फिलिप्पियो 1:18 - मंडयाली नंऊँआं नियम

¹⁸ तेबे क्या हुआ? सिर्फ ये हुआ कि हर तरहा ले, चाहे बुरे इरादे ले, चाहे सच्चे इरादे ले, मसीह री खुसी री खबरा रा प्रचार हुंहाँ। एता ले मुंजो खुसी मिल्हा ई, होर खुसी मिल्दी ई रैहणी।

फिलिप्पियो 1:18 Cross References

मत्ती 23:13

हे व्यवस्था स्खाणे वाल़े होर फरीसी लोको तुस्से पाखंडी ऐं, तुस्सा जो बौह्त सजा मिलणी! तुस्से माह्णुं रे कठे स्वर्गा रे राजे रे दुराजे बन्द करहा ऐं। तुस्से ना ता आपु ई तेस मन्झ दाखल हुंहाँ ऐं, होर ना तेस मन्झ होरी जो दाखल हूंणां देहां ऐं।

मरकुस 12:40

स्यों विधवा जो ठगी किन्हें तिन्हारे घर-बार होर जायदाद आपणे कठे लई लैहां ऐं, होर दिखावे रे कठे बड़ी देरा तक प्रार्थना करदे रैंहयां ऐं, इन्हा लोका जो कड़ी सजा मिलणी।”

लूका 9:45

पर स्यों एस गल्ला जो नी समझ्दे थे, होर ये गल इन्हा ले ल्हुखी रही; कि स्यों समझी नी पाए, होर स्यों एस गल्ला रे बारे मन्झ तेस ले पूछणे ले डरहा ऐं थे।

लूका 9:50

यीसूए तिन्हा किन्हें बोल्या, “तेस जो नांह नी करा; क्यूंकि जो तुस्सा रे बरखलाफ नी आ, से तुस्सा वखा जो आ।”

रोमियो 3:9

ता इन्हा सभीरा क्या मतलब आ? क्या एता रा मतलब ये आ कि आस्से यहूदी लोक गैर-यहूदी लोका ले बड़ी किन्हें खरे ऐं? नी, कधी नी; क्यूंकि आस्से यहूदी लोको होर गैर-यहूदी लोको दुंहीं पर इल्जाम ल्गाई गईरा कि आस्से सभ पापा रे कब्जे मन्झ ऐं।

रोमियो 6:15

ता एता रा मतलब क्या हुआ? क्यूंकि आस्से मूसा री व्यवस्था रे अधीन नी, पर परमेसरा रे अनुग्रह रे अधीन ऐं, इधी कठे आस्सो कधी पाप नी करणा चहिए।

1 कुरिन्थियो 10:19

मेरे बोलणे रा मतलब क्या आ? हांऊँ ये नी बोलदा लगिरा कि मूर्ति, या मूर्ति रे साम्हणें चढ़ाईरी बलि री कोई कीमत या वजूद नी आ।

1 कुरिन्थियो 14:15

होर इधी कठे जेबे हांऊँ प्रार्थना करहा ता पवित्र आत्मा री अगुवाई ले करहा; पर हांऊँ ये भी चाहां की दूजे लोक समझे कि हांऊँ क्या बोली करहा। होर जेबे हांऊँ गाऊँ ता हांऊँ चाहां की से भी पवित्र आत्मा री अगुवाई मन्झ हो, पर ये भी जरूरी आ कि जो हांऊँ गाया करहा से दूजे लोक भी समझे।

1 कुरिन्थियो 15:11

इधी कठे चाहे हांऊँ आ, या चाहे दूजे चुणिरे चेले हो, आस्से सभ मसीह रे बारे मन्झ ही प्रचार करहा ऐं, होर एता पर ई तुस्से विस्वास कितेया।

फिलिप्पियो 1:19

क्यूंकि हांऊँ ये जाणहां कि, तुस्सा री प्रार्थना होर यीसू मसीह रे ज्रीए भेजिरी पवित्र आत्मा री सहायता ले एस कैद मन्झ रेहणा मेरे कठे भलाई री वजहा ई।