फिलिप्पियो 1:21 - मंडयाली नंऊँआं नियम

²¹ क्यूंकि हांऊँ जिउंदा रहूँ ता मसीह रे कठे, होर मरणा मेरे कठे होर भी खरा।

फिलिप्पियो 1:21 Cross References

1 कुरिन्थियो 1:30

पर परमेसरे तुस्सा जो मसीह यीसू साउगी एक कितिरा होर मसीह रे ज्रीए से आस्सो आपणा ज्ञान देआ। होर परमेसर आस्सा जो आपणी नजरा मन्झ धर्मी भी बणा। मसीह रे ज्रीए आस्से पवित्र कितिरे होर से आस्सो आस्सा रे पापा ले अजाद करहा।

2 कुरिन्थियो 5:1

क्यूंकि आस्से जाणहां ऐं कि, एस संसारा मन्झ आस्सा रा सरीर एक डेरे साहीं आ, जेस मन्झ आस्से रहे। होर जेबे ये डेरा ढई जाणा यानि आस्सा मरी जाणा, ता आस्सा जो परमेसरा री तरफा ले स्वर्गा मन्झ एक एह्ड़ा डेरा मिलणा, जो माह्णुंआं रे हाथा रा बणाईरा नी पर जुग-जुग रे कठे हूंणां।

2 कुरिन्थियो 5:6

इधी कठे आस्से हमेसा हिम्मत रख्हा ऐं होर ये जाणहां ऐं; कि जेबे तक आस्से सरीरा मन्झ रैंहयां ऐं, तेबे तक आस्से परमेसरा साउगी स्वर्गा मन्झ नी रैहन्दे।

2 कुरिन्थियो 5:8

इधी कठे आस्से हिम्मत रख्हा ऐं, होर मरणे रे बाद एस सरीरा जो छाडी किन्हें प्रभु साउगी रैंह्णां होर भी खरा समझ्हा ऐं।

गलातियो 2:20

ये एह्ड़ा था जिहां हांऊँ मसीह साउगी तेसरे क्रूसा प्रयाल्हे मरी गया, हांऊँ से नी आ जो ऐबे भी जिउंदा, पर मसीह मेरे मन्झ जिउंदा। होर जेस तरहा ले ऐबे हांऊँ जिउंदा, ता सिर्फ परमेसर रे मह्ठे पर विस्वास करणे रे ज्रीए जिउंदा, जिन्हें मेरे किन्हें इतना प्यार कितेया कि तिन्हें आपणी जान मेरे कठे देई दिती।

गलातियो 6:14

हांऊँ क्रूसा प्रयाल्हे आस्सा रे प्रभु यीसू री मौता रे अलावा केसी होरी गल्ला पर बडयाई नी करणा चाहंदा। होर तेसरी मौता रे ज्रीए मानो ये संसार मेरे कठे, होर हांऊँ संसारा रे कठे क्रूसा प्रयाल्हे मरी गया।

फिलिप्पियो 1:20

मेरे दिला री आस होर सभी ले बड़ी इच्छा ता येई कि, केसी गल्ला मन्झ हांऊँ सर्मिन्दा नी होऊं। पर हमेसा निधड़क हुई किन्हें मसीह रे बारे मन्झ प्रचार करु जिहां हांऊँ पैहले करहा था। चाहे हांऊँ जिउंदा रहूं या मरी जाऊं मेरी जिन्दगी रे ज्रीए मसीह री बढ़ाई हमेसा करदा रैहणा।

फिलिप्पियो 1:22

अगर मेरे जिउंदे रैंहणें ले ही मसीह रा काम हुई सका, तेबे हांऊँ नी जाणदा कि मुंजो क्या चुणणा चहिए।

फिलिप्पियो 1:23

हांऊँ दुंहीं फैसले रे बीचा मन्झ लटकीरा; इच्छा ता ये करहा ई कि हांऊँ ये दुनिया छाडी किन्हें मसीह वाले चला जाऊं, क्यूंकि मेरे कठे ये ज्यादा खरा हूंणां।

फिलिप्पियो 2:21

क्यूंकि सभ आपणे मतलबा रे कठे जीएं, होर यीसू मसीह री गल्ला री परवाह नी करदे।

कुलुस्सियो 3:4

मसीह री वजहा ले ही तुस्सा जो ये नौंईं जिन्दगी मिलिरी, होर जेबे तेस वापस एस संसारा मन्झ आऊंणा, तेबे तुस्से भी आई किन्हें तेसरी महिमा मन्झ साझी बणी जाणा।

प्रकासना री गल्ला 14:13

होर मैं दबारा स्वर्गा ले केसी जो मेरे किन्हें ग्लांदे करदे हुए सुणेया कि इन्हा गल्ला जो लिख। ऐबे ले लेई किन्हें प्रभु पर विस्वास रखी किन्हें मरणे वाले लोक धन्य ऐं। तेबे पवित्र आत्मे एस गल्ला ले राजी हुई किन्हें बोल्या, “हां ये गल सच्च ई। स्यों लोक धन्य ऐं, क्यूंकि तिन्हा आपणी मैहनता किन्हें अराम पाणा, होर जो तिन्हें कितिरा तेता रे बदले तिन्हों इनाम मिलणा।”