फिलिप्पियो 2:11 - मंडयाली नंऊँआं नियम

¹¹ होर बापू परमेसर री महिमा रे कठे हर एक माह्णुं मनी ले कि यीसू मसीह ई प्रभु आ।

फिलिप्पियो 2:11 Cross References

मत्ती 10:32

“इधी कठे जो कोई माह्णुं रे साम्हणें मुंजो मन्नी लैन्घा से मां भी आपणे स्वर्गीय बापू रे साम्हणें मन्नी लैणा।

लूका 2:11

होर से खबर येई कि आज राजा दाऊदा रे गांऊँआं बैतलैहम मन्झ एक उद्धारकर्ता तुस्सा रे कठे जम्मिरा, होर येई मसीह प्रभु आ।

यहून्ना 12:42

तेबे बी कई खास अगुवे मन्झा ले कई लोके तेस पर विस्वास कितेया, पर फरीसी लोका री वजहा ले खुल्ही किन्हें तेस जो नी मन्नदे थे। तिन्हो डर था कि तिन्हो यहूदी सभा मन्झा ले काढी नी दे।

यहून्ना 13:13

“तुस्से मुंजो ‘गुरू,’ होर ‘प्रभु,’ बोल्हा ऐं, होर ठीक ई बोल्हा ऐं, क्यूंकि हांऊँ तुस्सा रा गुरु होर प्रभु आ।

यहून्ना 13:14

अगर मैं गुरू प्रभु होर हुई किन्हें तुस्सा रे पैर धोये; ता तुस्सा जो भी दीन बणी किन्हें एक दूजे रे पैर धोणे चहिए।

यहून्ना 14:13

होर जो कुछ तुस्से मेरे नांऊँआं ले मान्घगे, तेह्ड़ा ई मां करणा ताकि मह्ठे रे ज्रीए बापू री बड़ाई हो।

यहून्ना 14:23

यीसूए तेस जो जवाब दितेया, “अगर कोई मेरे किन्हें प्यार रखघा, ता तेस मेरे बचन मनणें। होर मेरे बापू तेस किन्हें प्यार रखणा, होर आस्सा तेस वाले आऊंणा, होर तेस साउगी रैंह्णां।

यहून्ना 17:1

यीसूए ये सारी गल्ला चेलेया किन्हें बोली होर तेता रे बाद स्वर्गा वखा जो देखी किन्हें बोल्या, “हे बापू, से घड़ी आई पुजीरी, आपणे मह्ठे री महिमा कर कि, मह्ठा भी तेरी महिमा करहे।

यहून्ना 20:28

ये सुणी किन्हें थोमे जवाब दितेया, “हे मेरे प्रभु, हे मेरे परमेसर!”

यहून्ना 9:22

यूं गल्ला तेसरे माऊ-बापू इधी कठे बोली क्यूंकि स्यों यहूदी अगुवे ले डरहा ऐं थे; क्यूंकि यहूदी एका करी चुकिरे थे कि, अगर कोई बोले कि से मसीह आ, ता तेस जो यहूदी सभा ले बाहर काढी देआ।

चुणिरे चेले रे काम 10:36

ये सेई सांति रा खुसी री खबर आ जेह्ड़ा इस्राएल देसा रे लोका वाले यीसू मसीह रे ज्रीए भेजिरा, जो सभिरा प्रभु आ।

चुणिरे चेले रे काम 2:36

इधी कठे ऐबे सारे इस्राएल देसा रे लोक पक्का ये जाणी ले कि परमेसरे तेस यीसू जो जेस जो तुस्से क्रूसा प्रयाल्हे चढ़ाया, से प्रभु होर मसीह ठैहराया।

रोमियो 14:11

क्यूंकि पवित्र सास्त्रा मन्झ लिखिरा, “प्रभु बोल्हा, मेरी जिन्दगी री कसम कि हर एक माह्णुंआं मेरे साम्हणें घुटना टेकणा, होर हर एक माह्णुंआं परमेसरा रा अंगीकार करणा।”

रोमियो 14:9

मसीह इधी कठे मरेया होर दबारा जिउंदा भी हुई गया कि, मरिरे होर जिउंदे लोक दुंहें यीसू मसीह जो ही प्रभु मने।

रोमियो 15:9

होर गैर-यहूदी रे लोका भी परमेसर री दया री वजहा ले परमेसरा री बड़ाई करहे, जिहां पवित्र सास्त्रा मन्झ लिखिरा, “इधी कठे मां जाति-जाति रे लोका मन्झ तेरी बढ़ाई करणी, होर तुस्सा रे नांऊँआं रा भजन गाणा।”

1 कुरिन्थियो 12:3

इधी कठे हांऊँ चाहां की तुस्सा एस्सा गल्ला जो जाणी लो कि परमेसरा री दितिरी आत्मा रे ज्रीए कोई भी माह्णुं एह्ड़ा नी बोल्दा कि यीसू स्रापित आ, होर पवित्र आत्मा रे ज्रीए ही से ये बोली सक्हा कि “यीसू ही प्रभु आ।”

1 कुरिन्थियो 15:47

पैहला माह्णुं धरती ले यानि माटे रा बणिरा था; दूजा माह्णुं यानि मसीह स्वर्गा ले आईरा था।

1 कुरिन्थियो 8:6

तेबे बी आस्सा रा एक ई परमेसर आ; होर से आस्सा रा बापू आ; होर तिन्हें ही सारी चीजा रचिरी, होर आस्से तेसरे कठे ही जिउंदे, होर आस्सा रा एक ई प्रभु आ, होर से यीसू मसीह आ; जेसरे ज्रीए सारी चीजा रचिरी, होर आस्से तेसरे ज्रीए जिउंदे।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 यहून्ना 4:15

जो कोई ये मनी लैहां कि, यीसू परमेसरा रा मह्ठा आ; परमेसर तेस मन्झ वास करहा ऐं, होर से परमेसरा मन्झ वास करहा।

1 यहून्ना 4:2

परमेसरा रा आत्मा तुस्से एस तरहा प्छ्याणी सक्हा ऐं कि, जो कोई आत्मा मनी लैंहीं कि, यीसू मसीह माह्णुं रा रूप धारण करी किन्हें एस धरती मन्झ आया; से परमेसरा री तरफा ले आ।

2 यहून्ना 1:7

ये गल्ला हांऊँ तुस्सा जो इधी कठे याद कुरायीं करहा क्यूंकि बौह्त लोक संसारा मन्झ निक्लिरे, जो आपणी झूठी उपदेसा किन्हें लोका जो धोखा दे। से बोल्हा कि यीसू मसीह एस संसारा मन्झ माह्णुं बणी किन्हें नी आईरा, एह्ड़ा बोलणे बाला मसीह रा व्रोधी आ जो लोका जो धोखा देआ।

प्रकासना री गल्ला 3:5

जो लोक जीत हासिल करहे, तिन्हों इंहां ई चिटे कपड़े पैहनाए जाणे, होर मां तिन्हारा नांऊँ जिन्दगी री कताबा मन्झा ले कधी भी नी टाहणा। मां आपणे बापू होर तेसरे स्वर्गदूता रे साम्हणें ये बोलणा कि ये मेरे लोक ऐं।