फिलिप्पियो 1:14 - मंडयाली नंऊँआं नियम

¹⁴ मेरे जेल्हा मन्झ हूंणे री वजहा ले प्रभु मन्झ बौह्त सारे विस्वासी भाई बैहणा जो होंसला मिलिरा। स्यों प्रभु पर विस्वास रखी किन्हें पैहले ले ज्यादा हिम्मता साउगी निधड़क हुई किन्हें परमेसरा रा बचन सुणां ऐ।

फिलिप्पियो 1:14 Cross References

मरकुस 3:3

बेजान हाथा वाले किन्हें बोल्या, “आऊ सभिरे बीच भरा खड़ा हुई जा।”

लूका 1:74

तेस आस्से, आस्सा रे दुसमणा रे हाथा ले बचाणे। ताकि बिना डरे आस्से तेसरी सेऊआ करहे।

2 कुरिन्थियो 3:12

इधी कठे एह्ड़ी आस रखी किन्हें आस्से बड़ी हिम्मता साउगी बोल्हा ऐं,

2 कुरिन्थियो 7:4

हांऊँ तुस्सा किन्हें बड़ी हिम्मत रखी किन्हें बोल्या करहा, मुंजो तुस्सा पर बौह्त गर्व आ। मुंजो बौह्त तस्सली मिलिरी, आपणे सारे दुःखा मन्झ हांऊँ खुसी किन्हें भरपूर रैंहयां।

इफिसियो 3:13

इधी कठे हांऊँ अर्ज करहा कि जो दुःख हांऊँ तुस्सा रे कठे सहन करी करहा, तेता री वजहा ले हिम्मत नी छाडा, क्यूंकि ये सब कुछ तुस्सा रे भले रे कठे आ।

फिलिप्पियो 1:20

मेरे दिला री आस होर सभी ले बड़ी इच्छा ता येई कि, केसी गल्ला मन्झ हांऊँ सर्मिन्दा नी होऊं। पर हमेसा निधड़क हुई किन्हें मसीह रे बारे मन्झ प्रचार करु जिहां हांऊँ पैहले करहा था। चाहे हांऊँ जिउंदा रहूं या मरी जाऊं मेरी जिन्दगी रे ज्रीए मसीह री बढ़ाई हमेसा करदा रैहणा।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 4:1

इधी कठे हे लाडले भाईयो होर बैहणो, हांऊँ तुस्सा किन्हें प्यार रखा होर मुंजो तुस्सा लोका किन्हें मिलणे री बढ़ी इच्छा ई। तुस्से लोक मेरे खुसी होर मेरे ताज ऐं, होर तुस्से प्रभु पर आपणे विस्वासा मन्झ मजबूत बणी रहा।

कुलुस्सियो 4:4

होर ये प्रार्थना करहा कि मसीह रे भेदा री गल्ला जो साफ-साफ प्रचार करी सकूं।

कुलुस्सियो 4:7

तुखिकुस आस्सा रा लाडला विस्वासी भाई आ, जो आस्सा साउगी प्रभु री सेऊआ करणे मन्झ सच्चा आ, तेस मेरे बारे मन्झ तुस्सा सभ गल्ला दसणी।

1 थिस्सलुनकियो 2:2

बल्की तुस्से आपु ई जाणहां ऐं कि, फिलिप्पी सैहरा मन्झ दुःख उठाणे होर दंगे सैहणे ले बाद भी आस्सा जो परमेसरे एह्ड़ी हिम्मत दिती कि लोका रा घोर व्रोध करणे पर भी तुस्सा रे सैहरा मन्झ भी आस्से तुस्सा जो परमेसरा री खुसी री खबर सुणाई सके।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।