ᐱᓕᐱᔭᓇ 3:19 - ᐅᔅᑭ ᑎᔅᑌᒥᓐᑦ

¹⁹ ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮

ᐱᓕᐱᔭᓇ 3:19 Cross References

ᐅᐸᓓᑭᔅ ᒫᑎᐤ 16:23

ᒫᑲ ᐁ ᑴᔅᑭᑳᐸᐎᑦ, ᑮ ᐃᑌᐤ ᐱᑕᕋ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᑭ ᓈᔦᑕᐌᓕᑕᒥᐃᓐ; ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᓘᒃ 12:19

ᓂ ᑳ ᐃᑕᐤ ᒫᑲ ᓂᑦ ᐊᒑᒃ, ᐊᒑᒃ, ᑭᑦ ᐋᔮᓐ ᒥᔅᑕᐃ ᐋᐸᒋᑖᐎᓇ ᐁ ᓇᐊᔅᑌᑭ ᑫ ᐃᔅᐸᓕᑭ ᒥᒉᑦ ᐱᐴᓋ; ᐋᓜᓯ, ᒥᒋᓱ, ᒥᓂᑴ, ᓀᔥᑕ ᒧᒋᑫᓕᑕ᙮

ᐅᐸᓓᑭᔅ ᓘᒃ 16:19

ᑮ ᐃᑖᐤ ᐯᔭᒃ ᐁ ᒥᔕᑭᓰᑦ ᐃᓕᓕᐤ, ᑳ ᑭᑭᔥᑲᒃ ᒥᑴᑭᓂᓕᐤ ᓀᔥᑕ ᑳ ᒥᓨᔑᓂᓕᒃ ᐸᐸᑭᐙᔮᓀᑭᓂᓕᐤ, ᓀᔥᑕ ᑮ ᒥᓗᐳ ᑕᑡᐤ ᑳᔑᑳᓕᑭ᙮

ᐅᐸᓓᑭᔅ ᓘᒃ 18:4

ᓇᒪᐎᓚ ᒫᑲ ᐎ ᑐᑕᒻ ᒥᔭᐙᒡ: ᐹᑎᒫ ᒫᑲ ᑮ ᐃᑗᐤ ᐅᑌᐃᒃ, ᐋᑕ ᐁᑳ ᐁ ᓇᓂᒌᔅᑕᐗᒃ ᑭᒋᒪᓂᑐ, ᐁᑳ ᓀᔥᑕ ᐁ ᐱᓯᔅᑫᓕᒪᑭᒃ ᐃᓕᓕᐗᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:18

ᐌᓴ ᐁᐗᒀᓂᑭ ᑐᐎᑳᓇᒃ ᐁᑳ ᑳ ᐊᑑᔅᑫᔅᑕᐙᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ, ᒫᑲ ᑎᐱᓚᐌ ᐙᑖᐗᐤ; ᓀᔥᑕ ᐁ ᒥᓗᐋᔭᒥᒋᒃ ᓀᔥᑕ ᐁ ᓱᔅᒀᒋ ᐋᔭᒥᒋᒃ ᑳ ᐙᔦᔑᑕᒸᒋᒃ ᐅᑌᐃᓕᐗ ᐊᓂᐃ ᐁᑳ ᑳ ᓕᑆᑳᓂᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:21

ᑫᑯ ᒥᓂᔕ ᒫᑲ ᑳ ᑮ ᐋᔮᔦᒃ ᑳ ᐅᒋᐸᓕᑭ ᐊᓂᐃ ᑫᒀᓂᒃ ᐊᓄᒡ ᑳ ᐅᒋ ᓇᓀᐯᐎᓯᔦᒃ? ᐁᓴ ᐅᐅ ᑫᒀᓇ ᐃᑕᒧᐗ ᓂᐱᐎᓂᒃ᙮

ᓂᔥᑕᒻ ᑯᕆᓐᑎᐊᓇ 3:3

ᐌᓴ ᑫᔮᐸᒡ ᑭ ᐎᔮᓯᐃᑖᑎᓯᓇᐗᐤ: ᐌᓴ ᐃᑕ ᐁ ᐃᑖᔦᒃ ᐃᑕᑾᓐ ᐅᑌᓕᒥᑐᐎᓐ, ᓀᔥᑕ ᒀᓗᑐᑖᑐᐎᓐ, ᓀᔥᑕ ᐸᑳᓂᐃᓱᐎᓇ, ᓇᒪ ᓈ ᑭ ᐎᔮᓯᐃᑖᑎᓯᓇᐗᐤ, ᓀᔥᑕ ᑖᐱᔅᑯᒡ ᐃᓕᓕᐗᒃ ᑭᑦ ᐃᔑ ᐱᒧᑖᓇᐗᐤ?

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔥᑕᒻ ᑯᕆᓐᑎᐊᓇ 5:6

ᑭ ᒫᒪᑖᑯᒧᐎᓂᐗᐤ ᓇᒪᐎᓚ ᒥᓨᔑᓐ, ᓇᒪ ᓈ ᑭ ᑭᔅᑫᓕᑌᓇᐗᐤ ᒫᓐᔑᔥ ᐅᐱᓯᑲᓐ ᒥᓯᐌ ᐁ ᐅᐱᓯᑫᒪᑲᒃ?

ᓂᔓ ᑯᕆᓐᑎᐊᓇ 11:12

ᒫᑲ ᐊᓂᒪ ᑳ ᑐᑕᒫᓐ, ᐁᐗᑯ ᑫ ᑐᑕᒫᓐ, ᑭᒋ ᑭᐱᒋᐊᑭᒃ ᐊᓂᑭ ᑳ ᐎ ᒪᓓᓕᒥᒋᐤ; ᐊᓂᒪ ᒫᑲ ᑳ ᐅᒋ ᒫᒪᑖᑯᒧᒋᒃ, ᑭᒋ ᐃᔑ ᒥᔅᑳᒋᒃ ᒬᒋ ᑖᐱᔅᑯᒡ ᓂᓚᓈᓐ᙮

ᓂᔓ ᑯᕆᓐᑎᐊᓇ 11:15

ᐁᐗᑯ ᐅᒋ ᓇᒪᐎᓚ ᑭᒋ ᑫᒀᓐ ᑮᔥᐱᓐ ᐅᑦ ᐊᑑᔅᑫᓛᑲᓂᒪ ᑶᐁᔅᑭᓈᑯᐃᒥᒋ ᑖᐱᔅᑯᒡ ᒀᔭᔅᑭᑖᑎᓯᐎᓂ ᐊᑑᔅᑫᓛᑲᓇᒃ; ᑫ ᐳᓂᐸᓕᒋᒃ ᐁ ᐃᔑᓈᑾᓂᓕᑭ ᐅᑦ ᐊᑑᔅᑫᐎᓂᐗᐗ᙮

ᑲᓓᔕᐊᓇ 6:13

ᐌᓴ ᓇᒪᐎᓚ ᓀᔥᑕ ᐎᓚᐗᐤ ᑳ ᑭᔅᑭᓄᐙᒋᔡᑲᓂᐎᒋᒃ ᑲᓇᐌᓕᑕᒶᒃ ᐅᓚᔓᐌᐎᓂᓕᐤ; ᒫᑲ ᓇᑕᐌᓕᑕᒶᒃ ᑭᓚᐗᐤ ᑭᒋ ᑭᔅᑭᓄᐙᒋᔓᑲᐎᔦᒃ, ᑭᒋ ᑮ ᒫᒪᑖᑯᒧᒋᒃ ᑭ ᐎᔭᓯᐙᒃ᙮

ᐱᓕᐱᔭᓇ 2:21

ᐌᓴ ᒥᓯᐌ ᓈᓇᑕᐌᓕᑕᒶᒃ ᑎᐱᓚᐌ ᐅᑦ ᐋᔮᓂᐗᐗ, ᓇᒪᐎᓚ ᐊᓂᐃ ᒋᓴᔅ ᙭ ᐅᑦ ᐋᔮᓂᓕᐗ᙮

ᑯᓚᔑᔭᓇ 3:2

ᒫᒥᑐᓀᓕᑕᒧᒃ ᐊᓂᐃ ᑫᒀᓇ ᐃᔥᐱᒥᒃ ᑳ ᐃᑕᑾᑭ, ᐁᑳ ᑫᒀᓇ ᐊᔅᑮᒃ᙮

ᓂᔓ ᑌᓴᓗᓂᔭᓇ 1:9

ᐊᓂᑭ ᑫ ᑲᒀᑕᑭᐋᑲᓂᐎᒋᒃ ᑳᑭᑫ ᓂᔑᐗᓈᑎᓯᐎᓂᒃ ᐅᑖᔅᑕᒥᒃ ᐅᒋ ᐅᑎᐯᓕᒋᑫᐤ, ᓀᔥᑕ ᐁ ᐃᔑ ᑭᔅᑌᓕᑖ ᑲᓂᓕᒃ ᐅ ᑲᔥᑭᐅᐎᓐ ᐅᒋ;

ᓂᔓ ᑌᓴᓗᓂᔭᓇ 2:12

ᒥᓯᐌ ᐁ ᐃᑕᓯᓕᒋ ᑭᒋ ᓂᔑᐗᓈᒋᒫᑲᓂᐎᓕᒋ, ᐁᑳ ᑳ ᑮ ᑖᐺᑕᒥᓕᒋ ᑖᐺᐎᓂᓕᐤ, ᒫᑲ ᑳ ᑮ ᒥᓜᓕᑕᒥᓕᒋ ᒪᒑᑎᓯᐎᓂᓕᐤ᙮

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᓂᔓ ᑎᒧᑎ 3:4

ᐁ ᑭᓛᔅᑭᑌᐁᔅᑭᒋᒃ, ᐁ ᒪᔥᑲᐎᔅᑎᒀᓂᒋᒃ, ᐁ ᑭᔅᑌᓕᒥᑎᓱᑭᒋᒃ, ᐊᐙᓯᑌ ᐁ ᓵᑭᑖᒋᒃ ᒥᓚᐙᑎᑯᓯᐎᓐ ᐃᔥᐱᔥ ᐁ ᓵᑭᐋᒋᒃ ᑭᒋᒪᓂᑐᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:16

ᒫᑲ ᐊᓄᒡ ᑭ ᒥᓚᐙᑌᓇᐗᐤ ᑭ ᒫᒪᑖᑯᒧᐎᓂᐙᒃ: ᒥᓯᐌ ᐅᒪ ᐃᔑ ᒥᓚᐙᑕᒧᐎᓐ ᒫᓛᑕᓐ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᓂᔓ ᐱᑕᕐ 2:13

ᑲᑕ ᐅᑎᓇᒶᒃ ᒫᑲ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓐ, ᑖᐱᔅᑯᒡ ᐊᓂᑭ ᒥᓚᐙᑎᑾᓐ ᑳ ᐃᑌᓕᑕᑭᒃ ᑭᒋ ᑭᔥᑴᔮᑎᓯᓈᓂᐗᒃ ᒣᒀᒡ ᐁ ᑭᔑᑳᒃ: ᒪᓯᓈᓱᐗᒃ ᓀᔥᑕ ᐅᐎᓕᐱᓯᐗᒃ, ᐁ ᒥᓚᐙᑎᑯᐃᑎᓱᒋᒃ ᐅ ᑲᑳᔦᓕᓯᐎᓂᐙᒃ ᒣᒀᒡ ᐁ ᐎᒋᐎᑯᑐᒥᑖᑾᒃ;

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 18:7

ᐃᓕᑯᒃ ᑳ ᑮ ᑭᔅᑌᓕᑖᑯᐃᑎᓱᑦ, ᓀᔥᑕ ᒥᓗᐳᑦ, ᐁᑯ ᐃᔥᐱᔥ ᑲᒀᑕᑭᓯᐎᐤ ᓀᔥᑕ ᒥᔕᒣᓕᑕᒧᐎᓐ ᒥᓕᒃ; ᐌᓴ ᐃᑗᐤ ᐅᑌᐃᒃ, ᓂᑦ ᐊᐱᓐ ᐁ ᑭᒋᐅᑭᒫᔅᑴᐎᔮᓐ, ᐁᑳ ᓀᔥᑕ ᐁ ᑭᑎᒫᑭᔅᑴᐎᔮᓐ, ᓇᒪ ᓀᔥᑕ ᓂ ᑳ ᐙᐸᑌᓐ ᒥᔕᒣᓕᑕᒧᐎᓐ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮