ᐱᓕᐱᔭᓇ 3:20 - ᐅᔅᑭ ᑎᔅᑌᒥᓐᑦ

²⁰ ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭;

ᐱᓕᐱᔭᓇ 3:20 Cross References

ᐅᐸᓓᑭᔅ ᒫᑎᐤ 19:21

ᒋᓴᔅ ᑮ ᐃᑌᐤ, ᑮᔥᐱᓐ ᐙ ᒥᑐᓂᐎᓯᐗᓀ, ᓇᑕᐎ ᐊᑖᐗᑫ ᐊᓂᒪ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ; ᐯᒋ ᐃᑐᑌ ᒫᑲ ᑭᒋ ᓄᔅᐱᓇᔑᔭᓐ᙮

ᐅᐸᓓᑭᔅ ᓘᒃ 12:21

ᐁᑯ ᑖᐱᔅᑯᒡ ᐁᑎᑦ ᐊᓇ ᑳ ᓇᐊᔅᑣᓱᑦ ᒥᔕᑭᓯᐎᓇ, ᐁᑳ ᒫᑲ ᑳ ᒥᔕᑭᓰᑦ ᐁ ᐃᑌᓕᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 14:14

ᐁᑯ ᑫ ᔕᐌᓕᑖᑯᓯᔭᓐ; ᐌᓴ ᐎᓚᐗᐤ ᓇᒪᐎᓚ ᑭ ᑳ ᑮ ᑭᐌ ᑎᐸᐊᒫᑾᒃ: ᐌᓴ ᑭ ᑳ ᑭᐌ ᑎᐸᐊᒫᑲᐎᓐ ᐗᓂᔥᑳᑣᐌ ᑳ ᒀᔭᔅᑭᑎᒋᒃ᙮

ᐊᐸᔅᑕᓚᒃ 1:11

ᑳ ᐃᑗᒋᒃ ᒫᑲ, ᑭᓚᐗᐤ ᐃᓕᓕᑐᒃ ᑲᓕᓖᒃ ᐅᒋ, ᑖᓀᑭ ᐌᒋ ᐃᔑᑳᐸᐎᔦᒃ ᐁ ᐃᑖᐱᔦᒃ ᑭᒋᑭᔑᑯᒃ? ᐊᐗ ᑫᔮᐸᒡ ᒋᓴᔅ, ᑳ ᐅᑎᓈᑲᓂᐎᑦ ᐃᔥᐱᒥᒃ ᐃᔑ ᑭᓚᐗᐤ ᐅᒋ, ᐁᑯ ᑖᐱᔅᑯᒡ ᑫ ᐃᔑ ᑕᑯᔑᒃ, ᑳ ᐃᔑ ᐙᐸᒣᒃ ᐁ ᐃᑐᑌᑦ ᑭᒋᑭᔑᑯᒃ᙮

ᓂᔥᑕᒻ ᑯᕆᓐᑎᐊᓇ 1:7

ᑳ ᐅᒋ ᐁᑳ ᓈᓐᑕᐤ ᒥᓕᐌᐎᓐ ᐁ ᓄᑌᐸᓕᔦᒃ; ᐁ ᐊᔕᐙᐸᑕᒬᒃ ᐅ ᑕᑯᔑᓄᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔥᑕᒻ ᑯᕆᓐᑎᐊᓇ 15:48

ᐁ ᐃᑌᓕᑖᑯᓯᑦ ᐊᓇ ᑳ ᐊᔅᑭᐎᑦ, ᐁᑯ ᓀᔥᑕ ᑖᐱᔅᑯᒡ ᐊᓂᑭ ᑳ ᐊᔅᑭᐎᒋᒃ; ᓀᔥᑕ ᐁ ᐃᑌᓕᑖᑯᓯᑦ ᐊᓇ ᑳ ᑭᔑᑳᐎᑦ, ᐁᑯ ᓀᔥᑕ ᑖᐱᔅᑯᒡ ᐊᓂᑭ ᑳ ᑭᔑᑲᐎᒋᒃ᙮

ᓂᔓ ᑯᕆᓐᑎᐊᓇ 4:18

ᒣᒀᒡ ᐁᑳ ᐁ ᑲᓇᐙᐸᑕᒪᒃ ᐊᓂᐃ ᑳ ᓄᑾᑭ, ᒫᑲ ᐊᓂᐃ ᐁᑳ ᑳ ᓀᑾᑭ: ᐌᓴ ᐊᓂᐃ ᑳ ᓄᑾᑭ ᐊᒋᓚᐤ ᐃᑕᑾᓋ; ᒫᑲ ᐊᓂᐃ ᐁᑳ ᑳ ᓄᑾᑭ ᑳᑭᑫ ᐃᑕᑾᓋ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᑲᓓᔕᐊᓇ 4:26

ᒫᑲ ᒋᕉᓴᓚᒻ, ᐃᔥᐱᒥᒃ ᑳ ᐃᑕᑾᒃ, ᑎᐯᓕᒥᑎᓱᒪᑲᓐ, ᐁᐗᑯ ᒥᓯᐌ ᐁ ᐃᑕᔑᔭᒃ ᑭᑳᐎᓇᐤ᙮

ᐃᐱᓯᔭᓇ 2:19

ᐁᐗᑯ ᐅᒋ, ᐊᓄᒡ ᓇᒪᐎᓚ ᑫᔮᐸᒡ ᑭ ᒫᓐᑌᐎᓇᐗᐤ ᓀᔥᑕ ᐋᔭᒡ ᐃᓕᓕᐎᓇᐗᐤ, ᒫᑲ ᑭ ᐅ ᐎᒋᐃᑖᐎᓂᒫᑲᓂᓇᐗᐤ ᐅᐸᓓᑭᓴᒃ, ᓀᔥᑕ ᐅ ᑎᐯᓕᒫᑲᓇ ᑭᒋᒪᓂᑐ;

ᐃᐱᓯᔭᓇ 2:6

ᓀᔥᑕ ᑭ ᑮ ᒫᒪᐎ ᐗᓂᔥᑳᓂᑯᓇᐤ, ᓀᔥᑕ ᑭ ᑮ ᓇᐊᐱᐃᑯᓇᐤ ᑭᒋᑭᔑᑲᐎ ᑕᔑᑫᐎᓂᒃ ᙭ ᒋᓴᓯᒃ:

ᐱᓕᐱᔭᓇ 1:10

ᑭᒋ ᑯᒋᑭᔅᑫᓕᑕᒣᒃ ᑫᒀᓇ ᑳ ᒥᓨᔑᑭ; ᑭᒋ ᐸᓓᑭᓯᔦᒃ ᓀᔥᑕ ᐁᑳ ᑭᒋ ᓈᔦᑕᐌᓕᒥᑲᐎᔦᒃ ᐱᓕᔥ ᐅᑎᒋᐸᓕᓕᑫ ᐅ ᑭᔑᑳᒻ ᙭;

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔥᑕᒻ ᑌᓴᓗᓂᔭᓇ 4:16

ᐌᓴ ᑌᐯᓕᒋᑫᑦ ᑫᒋᐙᒃ ᑭᒋᑭᔑᑯᒃ ᑲᑕ ᐅᒋ ᐯᒋᓛᔑᐤ, ᐁ ᑭᔗᐙᓂᐗᒃ, ᑭᑭ ᐅ ᐯᑖᑯᓯᐎᓐ ᑭᒋᐁᓐᒐᓪ, ᑭᑭ ᓀᔥᑕ ᐅ ᐳᑖᒋᑲᓐ ᑭᒋᒪᓂᑐ: ᐊᓂᑭ ᒫᑲ ᑳ ᓂᐱᒋᒃ ᙭ᑎᒃ ᐁᐗᒀᓂᑭ ᓃᔥᑕᒻ ᑫ ᐗᓂᔥᑳᒋᒃ:

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 12:22

ᒫᑲ ᑭ ᑮ ᐯᒋ ᓈᑌᓇᐗᐤ ᓵᐃᐊᓐ ᐗᒋ, ᓀᔥᑕ ᐯᒫᑎᓰᑦ ᑭᒋᒪᓂᑐ ᐅᑦ ᐃᑖᐎᓐ, ᑭᒋᑭᔑᑳᐎ ᒋᕉᓴᓕᒻ, ᓀᔥᑕ ᐁᑳ ᑫ ᑮ ᑌᐸᑭᒫᑲᓂᐎᒋᒃ ᐁᓐᒐᓚᒃ,

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮