फिलिप्पियो 1:8 - मंडयाली नंऊँआं नियम

⁸ क्यूंकि परमेसर मेरा गुआह आ; कि हांऊँ मसीह यीसू रे प्यारा साहीं तुस्सा सभी जो देखणे कितना चाहां।

फिलिप्पियो 1:8 Cross References

लूका 1:78

आस्सा रे परमेसरा री बड़ी दया ले जिहां सूरज आस्सा जो प्रयासा देणे रे कठे चमका तिहां ही आस्सा रे कठे मसीहा स्वर्गा ले उतरणा।

रोमियो 1:9

परमेसर मेरा गुआह आ कि, कियां हांऊँ तुस्सा सभी जो आपणी प्रार्थना मन्झ लगातार याद करदा रैंहयां। से परमेसर, जेसरे मह्ठे री खुसी री खबरा जो हांऊँ पुरे मना किन्हें प्रचार करहा।

रोमियो 9:1

ऐबे अगर परमेसरा रे प्यारा ले कोई आस्सो लग नी करी सकदा, ता किधियो इस्राएल देसा रे लोक परमेसरा ले दूर हुई गये जो मेरे आपणे यहूदी लोक ऐं, मुंजो एस गल्ला ले बौह्त दुःख आ होर मेरे दिला मन्झ तिन्हारे रे कठे बौह्त बोझ आ। मेरे आपणे लोका रे छुटकारे कठे अगर मेरे पर दोस लगे या हांऊँ मसीह ले लग भी कितेया जांऊँ, तेबे भी हांऊँ एता रे कठे त्यार आ। होर हांऊँ सच्च बोला कि मसीह मेरा गुआह आ। मेरी अंतरात्मा होर पवित्र आत्मा भी एस गल्ला री गुआही देआ कि हांऊँ झूठ नी बोलदा।

2 कुरिन्थियो 13:9

जेबे आस्से कमजोर हुंहाँ ऐं, होर तुस्से ताकतवर, ता आस्से बौह्त खुस हुंहाँ ऐं। होर ये प्रार्थना भी करहा ऐं कि, तुस्से विस्वासा मन्झ सिद्ध हुंदे जाओ।

2 कुरिन्थियो 6:12

तुस्सा रे कठे आस्सा रा प्यार कधी कम नी हुआ, पर तुस्सा रा प्यार आस्सा रे कठे घटी गईरा।

2 कुरिन्थियो 7:15

जेबे तितुसा जो याद आहूँआं ईं तुस्से सभ केह्ड़े आज्ञाकारी थे, होर किहाँ तुस्से डर होर आदरा किन्हें तेसरा स्वागत कितेया था; तेबे तेसरा प्यार तुस्सा सभी रे कठे होर भी ज्यादा बढ़ी जाहाँ।

गलातियो 1:20

परमेसर मेरा गुआह आ कि, जो गल्ला हांऊँ तुस्सा जो लिख्या करहा, तेता मन्झ कोई भी झूठ नी आ।

गलातियो 3:26

होर जेबे तुस्से मसीह रे नांऊँआ रा बपतिस्मा लितिरा था, तुस्से मसीह रे स्वभावा जो इंहां पैहनी लितेया, जिहां कोई नंऊँऐं कपड़े पैहना। इधी कठे जेबे तुस्से मसीह यीसू पर विस्वास कितेया, ता तुस्से सब परमेसरा रे बच्चे बणी गईरे।

गलातियो 4:19

हे मेरे लाडले बच्चेयो, जिहां बच्चा जणने रे टैमा जनाने जो पीड़ा हुईं, तिहां ही हांऊँ तुस्सा रे कठे एक बारी होर पीड़ा सहन करी करहा। जेबे तक तुस्से पूरी तरहा मसीहा साहीं नी बणी जाओ, तेबे तक मां से पीड़ा सहन करदे रेहणा।

फिलिप्पियो 2:1

क्यूंकि मसीह साउगी जुड़े हूणे री वजहा ले तुस्सा जो हिम्मत हूँआ ई, होर तुस्से मसीह रे प्यारा ले जो से तुस्सा किन्हें करहा सांति मिलाई, तुस्सा री पवित्र आत्मा साउगी संगती ई, होर मसीहे तुस्सा पर करुणा होर अनुग्रहा कितिरा।

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

फिलिप्पियो 4:1

इधी कठे हे लाडले भाईयो होर बैहणो, हांऊँ तुस्सा किन्हें प्यार रखा होर मुंजो तुस्सा लोका किन्हें मिलणे री बढ़ी इच्छा ई। तुस्से लोक मेरे खुसी होर मेरे ताज ऐं, होर तुस्से प्रभु पर आपणे विस्वासा मन्झ मजबूत बणी रहा।

कुलुस्सियो 2:1

हांऊँ चाहां कि तुस्से जाणी लो कि, हांऊँ कितनी कड़ी मेहनत करेया करहा। मेरी ये मेहनत तुस्सा रे कठे होर लौदिकिया सैहरा मन्झ रैहणे वाले लोका रे कठे, होर तिन्हा सभी रे कठे ई, जेह्ड़े जे मैं देखीरे भी नी ऐं।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

1 थिस्सलुनकियो 2:5

तुस्से जाणहां ऐं कि, आस्से ना कधी चापलूसी री गल्ला करहा ऐं थे, होर ना ही लालचा री वजहा ले कोई काम कितिरा। होर परमेसर गुआही देआ कि आस्से एह्ड़ा काम नी कितिरा।

1 थिस्सलुनकियो 2:8

तुस्सा रे कठे ममता हूंणे री वजहा ले आस्सा जो खुसी ऐं कि ना सिर्फ परमेसरा रा खुसी री खबर सुणाए, बल्की तुस्सा रे कठे आपणी जान भी देई दे, क्यूंकि तुस्से आस्सा रे कठे बौह्त लाडले हुई गईरे थे।

2 तिमिथियुस 1:4

मुंजो याद आ कि जेबे हांऊँ तुजो छाडी किन्हें जाई करहा, ता तू किहाँ मेरे कठे आंसू ब्हाई किन्हें रोई करहा था, होर ऐबे हांऊँ तेरे किन्हें मिलणे रे कठे तरस्या करहा, ताकि खुसी किन्हें भरी जाऊं।

फिलेमोन 1:12

हालांकि उनेसिमुस मेरे दिला रा टुकड़ा आ, होर हांऊँ तेस जो तेरे वाले वापस भेज्या करहा।

फिलेमोन 1:20

हे लाडले दोस्त, प्रभु री वजहा ले तेरी तरफा ले मुंजो ये मदद मिली जाए: क्यूंकि आस्से दुहें मसीह हूंणे री वजहा ले तू मुंजो हिम्मत दे।

1 यहून्ना 3:17

पर जेस केसी वाले संसारा री धन दौलत हो, होर से आपणे भाई होर बैहणा जो गरीब देखी किन्हें तरस नी खाणा चाहे, ता तेस मन्झ परमेसरा रा प्यार किहाँ बणी रही सक्हा?