फिलिप्पियो 1:30 - मंडयाली नंऊँआं नियम

³⁰ तुस्से मुंजो फिल्लिपी सैहरा मन्झ भी कस्ट सहन करदे हुए देखीरा होर ऐबे भी मेरे दुखा रे बारे मन्झ सुणे जो मुंजो जेल्हा मन्झ हुआ। ऐबे तुस्सा जो भी मेरे साहीं कस्ट सहन करणा पऊणा।

फिलिप्पियो 1:30 Cross References

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

फिलिप्पियो 1:13

एथी तक कि महाराजे रे राजमहला री सारी पलटन होर बाकि लोका ये जाणी गईरे कि, मसीह रा सेऊआदार हूंणे री वजहा ले हांऊँ जेल्हा मन्झ आ।

कुलुस्सियो 1:29

एस कामा जो पुरे करणे रे कठे हांऊँ मेहनत होर संघर्स करहा। होर एह्ड़ा हांऊँ, मसीह रे एस बडी सामर्था री वजहा ले करहा, जो तिन्हें मुंजो दितिरी होर मेरे मन्झ काम करहा ई।

कुलुस्सियो 2:1

हांऊँ चाहां कि तुस्से जाणी लो कि, हांऊँ कितनी कड़ी मेहनत करेया करहा। मेरी ये मेहनत तुस्सा रे कठे होर लौदिकिया सैहरा मन्झ रैहणे वाले लोका रे कठे, होर तिन्हा सभी रे कठे ई, जेह्ड़े जे मैं देखीरे भी नी ऐं।

1 थिस्सलुनकियो 2:2

बल्की तुस्से आपु ई जाणहां ऐं कि, फिलिप्पी सैहरा मन्झ दुःख उठाणे होर दंगे सैहणे ले बाद भी आस्सा जो परमेसरे एह्ड़ी हिम्मत दिती कि लोका रा घोर व्रोध करणे पर भी तुस्सा रे सैहरा मन्झ भी आस्से तुस्सा जो परमेसरा री खुसी री खबर सुणाई सके।

1 तिमिथियुस 6:12

एक खरे स्पाही साहीं जो लड़ाई रे टैम कधी हिम्मत नी हारदा, आपणे विस्वासा रे कठे खरी लड़ाई कर, होर अनंत जिन्दगी जो पकड़ी ले, जेसरे कठे तू सादी गईरा था, होर बौह्त लोका रे साम्हणें तैं गुआही दितीरी थी कि तू मसीह पर विस्वास करा।

2 तिमिथियुस 4:7

एक खरे स्पाही साहीं जो लड़ाई रे टैम कधी हिम्मत नी हारदा, मैं मसीह रे कामा जो पूरा करणे रे कठे बौह्त मेहनत कितिरी, होर मसीह पर मेरा विस्वास कधी नी बदली रा।

इब्रानियो 12:1

एस वजहा ले जेबे बौह्त लोका री विस्वासा री गुआहिया आस्सो इतने बड़े बादला साहीं घिर्ही गईरे, ता आऊआ, आस्से हर एक रोकणे वाली चीज, होर उलझाणे वाले पाप दूर करी किन्हें, से दौड़ जेस मन्झ जे आस्सा जो दौड़ना आ, सब्र रखी किन्हें दौड़े।

इब्रानियो 12:4

तुस्से पापा रे बरखलाप लड़दे हुए तेस किन्हें एह्ड़ी मुठभेड़ नी किती कि, तुस्सा री मौत हुई गई हो।

प्रकासना री गल्ला 12:11

आस्सा रे विस्वासी लोके सैताने जो हराई दितिरा। तिन्हें छेलू रे खूना रे ज्रीए जो तिन्हारे पापा री माफी रे कठे बहाई दितिरा था। होर तिन्हारी एस गुआही री वजहा ले कि ये छेलू ही तिन्हारा प्रभु आ, तिन्हें से हराई दितेया। भले ही तिन्हों आपणे प्राण देणे पये, पर स्यों आपणी गुआही ले पीछे नी हटे।