फिलिप्पियो 2:17 - मंडयाली नंऊँआं नियम

¹⁷ जेबे मै तुस्सा जो खुसी री खबर सुणाई तुस्से प्रभु यीसू पर विस्वास करी किन्हें आपणी जिन्दगी सेऊआ रे कठे बलिदान किती। होर एस वजहा मुंजो मरणा भी पो, तेबे भी हांऊँ खुस आ, होर तुस्सा सभी साउगी खुसी मनाणी।

फिलिप्पियो 2:17 Cross References

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

चुणिरे चेले रे काम 21:13

एता पर पौलुसे जवाब दितेया कि, “तुस्से क्या करेया करहा ऐं कि, रोई-रोई किन्हें मेरा दिल तोड़हा ऐं, हांऊँ ता प्रभु यीसू रे नांऊँआं रे कठे यरुस्लेम सैहरा मन्झ सिर्फ बान्हेया जाणे रे कठे नी, पर मरणे रे कठे भी त्यार आ।”

रोमियो 12:1

इधी कठे हे भाईयो होर बैहणो, हांऊँ तुस्सा किन्हें परमेसरा री दया याद दिलाई किन्हें बिनती करहा कि आपणे आपा जो ही जिउंदे होर पवित्र, होर परमेसरा जो खुस करणे वाले बलिदान रे रूपा मन्झ चढ़ाऊआ; येई परमेसरा री अराधना करणे रा सच्चा तरीका आ।

रोमियो 15:16

कि हांऊँ अन्यजाति रे लोका रे कठे मसीह यीसू रा सेऊआदार हुई किन्हें एक याजका साहीं परमेसरा रे वखा ले खुसी री खबरा रा प्रचार करहा। जेस ले अन्यजाति लोका जो जिन्हा जो पवित्र आत्मे पवित्र कितिरा, तिन्हा जो हांऊँ परमेसरा जो चढावे मन्झ चढ़ाई सकूं, जेस ले परमेसरा खुस हूंणा।

2 कुरिन्थियो 12:15

परमेसरा जो मनणे रे कठे बौह्त खुसी किन्हें तुस्सा रे कठे आपणा सब कुछ देणा, बल्की आपणी जान भी देई देणी। हांऊँ तुस्सा साउगी बौह्त प्यार रख्हा, पर एह्ड़ा लगा कि तुस्से मेरे किन्हें कम प्यार करहे।

2 कुरिन्थियो 4:12

एसरा मतलब आस्से ता लगातार मौता रा साम्हणा करहे, पर एसरी वजहा ले तुस्सा जो अनंत जिन्दगी मिली।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

2 कुरिन्थियो 7:4

हांऊँ तुस्सा किन्हें बड़ी हिम्मत रखी किन्हें बोल्या करहा, मुंजो तुस्सा पर बौह्त गर्व आ। मुंजो बौह्त तस्सली मिलिरी, आपणे सारे दुःखा मन्झ हांऊँ खुसी किन्हें भरपूर रैंहयां।

फिलिप्पियो 1:20

मेरे दिला री आस होर सभी ले बड़ी इच्छा ता येई कि, केसी गल्ला मन्झ हांऊँ सर्मिन्दा नी होऊं। पर हमेसा निधड़क हुई किन्हें मसीह रे बारे मन्झ प्रचार करु जिहां हांऊँ पैहले करहा था। चाहे हांऊँ जिउंदा रहूं या मरी जाऊं मेरी जिन्दगी रे ज्रीए मसीह री बढ़ाई हमेसा करदा रैहणा।

फिलिप्पियो 2:18

तिहां ईं तुस्से भी खुस हो, होर मेरे साउगी खुसी मणाऊआ।

फिलिप्पियो 2:30

क्यूंकि तिन्हें मसीह रे कामा रे कठे आपणे जिन्दगी जो खतरे मन्झ पाई दितिरा था तेबे भी मरदे-मरदे बची गया, ताकि से तिन्हा गल्ला मन्झ मेरी मदद करहे जेस जो तुस्से मेरे कठे नी करी सके क्यूंकि तुस्से मेरे ले दूर ऐं।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

कुलुस्सियो 1:24

ऐबे हांऊँ खुस आ कि हांऊँ तुस्सा रे कठे दुःख सही सक्हा। होर इधी कठे भी खुस आ कि हांऊँ आपणे सरीरा मन्झ लगातार तिन्हा दुखा जो सहेया, जो मसीहे सहीरे थे। होर ये दुःख हांऊँ मसीह री कलीसिया रे कठे सहेया जो तेसरा सरीर आ।

1 थिस्सलुनकियो 2:8

तुस्सा रे कठे ममता हूंणे री वजहा ले आस्सा जो खुसी ऐं कि ना सिर्फ परमेसरा रा खुसी री खबर सुणाए, बल्की तुस्सा रे कठे आपणी जान भी देई दे, क्यूंकि तुस्से आस्सा रे कठे बौह्त लाडले हुई गईरे थे।

2 तिमिथियुस 4:6

हांऊँ ये आदेस तुजो इधी कठे देईं करहा, पर परमेसरा रे कठे मेरी जिन्दगी होर मेरा काम दुहें खत्म हूंणे वाले, क्यूंकि हांऊँ जाणहां कि मां बौह्त जल्दी दुनिया छाडी किन्हें चली जाणा।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,

1 यहून्ना 3:16

आस्से प्यार एता ले जाणेया कि, यीसू मसीहे आस्सा रे कठे आपणे प्राण देई दिते; इधी कठे आस्सा जो भी भाई होर बैहणा रे कठे आपणे प्राण देणे चहिए।