फिलिप्पियो 1:5 - मंडयाली नंऊँआं नियम

⁵ इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:5 Cross References

चुणिरे चेले रे काम 2:42

होर स्यों चुणिरे चेलेया ले उपदेस पाणे, होर एक दूजे किन्हें संगती करणे, होर प्रभु भोज लेणे होर प्रार्थना करणे मन्झ व्यस्त रहे।

रोमियो 11:17

होर इस्राएला रे लोक खेती वाले जैतूना रे पांगे साहीं ऐ, होर अब्राहम, इसहाक होर याकूब एस डाला री जड़ा साहीं आ। होर अगर एस जैतूना रे डाला रे कुछ पांगे तोड़ी दिते जाए, होर तू जो एक जंगली जैतूना रे डाला रे पांगे साहीं आ होर तेता पर कलम करी दिती जाए, ता यहूदी लोका जो मिलणे वाली आसिसा रा फायदा तुस्सा जो भी हुआ। ठीक तिहां ही जिहां जंगली जैतूना रे डाला रे पांगे जो खेती वाले डाला री जड़ा ले रस मिला।

रोमियो 12:13

परमेसरा रे पवित्र लोका जो जिन्हा चीजा री कमी हो, तेता जो पूरी करणे मन्झ तिन्हारी मदद करा; अजनबीया रा आदर-खातर करणे मन्झ लगी रैहया।

रोमियो 15:26

क्यूंकि मकीदुनिया होर अखाया ईलाके रे लोका जो पुरे दिला ले एस कामा जो करणा खरा लग्या कि जो परमेसरा रे पवित्र लोक यरुस्लेम सैहरा मन्झ ऐे होर गरीब लोक ऐे, तिन्हारी मदद करणे रे कठे कुछ ढब्बे कठ्ठा करूं।

1 कुरिन्थियो 1:9

होर तुस्से पक्का जाणी लो कि परमेसरा एह्ड़ा ही करणा, क्यूंकि परमेसर आपणे वादे जो पूरा करणे रे कठे सच्चा आ; होर तिन्हें तुस्से आपणे मह्ठे आस्सा रे प्रभु यीसू मसीह साउगी एक हूणे रे कठे चुणी लितिरा।

2 कुरिन्थियो 8:1

ऐबे हे भाईयो बैहणो, आस्से तुस्सा जो मकीदुनिया ईलाके री कलीसिया रे लोका पर हुई परमेसरा रे अनुग्रहा रे बारे मन्झ दसणा चाहें।

इफिसियो 3:6

परमेसरा री योजना ये ई: मसीह यीसू साउगी एक हूंणे री वजहा ले गैर-यहूदी लोका भी खुसी री खबरा रे ज्रीए तेस विरासता रे साझीदार हूंणे जो यहूदी लोका रा। स्यों एक ही सरीरा रे अंग ऐं, होर परमेसरा रे कितिरे वादे रे साझी ऐं, जो तिन्हें यहूदी लोका किन्हें कितिरा।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:16

जो लोक खरी इरादे ले प्रचार करहे स्यों मसीह किन्हें प्यार करहे, होर जाणहां ऐं कि मुंजो मसीह रे खुसी री खबरा रा बचाव करणे री वजहा ले जेल्हा मन्झ पाईरा।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:12

हे लाडले भाईयो होर बैहणो, जेबे हांऊँ तुस्सा साउगी था ता तुस्से हमेसा ले मेरी बिधिया मनी री। होर ऐबे जेबे हांऊँ तुस्सा ले दूर आ ता तिन्हा बिधिया जो मनणा तुस्सा रे कठे होर भी ज्यादा जरूरी आ। डर किन्हें होर बड़ी इज्जत साउगी परमेसरा रे हुकमा जो मना। होर आपणे उद्धारा रे कामा जो पूरा करणे रे कठे कड़ी मेहनत करा।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 4:3

होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।

फिलेमोन 1:17

इधी कठे अगर तुस्से मुंजो आपणा सहभागी समझे ता जेबे उनेसिमूसा तुस्सा वाले आऊंणा ता तुस्से खुसी किन्हें तेसरा स्वागत करहा जेहड़ा तुस्से मेरा स्वागत करहे।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

1 यहून्ना 1:3

जो कुछ आस्से यीसू रे बारे देख्या होर सुणेयां तेता री खबर आस्से तुस्सा जो भी देहां ऐं, इधी कठे कि तुस्से भी आस्सा साउगी सैहभागी ऐं; होर आस्सा रा ये साथ बापू परमेसरा साउगी होर तेसरे मह्ठा यीसू मसीह साउगी आ।

1 यहून्ना 1:7

पर जिहां परमेसर प्रयासे मन्झ आ, तिहां ईं आस्सा जो भी प्रयासे मन्झ चलणा चहिए, ता आस्से एक दूजे किन्हें साथ रख्हा ऐं; होर तेसरे मह्ठा यीसू मसीहा रा खून आस्सा जो सभ पापा ले पवित्र करहा।