फिलिप्पियो 1:19 - मंडयाली नंऊँआं नियम

¹⁹ क्यूंकि हांऊँ ये जाणहां कि, तुस्सा री प्रार्थना होर यीसू मसीह रे ज्रीए भेजिरी पवित्र आत्मा री सहायता ले एस कैद मन्झ रेहणा मेरे कठे भलाई री वजहा ई।

फिलिप्पियो 1:19 Cross References

चुणिरे चेले रे काम 16:7

होर तिन्हें मुसिया ईलाके रे नेडे पुज्ही किन्हें, बितूनिया ईलाके मन्झ जाणा चाहेया; पर यीसू री आत्मे तिन्हा जो जाणे नी दितेया।

रोमियो 8:28

होर आस्से जाणहां ऐं कि जो लोक परमेसरा किन्हें प्यार रख्हा ऐं, होर जो परमेसरा री इच्छा रे मताबक चुणिरे तिन्हारे कठे सब गल्ला मिली किन्हें भलाई पैदा करहा ई।

रोमियो 8:9

पर जेब्की पवित्र आत्मा तुस्सा मन्झ वास करहा, ता तुस्से पापा रे स्वभाव रे अधीन नी ऐं, पर पवित्र आत्मा रे अधीन ऐं। अगर केसी मन्झ पवित्र आत्मा नीआ, ता से मसीह रा नीआ।

1 कुरिन्थियो 4:17

इधी कठे मैं तिमिथियुस तुस्सा वाले भेजिरा। हांऊँ तेजो एक मह्ठे साहीं प्यार करहा, होर से प्रभु रा भरोसे लायक सेऊआदार आ तेस तुस्सा जो दसणा कि हांऊँ क्या करहा होर कियां मसीह यीसू रा चेला बणी किन्हें जियां, ठीक स्यों गल्ला जो हांऊँ हर जगहा री सभ कलीसिया रे लोका जो सखा।

2 कुरिन्थियो 1:11

होर तुस्से भी मिली जुली किन्हें प्रार्थना रे ज्रीए आस्सा री मदद करहा ऐं, ताकि परमेसर तिन्हा प्रार्थना रे ज्रीए आस्सा पर अनुग्रह करहे। होर एस गल्ला री वजहा ले कई सारे लोक आस्सा रे कठे परमेसरा रा धन्यावाद करणा।

गलातियो 3:5

होर परमेसर तुस्सा जो बड़ी उदारता किन्हें आपणी पवित्र आत्मा देआ, होर तुस्सा मन्झ चमत्कारा रे काम करहा। ता क्या से इधी कठे एह्ड़ा करहा कि तुस्से मूसा री व्यवस्था जो मन्नेया या इधी कठे कि तुस्से मसीह खुसी री खबरा जो सुणी किन्हें तेस पर विस्वास कितेया।

गलातियो 4:6

जेब्की आस्से जो परमेसरा रे बच्चे ऐं, इधी कठे परमेसरे आपणे मह्ठे री आत्मा जो आस्सा रे दिला मन्झ भेजिरा, से ही आत्मा जो परमेसरा जो “हे बापू, हे बापू” बोली किन्हें पुकारी।

फिलिप्पियो 1:18

तेबे क्या हुआ? सिर्फ ये हुआ कि हर तरहा ले, चाहे बुरे इरादे ले, चाहे सच्चे इरादे ले, मसीह री खुसी री खबरा रा प्रचार हुंहाँ। एता ले मुंजो खुसी मिल्हा ई, होर खुसी मिल्दी ई रैहणी।

1 पतरस 1:11

मसीह री आत्मा नबिया मन्झ थी, जो पैहले ले ही तिन्हो दसी थी कि मसीहा कियां दुःख सहन करना, होर तेता ले बाद तेस जो बड़ी इज्जत मिलणी। ता स्यों इन्हा गल्ला जो तोपे थे कि ये गल्ला संसारा मन्झ केबे हूणीं, होर तेस टैमा रा संसार केह्ड़ा हूंणां।