फिलिप्पियो 1:7 - मंडयाली नंऊँआं नियम

⁷ तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 1:7 Cross References

चुणिरे चेले रे काम 20:23

सिर्फ ये कि पवित्र आत्मा हर सैहरा मन्झ गुआही देई-देई किन्हें मेरे किन्हें बोल्हा कि, हांऊँ बन्धी बनाया जाणा होर बौह्त दुःख सहन करणा पऊणा।

चुणिरे चेले रे काम 21:33

तेबे पलटना रे मुखिये नेडे आई किन्हें पौलुस पकड़ी लया; होर से बंदी बणाई लया; तिन्हें तेस जो दो जंजीरा किन्हें बान्ह्णे रा हुक्म दितेया। फेरी तिन्हें पूछेया कि, “ये कुणहां होर इन्हें क्या कितिरा?”

1 कुरिन्थियो 13:7

स्यों लोक हमेसा सभ गल्ला जो सही लैहें, स्यों परमेसरा पर विस्वास करणा कधी नी छाडदे, स्यों हमेसा आस रखायें, जेबे तिन्हो परेसानिया होर कष्ट हुयें तेबे भी सबर रखे।

1 कुरिन्थियो 9:23

होर हांऊँ सभ कुछ मसीह रे बारे मन्झ जो खुसी री खबर ई, तेता जो सुनाणे रे कठे करी करहा, ताकि हांऊँ भी तेस आसरीवाद रा साझीदार बणी जाऊं, जेस जो देणे रा वादा परमेसरे खुस खबरी मन्झ कितिरा।

2 कुरिन्थियो 3:2

पर तुस्से आपु चिठ्ठीया ई जो आस्सा री सिफारिस करी, जो आस्सा रे दिला पर लिखी गईरी। ताकि तुस्सा रे बीचा आस्सा रे भले कामा जो सब माह्णुं पछयाणी सके होर पढ़हा सके।

2 कुरिन्थियो 7:3

हांऊँ ये तुस्सा पर दोस लगाणे रे कठे नी बोल्दा लगिरा: क्यूंकि हांऊँ पैहले ई बोली चुकिरा कि, हांऊँ तुस्सा किन्हें पुरे दिला किन्हें प्यार करहा होर आस्सा रा तुस्सा रा जीणे-मरणे रा साथ आ।

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

इफिसियो 3:1

क्यूंकि तुस्सा गैर-यहूदी लोका रे कठे परमेसरे ये सभ कुछ कितिरा, हांऊँ पौलुस तुस्सा रे कठे प्रार्थना करहा। होर तुस्सा गैर-यहूदी लोका जो खुसी री खबर सुणाणे री वजहा ले हांऊँ जेल्हा मन्झ आ।

इफिसियो 4:1

इधी कठे हांऊँ, जो प्रभु यीसू री सेऊआ करणे री वजहा ले जेल्हा मन्झ कैद आ, तुस्सा ले अर्ज करहा कि, जेस बुलाहटा ले परमेसरे तुस्से आपणे लोक हूंणे रे कठे सादीरे, तेता रे मताबक आपणी जिन्दगी जीया।

इफिसियो 6:20

होर इधी कठे हांऊँ जंजीरा मन्झ जकड़ीरे राजदूत साहीं सेऊआ करदा लगिरा। होर इधी कठे भी प्रार्थना करहा कि जेहड़ा मुंजो बोलणा चहिए, तेह्ड़ा हांऊँ बगैर डरे खुसी री खबरा रा प्रचार कर सकूं।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:13

एथी तक कि महाराजे रे राजमहला री सारी पलटन होर बाकि लोका ये जाणी गईरे कि, मसीह रा सेऊआदार हूंणे री वजहा ले हांऊँ जेल्हा मन्झ आ।

फिलिप्पियो 1:14

मेरे जेल्हा मन्झ हूंणे री वजहा ले प्रभु मन्झ बौह्त सारे विस्वासी भाई बैहणा जो होंसला मिलिरा। स्यों प्रभु पर विस्वास रखी किन्हें पैहले ले ज्यादा हिम्मता साउगी निधड़क हुई किन्हें परमेसरा रा बचन सुणां ऐ।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 4:14

तेबे भी तैं भला कितेया कि, तुस्से पैसे री मदद करी किन्हें मेरे दुःखा मन्झ मेरे साझी बणे।

फिलिप्पियो 4:15

होर हे फिलिप्पी सैहरा रे लोको, तुस्से आपु भी जाणहां ऐं कि, जेबे मै तुस्सा जो खुसी री खबरा सुणाई किन्हें मकीदुनिया ईलाके मन्झ चली गया, ता तेबे सिर्फ तुस्सा री कलीसिया रे लोके मददा रे कठे पैसे देई किन्हें मेरी मदद किती।

फिलिप्पियो 4:3

होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।

कुलुस्सियो 4:18

हांऊँ पौलुस चिठ्ठी रे एस हिस्से जो आपणे हाथा ले लिख्या करहा ताकि हांऊँ तुस्सा जो नमस्कार बोली सकूं, ये याद रखणा कि हांऊँ जेल्हा मन्झ आ। होर प्रार्थना करहा कि परमेसर तुस्सा जो अनुग्रह देंदा रहे। आमीन।

कुलुस्सियो 4:3

होर एता साउगी-साउगी आस्सा रे कठे भी प्रार्थना करदे रैंहयां कि, परमेसर आस्सा रे कठे बचन सुनाणे रा एह्ड़ा मौका दे कि, आस्से मसीह रे तेस भेदा रा ब्खान करी सके होर एस खबर जो सुनाणे री वजहा ले ऐबे भी हांऊँ जेल्हा मन्झ आ।

1 थिस्सलुनकियो 5:5

क्यूंकि तुस्से लोक जेह्ड़े भी काम करहा ऐं स्यों प्रयासे मन्झ करहा ऐं यानि ध्याड़ीया रे टैमा मन्झ करहा ऐं। होर ना ता नह्यारे मन्झ करहा ऐं यानि रातके टैमा मन्झ करहा ऐं।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

फिलेमोन 1:13

हांऊँ चाहां था कि तेस जो आपणी मददा रे कठे रखूं कि, से तुस्सा रे बदले मेरी सेऊआ करहे (हांऊँ जाणहां कि तू मेरी सेऊआ करणा चाहां), क्यूंकि हांऊँ ऐबे खुसी री खबरा रे प्रचारा री वजहा ले जेल्हा मन्झ आ।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

1 पतरस 4:13

पर जिहां-जिहां तुस्से मसीह रे दुःखा मन्झ साझी हुंहाँ ऐं, खुसी मनाऊआ। एस वजहा ले जेबे मसीहा लोका पर आपणी महिमा जाहिर करदे आऊंणा, तेबे तुस्सा बौह्त ज्यादा खुस हूंणा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

2 पतरस 1:13

आस्सा रे प्रभु यीसू मसीहे मुंजो ये गल दसीरी कि मेरे मरणे रा टैम जल्दी आऊणें वाल़ा आ। इधी कठे हांऊँ सोच्हा कि मेरे कठे ये ठीक आ कि, मेरे ऐबे जिउंदे रैहन्दे ही इन्हा गल्ला रे बारे मन्झ तुस्सा जो याद कुरांदा ही रहूँ।

1 यहून्ना 3:14

आस्से जाणहां ऐं कि, आस्से मौता ले पार हुई किन्हें अनंत जिन्दगी मन्झ आई पुज्ही रे; क्यूंकि आस्से भाई होर बैहणा किन्हें प्यार रख्हा ऐं, जो प्यार नी रख्दे, से मौता री दसा मन्झ रैंहयां ऐं।