फिलिप्पियो 1:17 - मंडयाली नंऊँआं नियम

¹⁷ होर जो लोक मसीह रा प्रचार हीर्ख होर लड़ाई री वजहा ले करहा ऐं, स्यों खरे इरादे ले नी पर आपणे मतलबा कठे मसीहा रा प्रचार करहा ऐं। स्यों जेल्हा मन्झ भी मेरी कठे परेसानिया जो बढ़ाहें।

फिलिप्पियो 1:17 Cross References

लूका 21:14

इधी कठे आपणे-आपणे मना जो त्यार रखा कि आस्सा पैहले ले जवाब देणे री फिकर नी करणी।

चुणिरे चेले रे काम 22:1

पौलुसे बोल्या, “हे भाईयो होर बडे बजुर्गो! मेरे बचाऊआ मन्झ ऐबे हांऊँ कुछ बोलणा चाहां।”

चुणिरे चेले रे काम 26:1

राजे अग्रिप्पे पौलुसा किन्हें बोल्या, “तुजो आपणे बारे मन्झ बोलणे रा हुक्म आ।” तेबे पौलुसे हाथा रा इसारा कितेया की चुप हुआ तेबे से आपणे बचाऊआ मन्झ बोल्दा लग्या,

चुणिरे चेले रे काम 26:24

पौलुस जेबे आपणे बचाऊआ मन्झ इन्हा गल्ला जो बोल्या करहा था कि फेस्तुस हाकमे चिंगी किन्हें बोल्या, “हे पौलुस तेरा दमाग खराब हुई गईरा! तेरी ज्यादा पढ़ाई ऐं तू पागल बणाई दितिरा।”

रोमियो 2:8

पर जो सिर्फ आपणे बारे मन्झ सोचा ऐं होर सच्चाई जो नी मन्नदे, पर बुराई करना चाहें, परमेसरा रा गुस्सा होर कैहर तिन्हा पर पऊणा।

फिलिप्पियो 1:18

तेबे क्या हुआ? सिर्फ ये हुआ कि हर तरहा ले, चाहे बुरे इरादे ले, चाहे सच्चे इरादे ले, मसीह री खुसी री खबरा रा प्रचार हुंहाँ। एता ले मुंजो खुसी मिल्हा ई, होर खुसी मिल्दी ई रैहणी।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:3

आपणे मतलब होर झूठी साना रे कठे कुछ मत करा, पर दीन हुई किन्हें, एक दूजे जो आपणे ले ज्यादा बढ़ी किन्हें समझा।

1 तिमिथियुस 2:7

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। तिन्हें हांऊँ चुणिरा कि हांऊँ अन्यजाति लोका जो विस्वास होर सच्चाई रे बारे मन्झ सखाई सकूं। हांऊँ सच्च बोल्हा, झूठ नी बोलदा।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 4:16

एथी रोम सैहरा मन्झ पैहली बार जेबे हांऊँ न्यायधिसा रे साम्हणें आपणे खलाफ लगाई रे इल्जाम रे बारे मन्झ जबाब देंदा गया, तेबे मेरे पक्सा मन्झ बोलणे रे कठे कोई नी आया। एता रे बजाय तिन्हें सभीए हांऊँ छाडी दितेया। हांऊँ प्रार्थना करहा कि परमेसर तिन्हों एह्ड़ा करणे रे कठे माफ करहे।