फिलिप्पियो 1:16 - मंडयाली नंऊँआं नियम

¹⁶ जो लोक खरी इरादे ले प्रचार करहे स्यों मसीह किन्हें प्यार करहे, होर जाणहां ऐं कि मुंजो मसीह रे खुसी री खबरा रा बचाव करणे री वजहा ले जेल्हा मन्झ पाईरा।

फिलिप्पियो 1:16 Cross References

1 कुरिन्थियो 9:17

क्यूंकि अगर हांऊँ आपणी इच्छा ले ये काम करहा, ता मुंजो मजदूरी मिल्हा ई, होर अगर हांऊँ आपणी इच्छा ले नी करूं, तेबे भी जो जिम्मेदारी परमेसरे मुंजो दितिरी, तेस्सा जो हांऊँ पूरा करहा।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

फिलिप्पियो 1:10

ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 4:15

होर हे फिलिप्पी सैहरा रे लोको, तुस्से आपु भी जाणहां ऐं कि, जेबे मै तुस्सा जो खुसी री खबरा सुणाई किन्हें मकीदुनिया ईलाके मन्झ चली गया, ता तेबे सिर्फ तुस्सा री कलीसिया रे लोके मददा रे कठे पैसे देई किन्हें मेरी मदद किती।

फिलिप्पियो 4:3

होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।