फिलिप्पियो 1:10 - मंडयाली नंऊँआं नियम

¹⁰ ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 1:10 Cross References

मत्ती 16:23

यीसूए मुड़ी किन्हें पतरसा किन्हें बोल्या, “एह्ड़ा सोचणा बंद करी दे! सैतान तुध ले एह्ड़ी गल्ला बुलवाया करहा। तू मेरे पैंडे रा कांडा आ, क्यूंकि जेह्ड़ा परमेसर मेरे ले कुराणा चाहां तेहड़ा नी चाही किन्हें तू मेरे ले से कुराणा चाहां जेहड़ा लोक चाहें।”

मत्ती 26:33

एता पर पतरसे तेस किन्हें बोल्या, “अगर सभ तुस्सा जो छाडी देह्ंगे तेबे भी मां तुस्से नी छाडणे।”

यहून्ना 1:47

यीसूए नतनएल जो आपणी तरफ आऊंदे देखी किन्हें तेसरे बारे मन्झ बोल्या, “देखा, ये सच्चे इस्राएल देसा रे लोक आ: एस मन्झ पाखंड नी आ।”

यहून्ना 3:20

क्यूंकि जो कोई बुराई करहा से प्रयासे किन्हें बैर करहा, होर से प्रयासे रे नेडे नी आऊंदा, एह्ड़ा नी हो कि तेसरे कामा पर इल्जाम लगी जाए।

चुणिरे चेले रे काम 24:16

इधी कठे हांऊँ भी परमेसर होर लोका रे साम्हणें हमेसा आपणी अंतरात्मा जो सुद्ध रखणे री कोसिस करहा।”

रोमियो 12:2

होर एस संसारा रे लोका साहीं नी बणा; पर परमेसर तुस्सा री सोचा जो बदली दे, जेस ले तुस्सा री जिन्दगी भी बधली जाए। तेबे तुस्से, तुस्सा रे कठे परमेसरा री जो खरी, होर खुस करणे वाली, होर सिद्ध इच्छा जो आपणे अनुभवा ले जाणी लेणा।

रोमियो 12:9

केसी से प्यारा करणे रा ढोंग मत करहा; बुराई ले नफरत करहा; भले करणे मन्झ लगे रहूआ।

रोमियो 16:17

ऐबे हे भाईयो होर बैहणो, हांऊँ तुस्सा किन्हें अर्ज करहा कि तिन्हा लोका पर खूब ध्यान देआ, जो लोक तुस्सा रे मन्झ फूट पाहें, होर तिन्हा लोका पर जो तुस्सा जो दितिरे सच्चे उपदेसा रे बरखलाफ भड़काए, जेस ले तुस्सा रा विस्वास कमजोर हुआ। तिन्हा लोका ले दूर रैहया।

रोमियो 2:18

होर तुस्से जाणांहे कि परमेसरा तुस्सा ले क्या चाहां होर तुस्से जाणांहे कि कुण गल्ला खरी, क्यूंकि मूसा री व्यवस्था ले तुस्से यूँ गल्ला सिखिरी।

रोमियो 7:16

होर अगर जो हांऊँ नी चाहन्दा स्यों ही बुरे काम करहा, ता हांऊँ मनी लैहां कि, मूसा री व्यवस्था खरी ई।

रोमियो 7:22

क्यूंकि हांऊँ पूरे दिला ले ता परमेसरा री व्यवस्था पर खुस रैंहयां।

रोमियो 8:7

क्यूंकि पापा रे स्वभाव रे अधीन हूंणा परमेसरा किन्हें बैर रखणा आ, क्यूंकि पाप रा स्वभाव परमेसर री व्यवस्था रे अधीन नी आ, होर ना ही ये व्यवस्था री गल्ला जो मनी सक्हा।

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

1 कुरिन्थियो 10:32

हांऊँ जो कुछ भी करहा, तेता मन्झ सभी जो खुस रखणे री कोसिस करहा; हांऊँ आपणी भलाई नी सोचदा पर सभी री भलाई सोचा ताकि सब बची सको। इधी कठे तुस्से भी एस तरीके किन्हें जीया कि तुस्से यहूदी लोका रे कठे, या गैर-यहूदी लोका रे कठे, या परमेसरा री कलीसिया रे लोका रे कठे कोई भी परेसानी खड़ी नी करी सको, जेता ले स्यों मसीह पर विस्वास करणा छाडी दे।

1 कुरिन्थियो 8:13

इधी कठे अगर मूर्तिया रे साम्हणें बलि कितिरे खाणे (मास) री वजहा ले केसी विस्वासी भाई होर बैहणा रा विस्वास कमजोर हुई जाहाँ, ता मां कधी भी एह्ड़ा खाणा नी खाणा जेसरी वजहा ले तेस आदमी रा विस्वास कमजोर हुई जाओ।

2 कुरिन्थियो 1:12

आस्से आपणी अंतरात्मा री सच्चाई पर बडयाई करहा ऐं। संसारा मन्झ होर खास करी किन्हें तुस्सा रे बीचा मन्झ आस्सा रा जीवन पवित्र होर सच्चा था, जो परमेसरा री तरफा ले आस्सा जो मिलिरा था। आस्से माह्णुंआं रे ज्ञाना पर भरोसा नी रखेया, बल्कि परमेसरा रे अनुग्रहा पर भरोसा रखेया।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

2 कुरिन्थियो 6:3

परमेसरा साउगी काम करदे हुए आस्सा रा व्यवहार केसी रे कठे कोई भी बाधा नी पांदा, ताकि एह्ड़ा नी हो कि स्यों आस्सा री सेऊआ पर दोस लगाये।

2 कुरिन्थियो 8:8

हांऊँ तुस्सा जो कोई हुक्म नी देंदा लगिरा, हांऊँ सिर्फ दूजे लोका री हिम्मता री तुलना तुस्सा रे प्यारा किन्हें करेया करहा, ताकि तुस्सा रे प्यारा री सच्चाई जो परखी सकूं।

गलातियो 5:11

पर हे भाईयो होर बैहणो, हांऊँ प्रचार करी करहा कि खतने कुराणे री जरूरत नी, जो की यहूदी व्यवस्था रे बरखलाफ आ, होर इधी कठे यहूदी लोक मुंजो ऐबे तक स्ताया करहे। ता अगर हांऊँ क्रूसा रे बजाय लोका जो खतने कुराणे रे बारे मन्झ प्रचार करदा, ता यहूदी लोक मेरे ले नराज नी हुंदे।

इफिसियो 4:15

एता रे बजाय प्यार भरे तरीके किन्हें सच्चाई जो बोला। आस्से सभ हर गल्ला मन्झ सिद्ध बणे, ताकि आस्से मसीह साहीं बणी जाये, जो कलीसिया रा सिर आ।

इफिसियो 5:10

होर ये जाणने री कोसिस करहा कि, प्रभु जो क्या खरा लग्हा।

इफिसियो 5:27

होर आपणी कलीसिया जो एक तेजस्वी कलीसिया बणाई किन्हें सभ लोका जो आपणी उपस्थिति मन्झ खड़ी करी सके। तेता मन्झ दाग, झुरिया, या एह्ड़ी कोई भी बुरी चीज नी हो, बल्की से पवित्र होर बेकसूर हो।

इफिसियो 6:24

हांऊँ प्रार्थना करहा जो आस्सा रे प्रभु यीसू मसीह किन्हें सच्चा प्यार करहा ऐं, परमेसर तिन्हा सभी जो आपणा अनुग्रह दे।

फिलिप्पियो 1:16

जो लोक खरी इरादे ले प्रचार करहे स्यों मसीह किन्हें प्यार करहे, होर जाणहां ऐं कि मुंजो मसीह रे खुसी री खबरा रा बचाव करणे री वजहा ले जेल्हा मन्झ पाईरा।

फिलिप्पियो 1:6

होर मुंजो एस गल्ला रा भरोसा आ कि, जेस परमेसरे तुस्सा मन्झ खरा काम सुर्हू कितिरा, तेस ई से काम यीसू मसीह रे दबारा वापस आऊणें रे ध्याड़े तक पूरा करणा।

फिलिप्पियो 2:16

जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

1 थिस्सलुनकियो 3:13

आस्से ये भी प्रार्थना करहे कि प्रभु यीसू मसीह तुस्सा रे मना जो एह्ड़ा मजबूत करहे कि, जेबे आस्सा रे प्रभु यीसू आपणे सभ परमेसरा रे पवित्र लोका साउगी वापस आये, ता स्यों आस्सा रे बापू परमेसरा रे साम्हणें पवित्रता मन्झ बेकसूर बणें।

1 थिस्सलुनकियो 5:21

सारे उपदेसा जो परखा कि स्यों परमेसरा री वखा ले हाऐ या नी; होर जो खरी उपदेस ऐं तिन्हा जो ग्रहण करहा होर मना।

1 थिस्सलुनकियो 5:23

सांति देणे वाल़ा परमेसर आपु ई तुस्सा जो पूरी तरहा ले पवित्र करहे; होर तुस्सा री पूरी आत्मा होर प्राण होर सरीर आस्सा रे प्रभु यीसू मसीह रे दबारा वापस आऊणें रे ध्याड़े तक बेकसूर होर सुरक्षित रहे।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।

प्रकासना री गल्ला 2:2

हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।