फिलिप्पियो 1:26 - मंडयाली नंऊँआं नियम

²⁶ जेबे मां तुस्सा वाले दबारा वापस आऊंणा तेबे जो काम मेरे ज्रीए प्रभु करेया करहा तेसरी वजहा ले मसीह यीसू पर बडयाई करणे रा तुस्सा वाले होर भी वजहा हूंणे।

फिलिप्पियो 1:26 Cross References

यहून्ना 16:22

इंहां करी किन्हें तुस्सा जो भी ऐबे दुःख हुंहाँ, पर मां तुस्सा किन्हें फेरी दबारा मिलणा होर तुस्सा रे मना मन्झ खुसी हूणीं; होर तुस्सा री खुसी तुस्सा ले केसी नी छुड़ाणी।

यहून्ना 16:24

ऐबे तक तुस्से मेरे चेले हूंणे री वजहा ले मेरे बापू ले कुछ नी मान्गेया; मान्घगे ता तुस्सा जो मिलणा ताकि तुस्सा री खुसी भरपूर हुई जाए।”

2 कुरिन्थियो 5:12

आस्से फेरी भी आपणी बड़ाई तुस्सा रे साम्हणें नी करदे बल्की आस्से आपणे बारे मन्झ तुस्सा जो गर्व करणे रा मौका देहां ऐं, ताकि तुस्से तिन्हा लोका जो जवाब देई सको, जो मना पर नी, बल्की बाहरी कामा पर बडयाई करहा ऐं।

2 कुरिन्थियो 7:14

क्यूंकि अगर मैं तितुसा रे साम्हणें तुस्सा रे बारे मन्झ कुछ गर्व कितेया हो, ता हांऊँ सर्मिन्दा नी हुआ, बल्की जिहां आस्से तुस्सा साउगी सब गल्ला सच्च -सच्च बोली दिती थी, तिहां ईं आस्सा रा गर्व जाहिर करणा तितुसा रे साम्हणें भी सच्च साबित हुआ।

2 कुरिन्थियो 7:4

हांऊँ तुस्सा किन्हें बड़ी हिम्मत रखी किन्हें बोल्या करहा, मुंजो तुस्सा पर बौह्त गर्व आ। मुंजो बौह्त तस्सली मिलिरी, आपणे सारे दुःखा मन्झ हांऊँ खुसी किन्हें भरपूर रैंहयां।

2 कुरिन्थियो 7:6

पर परमेसर दुआस लोका जो तस्सली देआ। होर तितुसा जो आस्सा वाले भेजी किन्हें परमेसरे आस्सा जो एह्ड़ी ही तस्सली दितिरी।

गलातियो 6:4

पर हर एक आपणे ई कामा जो परखी ले कि से खरा हाया की नी। होर अगर तिन्हें कुछ खरा कितिरा ता से आपणे कामा पर बडयाई करी सक्हा, पर तेस जो दूजे लोका रे कामा साउगी बराबरी नी करणी चहिए।

फिलिप्पियो 3:1

हे मेरे भाईयो बैहणो, इधी कठे प्रभु मन्झ खुस रैहया। तुस्सा जो बार-बार स्यों गल्ला लिख्दे रैंहणें ले मुंजो कोई कस्ट नी हुन्दा, क्यूंकि एता ले तुस्सा झूठे गुरुआ ले बची जाणा।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

फिलिप्पियो 4:10

हांऊँ प्रभु मन्झ बौह्त खुस आ कि, तुस्से इतने ध्याड़े ले बाद मुंजो मदद रे रूपा मन्झ पैसे भेजी किन्हें दबारा याद कितेया। पक्का तुस्से सुर्हू ले ही एह्ड़ा करणा चांहे थे, पर तुस्सा जो मौका नी मिल्या।

फिलिप्पियो 4:4

प्रभु मन्झ हमेसा खुस रैहया; हांऊँ दबारा बोल्हा, खुस रैहया।