्त खुस हुएया, जेबे मैं सुणेया कि तुस्सा रे कुछ बच्चे आस्सा रे बापू परमेसरा रे बोलणे रे मताबक सच्चाई जो मनदे हुए आपणी जिन्दगी जो जियां करहे।

3 यहून्ना 1:4

मुंजो एता ले बढ़ी किन्हें होर कोई खुसी नी ई कि, हांऊँ ये सुणुं कि, स्यों लोक जो मेरे बच्चे साहीं ऐं सच्चाई रे मताबक चल्या करहा ऐं जो परमेसरे आस्सा जो दसीरी।