फिलिप्पियो 1:11 - मंडयाली नंऊँआं नियम

¹¹ होर परमेसर री महिमा होर बड़ाई रे कठे तेस धार्मिकता रे भले कामा ले भरी जाऊआ, जो सिर्फ यीसू मसीह रे ज्रीए ही फला ऐं।

फिलिप्पियो 1:11 Cross References

मत्ती 5:16

इंहां करी किन्हें तुस्सा रा जीवन प्रयासा साहीं ऐं माह्णुं रे साम्हणें चम्के ताकि स्यों तुस्सा रे भले कामा जो देखी किन्हें तुस्सा रे बापू री जो स्वर्गा मन्झ आ, बड़ाई करहे।

यहून्ना 15:16

तुस्से हांऊँ नी चुणेया पर मैं तुस्से चुणिरे होर नियुक्त कितिरे ताकि तुस्से जाई किन्हें फल ल्याए; होर तुस्सा रा फल टिकी सके। क्यूंकि तुस्से मेरे चेले होर इधी कठे जो कुछ तुस्से बापू ले मान्घगे, तेस तुस्सा जो देणा।

यहून्ना 15:2

जो पांगे मेरे मन्झ ई, होर नी फलदी, तेता जो से काटी देहां, होर जो डाली फल्हा ई तेता जो से होर छांट्आं ताकि से होर फले।

यहून्ना 15:8

मेरे बापू री महिमा एता ले हुंहाँ ईं कि, तुस्से बौह्त जे फल ल्याऊआ, तेबे ई तुस्से मेरे चेले हूंणे।”

रोमियो 15:28

इधी कठे मां पैहले यरुस्लेम सैहरा जो जाई किन्हें तिन्हो ये कठ्ठा कितिरे ढब्बे देई किन्हें तिन्हारी मदद करणी। तेता ले बाद रोम सैहरा मन्झ आई किन्हें तुस्सा किन्हें मिलणा, होर तेबे इस्पानिया देसा जो चली जाणा।

रोमियो 6:22

पर ऐबे पापा ले छुटकारा पाई किन्हें होर परमेसरा रे गुलाम बणी किन्हें तुस्से एह्ड़े काम करहे जो पवित्रता री वखा जो लेई जाहें, होर एह्ड़े कामा रा अंत अनंत जिन्दगी ई।

1 कुरिन्थियो 10:31

होर एता रा जबाब ये आ कि चाहे तुस्से खाऊआ या पिऊआ, या चाहे जो कुछ करा, पर सभ कुछ परमेसरा री महिमा रे कठे करा।

2 कुरिन्थियो 9:10

से परमेसर ई आ जो बोणे वाले जो बेजा, होर खाणे वाले जो रोटी देहां। तिहां ई परमेसरा तुस्सा जो स्यों ससाधन देणे होर बढ़ाणे भी ऐं; जेसरे ज्रीए परमेसर तुस्सा सभी लोका मन्झ उदारता री एक बड़ी फसल काटणी।

इफिसियो 1:12

परमेसरे एह्ड़ा इधी कठे कितेया ताकि आस्से यहूदी लोक जिन्हें जे सभी ले पैहले मसीह पर आस रखिरी थी, आस्से परमेसरा री महिमा होर बड़ाई करहे।

इफिसियो 1:14

पवित्र आत्मा एस गल्ला रा साई कि परमेसरा आस्सा जो विरासत देणी, जेसरा देणे रा वादा तिन्हें आस्सा किन्हें कितिरा। ये तेबे हूंणा जेबे परमेसरे आस्सा जो, जो तेसरे आपणे लोक ऐं, पूरी तरहा ले छुटकारा देंगा। एता री वजहा ले लोका तेसरी महिमा होर बड़ाई करणी।

इफिसियो 2:10

क्यूंकि आस्से परमेसरा रे हाथा री सभी ले बढ़िया रचना ई; होर मसीह यीसू साउगी एक हूंणे री वजहा ले आस्से भले काम करणे रे कठे बणाये गईरे, जिन्हा जो परमेसरे पैहले ले आस्सा रे करणे रे कठे त्यार कितिरा।

इफिसियो 5:9

क्यूंकि अगर कोई एक माह्णुं प्रयासे मन्झ आ, ता तेस भलाई होर धार्मिकता रे काम करणे, होर आस्से तेस पर भरोसा करी सके।

फिलिप्पियो 4:17

हांऊँ ये गल्ला इधी कठे नी लिख्दा लगिरा कि हांऊँ मददा रे कठे पैसे चाहां। पर हांऊँ चाहां कि तुस्सा रा ये भला काम जो तुस्से कितिरा, से तुस्सा रे होर भले कामा मन्झ जुड़ी जाए होर परमेसर इन्हा कामा रे कठे तुस्सा जो इनाम दे।

कुलुस्सियो 1:10

ताकि तुस्से परमेसरा री इच्छा रे मताबक आपणी जिन्दगी जी सको। तेबे तुस्सा हर गल्ला मन्झ प्रभु खुस करणा। जेस ले तुस्सा हमेसा हर किस्मा रे भले काम करी सको, होर तुस्से हमेसा परमेसरा जो जाणने मन्झ बढ़दे जाओ।

कुलुस्सियो 1:6

ये खुसी री खबर जिहां तुस्सा रे बीचा मन्झ सुणाई गई, तिहां ही संसारा रे कई देसा मन्झ सुणाई जाई करहा ई, होर बौह्त लोक तुस्सा साहीं मसीह पर विस्वास करेया करहा ऐं। होर पैहले ध्याड़े ले ही तुस्से तेस सच्ची खबरा जो पुरे तरीके किन्हें समझी गये कि, किहाँ परमेसरे बड़ा अनुग्रह करी किन्हे मसीह पर विस्वास करणे वाल़ेया रे पापा जो माफ करी देआ।

2 थिस्सलुनकियो 1:12

आस्से एह्ड़ी प्रार्थना करहे कि आस्सा रे प्रभु यीसू मसीह रा नाऊँ तुस्सा रे ज्रीए महिमा पाए। होर तुस्से तेसरे ज्रीए आदर पाओ क्यूंकि तुस्से तेसरे ऐं। ये सभ कुछ आस्सा रे परमेसर होर यीसू मसीह रे अनुग्रह ले हूंणा।

तितुस 3:14

इतना ही नी पर विस्वासी लोका जो ये भी स्खान्दे रैहया कि स्यों दूजेया री ज्रूरता जो पूरा करणे रे कठे खरे कामा मन्झ हमेसा लगे रैंहे। एह्ड़ा करणे ले तिन्हारी जिन्दगी बेकार नी हूणीं।

इब्रानियो 12:11

जेस टैम स्यों आस्सो सुधारे, तेस टैम से सुधार आस्सो खरा नी लगदा, बल्की से बुरा लगहा, तेबे भी जो सुधारा जो सैहन्दे-सैहन्दे पक्के हुई गईरे, ता बादा मन्झ आस्सो सांति होर धार्मिकता रा इनाम मिल्हा।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

1 पतरस 4:14

फेरी अगर मसीह रे नांऊँआं रे कठे तुस्सा री निंदा हुंहाँ ईं, ता तुस्से धन्य ऐं; क्यूंकि परमेसरा री महिमामय आत्मा तुस्सा मन्झ वास करहा।