फिलिप्पियो 1:15 - मंडयाली नंऊँआं नियम

¹⁵ ये सच्च आ की कुछ लोक मसीह रा प्रचार इधी कठे करहा ऐं क्यूंकि स्यों आस्सा ले हीर्ख रखे होर लड़ाई करहे, पर कुछ लोक खरी इरादे ले मसीहा रा प्रचार करहा ऐं।

फिलिप्पियो 1:15 Cross References

मत्ती 23:5

स्यों आपणे सारे काम लोका जो दसणे रे कठे करहा ऐ: स्यों आपणे ताबीज (स्यों पट्टिया पर पवित्र सास्त्र जो लिखी किन्हें आपणे माथे होर बाहिंयां पर बान्हा ऐं थे) चौड़े करहा ऐं, होर आपणे कपड़े री झालरा बडी करहा ऐं।

चुणिरे चेले रे काम 10:36

ये सेई सांति रा खुसी री खबर आ जेह्ड़ा इस्राएल देसा रे लोका वाले यीसू मसीह रे ज्रीए भेजिरा, जो सभिरा प्रभु आ।

चुणिरे चेले रे काम 11:20

पर तिन्हा मन्झा ले कुछ विस्वासी साईप्रस टापू होर कुरेनी सैहरा रे थे, जो अन्ताकिया सैहरा मन्झ आई किन्हें यूनानी भासा बोलणे वाल़े जो भी यीसू री खुसी री खबर सुणान्दे लगे।

चुणिरे चेले रे काम 5:42

होर स्यों हर रोज मन्दरा मन्झ होर घरा-घरा मन्झ उपदेस करणे, होर एस खुसी री खबरा रा प्रचार करणे ले नी रुके कि, यीसू ई मसीह ऐं।”

चुणिरे चेले रे काम 8:35

तेबे फिलिप्पुसे तेस जो समझाणा सुर्हू कितेया, होर एस ई पवित्र सास्त्रा रे एस बचना ले सुर्हू करी किन्हें तेस जो यीसू री खुसी री खबर सुणाई। तेबे से समझी गया होर तिन्हें यीसू पर विस्वास कितेया।

चुणिरे चेले रे काम 8:5

होर फिलिप्पुस सामरिया ईलाके रे एक सैहरा मन्झ जाई किन्हें लोका मन्झ मसीह रा प्रचार करदा लग्या।

चुणिरे चेले रे काम 9:20

फेरी से झटपट दमिस्का सैहरा रे यहूदी सभा मन्झ जाई किन्हें यीसू रा प्रचार करदा लग्या कि, यीसू ही परमेसरा रा मह्ठा आ।

रोमियो 2:8

पर जो सिर्फ आपणे बारे मन्झ सोचा ऐं होर सच्चाई जो नी मन्नदे, पर बुराई करना चाहें, परमेसरा रा गुस्सा होर कैहर तिन्हा पर पऊणा।

1 कुरिन्थियो 1:23

पर आस्से ता क्रूसा प्रयाल्हे आस्सा रे पापा री माफी रे कठे मरिरे मसीहा रा प्रचार करहा ऐं जो यहूदी लोका रे कठे ठोकरा रा कारण आ, होर अन्यजाति लोका रे कठे भी नर्क्कली गल ई।

1 कुरिन्थियो 13:3

होर अगर हांऊँ आपणी सारी जायदाद गरीबा जो बांडी देऊँ, होर तिन्हो आपणा सरीर फुकणे रे कठे भी देई देऊँ, होर दूजे किन्हें प्यार नी करूं, ता एता ले मुंजो कोई फायदा नी आ।

2 कुरिन्थियो 1:19

क्यूंकि परमेसरा रा मह्ठा प्रभु यीसू मसीह जेसरे बारे मन्झ हांऊँ, सिलास होर तिमिथियुस प्रचार करहे, से प्रभु यीसू सच्चा आ; तेस मन्झ हां होर नांह दुंहें नी थी, पर तेता मन्झ “हां” ईं “हां” हुई थी।

2 कुरिन्थियो 11:13

क्यूंकि एह्ड़े लोक झूठे चुणिरे चेले ऐं, होर धोखा धड़ी करणे वाले, होर मसीह रे चुणिरे चेले हूंणे रा झूठा दावा करहा ऐं।

2 कुरिन्थियो 12:20

क्यूंकि मुंजो डर आ, केते एह्ड़ा नी हो कि, हांऊँ आई किन्हें जेह्ड़ा चाहां, तेह्ड़ा तुस्सा जो नी पाऊं; होर तुस्से भी मुंजो आपणी उम्मीद रे मताबक नी पाओ। मुंजो डर आ कि तुस्सा मन्झ झगड़ा, जल्नी, गुस्सा, विरोध, हिर्ख, चुगली, बडयाई, होर बखेड़े नी हो।

2 कुरिन्थियो 4:5

क्यूंकि आस्से आपणे आपा जो नी, बल्की यीसू मसीह रा प्रचार करहा ऐं कि मसीह यीसू ही प्रभु आ। होर तिन्हें ही आस्से तुस्सा रे सेऊआदार हूंणे रे कठे भेजिरे।

गलातियो 2:4

तितुसा रा खतना नी कुराणा एक परेसानी बणी गई जेबे स्यों झूठे भाई छुपी किन्हें आस्सा रे बीचा मन्झ आये, हालांकि हांऊँ कल्हे जे ही अगुवे किन्हें मिलिरा था। तिन्हें झूठे भाईए आस्सा री तेस अजादी जो नास करणे री कोसिस किती जो आस्सा जो आस्सा रे उद्धारकर्ता यीसू मसीह रे ज्रीए मिलिरी, ताकि स्यों दबारा आस्सा जो यहूदी धर्मा री व्यवस्था रा गुलाम बणाए।

फिलिप्पियो 2:3

आपणे मतलब होर झूठी साना रे कठे कुछ मत करा, पर दीन हुई किन्हें, एक दूजे जो आपणे ले ज्यादा बढ़ी किन्हें समझा।

1 तिमिथियुस 3:16

होर एता मन्झ कोई सक नी आ कि, परमेसरे जो सच्ची खबर जाहिर कितिरी, से पूरी तरहा ले सच्च ई, मसीह जो माह्णुं रे रूपा मन्झ जाहिर हुआ, पवित्र आत्मे तेस जो हर कामा मन्झ धर्मी ठैहर्या, स्वर्गदूते से देखेया, होर स्वर्गा री महिमा री वखा जो से चकी लितेया गया, लोके तेसरे बारे मन्झ जाति-जाति मन्झ प्रचार कितेया, संसारा रे लोके तेस पर विस्वास कितेया।