फिलिप्पियो 1:6 - मंडयाली नंऊँआं नियम

⁶ होर मुंजो एस गल्ला रा भरोसा आ कि, जेस परमेसरे तुस्सा मन्झ खरा काम सुर्हू कितिरा, तेस ई से काम यीसू मसीह रे दबारा वापस आऊणें रे ध्याड़े तक पूरा करणा।

फिलिप्पियो 1:6 Cross References

यहून्ना 6:29

यीसूए तिन्हा जो जवाब दितेया, “परमेसरा रा काम ये आ कि, तुस्से मेरे पर विस्वास करा जिन्हें जे हांऊँ भेजिरा।”

चुणिरे चेले रे काम 11:18

ये सुणी किन्हें, स्यों यहूदी विस्वासी चुप रैहे, होर परमेसरा री बड़ाई करी किन्हें बोल्दे लगे, “ता परमेसरे अन्यजाति लोका जो भी अनंत जिन्दगी पाणे रे कठे पापा जो छाडी किन्हें मसीहा पर विस्वास करणे रा दान दितिरा।”

चुणिरे चेले रे काम 16:14

होर लुदिया नांऊँआं री एक अराधना करणे वाल्ई ज्नाने थी जेस्से पौलुसा री गल्ला सुणी, जो थुआतिरा सैहरा मन्झ रैंहयां ईं थी होर से बैंगणी रंगा रे कपड़े बेचणे वाली थी, परमेसरे तेस्सा रा मन त्यार करी दितेया ताकि से पौलुसा री बोलिरी गल्ला पर ध्यान देई सके।

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

2 कुरिन्थियो 1:15

क्यूंकि मुंजो भरोसा आ कि तुस्सा री समझ अधूरी ई, इधी कठे ऐबे हांऊँ चाहां कि हांऊँ सभी ले पैहले तुस्सा वाले आऊँ; ताकि मेरे दो बारी तुस्सा वाले आऊणें ले तुस्सा जो दो गुणी आसीस मिले।

2 कुरिन्थियो 2:3

होर मैं येई गल तुस्सा जो इधी कठे लिखी कि, केते एह्ड़ा नी हो कि, मेरे आऊणें पर जिन्हा ले मुंजो खुसी मिलणी चहिए, हांऊँ तिन्हा ले दुखी हुई जाऊं। क्यूंकि मुंजो तुस्सा सभी पर ऐस गल्ला रा भरोसा आ कि, जो मेरी खुसी ई, सेई तुस्सा सभी री भी खुसी ई।

2 कुरिन्थियो 7:16

मुंजो एस गल्ला री भी खुसी हुंहाँ ईं कि, ऐबे हांऊँ हर गल्ला मन्झ तुस्सा रा भरोसा करी सक्हा।

2 कुरिन्थियो 9:4

एह्ड़ा नी हो कि, अगर मकीदुनिया ईलाके रे कोई विस्वासी भाई मेरे साउगी आये, होर तुस्सा वाले से ढब्बे त्यार नी हो, ता आस्सा रा जेह्ड़ा भरोसा तुस्सा पर आ, तेता री वजहा ले आस्से बेज्जत हूंणा, पर तुस्सा एता ले भी ज्यादा बेज्जत हूंणा।

गलातियो 5:10

पर हांऊँ परमेसरा पर भरोसा करहा कि से तुस्सा जो इन्हा झूठे उपदेसा पर विस्वास करणे ले बचाणे। पर जो लोक तुस्सा रे मना जो असांत करी करहे, परमेसरा तिन्हो सजा देणी।

इफिसियो 4:12

परमेसरे ये बरदान इधी कठे दितिरे, ताकि परमेसरा रे लोक तेसरी सेऊआ करणे रे लायक बणे, होर कलीसिया री बढ़ौतरी रे कठे काम करी सके, जो मसीह रा सरीर आ।

फिलिप्पियो 1:10

ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 1:29

क्यूंकि मसीह री वजहा ले तुस्सा पर ये अनुग्रह हुईरा कि ना सिर्फ तेस पर विस्वास करा पर तेसरे कठे दुःख भी सहन करा।

फिलिप्पियो 2:12

हे लाडले भाईयो होर बैहणो, जेबे हांऊँ तुस्सा साउगी था ता तुस्से हमेसा ले मेरी बिधिया मनी री। होर ऐबे जेबे हांऊँ तुस्सा ले दूर आ ता तिन्हा बिधिया जो मनणा तुस्सा रे कठे होर भी ज्यादा जरूरी आ। डर किन्हें होर बड़ी इज्जत साउगी परमेसरा रे हुकमा जो मना। होर आपणे उद्धारा रे कामा जो पूरा करणे रे कठे कड़ी मेहनत करा।

फिलिप्पियो 2:13

क्यूंकि परमेसर ही आ, जो तुस्सा जो एह्ड़ी इच्छा होर सक्ति देहां कि तुस्से से काम करहा जो तेस जो खुस करहा।

फिलिप्पियो 2:16

जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

कुलुस्सियो 2:12

जेबे तुस्से बपतिस्मा लितेया ता मसीह साहीं दफनाए गये होर तुस्से मसीह साहीं जिउंदे भी किते गये। ये इधी कठे हुआ क्यूंकि तुस्से विस्वास कितेया कि परमेसरे आपणी सामर्था ले मसीह रे मरणे रे बाद तेस जो मरिरे मन्झा ले जिउंदा कितेया।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

2 थिस्सलुनकियो 1:11

इधी कठे आस्से हमेसा तुस्सा रे कठे प्रार्थना भी करहा ऐं कि, आस्सा रा परमेसर तुस्सा जो तेस जिन्दगी रे लायक बणाये, जेस जो जीणे रे कठे तुस्से सादिरे। होर तुस्सा री हर एक खरी इच्छा जो भलाई रे कामा मन्झ बदली दे, होर आपणी सामर्था रे ज्रीए विस्वासा रे मताबक जिन्दगी जीणे मन्झ मदद करहे।

2 थिस्सलुनकियो 3:4

होर आस्सा जो प्रभु मन्झ तुस्सा पर भरोसा आ कि, आस्से जो गल्ला करणे जो तुस्सा जो बोलिरी, तुस्से तेह्ड़ा ही करदे लगिरे, होर करदे भी रैंह्णां।

फिलेमोन 1:21

जेबे ये चिठ्ठी हांऊँ तुस्सा जो लिखी करहा मुंजो पक्का विस्वास आ कि जिहां मैं तुस्सा ले पूछीरा तुस्सा तेहड़ा ही करणा, बल्कि हांऊँ जाणहां कि तुध तेता ले बढ़ी किन्हें करणा।

इब्रानियो 10:35

इधी कठे आपणी हिम्मत नी हारा, क्यूंकि हिम्मत नी हारने वाल़ेया जो परमेसर बौह्त बडा इनाम देणा।

इब्रानियो 12:2

आस्सो विस्वासा री वखा जो लेई जाणे वाले, होर आस्सा रे विस्वासा जो सिद्ध करणे वाले, यीसू री तरफ देखदे रहे। जिन्हें तेस्सा खुसी रे कठे जो तेस जो बादा मन्झ मिलणे वाली थी, बेज्जती री परवाह नी करी किन्हें क्रूसा प्रयाल्हे मरी गया, होर राजगद्दी पर परमेसरा रे सीधी वखा जो बैठी गया।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।

2 पतरस 3:10

पर प्रभुआ जरुर वापस आऊंणा, जिहां एक चोर अचानक आं तिहां ही प्रभुआ भी आऊंणा। तेस ध्याड़े आसमाना मन्झ गड़गड़ाहटा री अवाज हूणीं होर तेस लुप्त हुई जाणा। होर जो कुछ आसमाना मन्झ आ यानि सूरज, चांद होर तारे आगा किन्हें पूरी तरहा नास हुई जाणे। होर तेस ध्याड़े परमेसरा लोका रा न्याय करणे रे कठे जो कुछ तिन्हें धरती पर कितिरा जाहिर करणा।