ᐱᓕᐱᔭᓇ 2:15 - ᐅᔅᑭ ᑎᔅᑌᒥᓐᑦ

¹⁵ ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᐱᓕᐱᔭᓇ 2:15 Cross References

ᐅᐸᓓᑭᔅ ᒫᑎᐤ 10:16

ᒫᑎᑲ, ᑭᑦ ᐃᑎᔕᐅᑎᓇᐗᐤ ᑖᐱᔅᑯᒡ ᒫᓂᔥᒑᓂᔕᒃ ᐃᑕ ᐁ ᐃᑖᓕᒋ ᒪᐃᑲᓇ: ᐁᐗᑯ ᐅᒋ ᓕᑆᑳᒃ ᑖᐱᔅᑯᒡ ᑭᓀᐱᑾᒃ, ᓀᔥᑕ ᓗᔅᐹᑎᓯᒃ ᑖᐱᔅᑯᒡ ᐅᒥᒥᐗᒃ᙮

ᐅᐸᓓᑭᔅ ᒫᑎᐤ 17:17

ᐁᑯ ᒋᓴᔅ ᓀᔥᑴᐗᔑᐃᐌᑦ ᐁ ᐃᑗᑦ, ᐅ ᐁᑳ ᐌᑖᐺᑕᒧᐎᓂᔦᒃ ᓀᔥᑕ ᓀᔦᑕᐙᑎᓯᔦᒃ ᑳ ᐋᓂᔅᑫᐱᒫᑎᓯᔦᒃ, ᑖᓀᓕᑯᒃ ᑫ ᐎᒉᐎᑕᑾᒃ? ᑖᓀᓕᑯᒃ ᑫ ᐯᐃᑕᑾᒃ! ᐯᑐᐎᓐ ᓂᓚ᙮

ᐅᐸᓓᑭᔅ ᒫᑎᐤ 5:45

ᑭᒋ ᐅᑦ ᐊᐙᔑᒥᔑᒥᑖᒃ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ: ᐌᓴ ᐎᓚ ᑐᑕᐌᐤ ᐱᓯᒶ ᑭᒋ ᒐᑳᓯᑫᔅᑕᐙᓕᒋ ᐅᒪᒋᑡᐗ ᓀᔥᑕ ᐅᒥᓗᑡᐗ, ᐃᔑᑎᔕᐊᒪᐌᐤ ᒫᑲ ᑭᒋ ᑭᒥᐗᓂᓕᒃ ᐅᒀᔭᔅᑭᑎᐗ ᓀᔥᑕ ᐅᒪᒑᑎᓯᐗ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᐅᐸᓓᑭᔅ ᓘᒃ 1:6

ᑖᐱᔅᑯᒡ ᒫᑲ ᑮ ᒀᔭᔅᑭᑖᑎᓯᐗᒃ ᐁ ᐙᐸᒥᑯᒋᒃ ᑭᒋᒪᓂᑐᐗ, ᐁ ᐱᒧᑖᑕᒸᒋᒃ ᒥᓯᐌ ᐅ ᑲᑫᔅᑴᐎᓂᓕᐗ ᓀᔥᑕ ᐃᑕᔓᐌᐎᓂᓕᐗ ᐅᑎᐯᓕᒋᑫᐗ ᐁᑳ ᐁ ᐋᓉᓕᑖᑯᓯᒋᒃ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐅᐸᓓᑭᔅ ᒑᓐ 5:35

ᐎᓚ ᑮ ᐙᔅᑌᐎᓂᐎᐤ ᐁ ᓴᔅᑭᓱᑦ ᓀᔥᑕ ᐁ ᐙᓯᓱᑦ: ᓀᔥᑕ ᑭ ᑮ ᓵᐯᓕᑌᓇᐗᐤ ᐎᓕᐱᔉ ᑭᒋ ᒥᓚᐙᑕᒣᒃ ᐅ ᐙᔅᑌᐎᓂᒃ᙮

ᐊᐸᔅᑕᓚᒃ 2:40

ᒥᒉᑦ ᒫᑲ ᑯᑕᑭᔭ ᐋᔭᒥᐎᓇ ᐅᒋ ᑮ ᑎᐸᒋᒧᔅᑕᐌᐤ, ᓀᔥᑕ ᑮ ᔑᑭᒣᐤ, ᐁ ᐃᑗᑦ, ᐱᒫᒋᐃᑎᓱᒃ ᐅᑯ ᐅᒋ ᐊᓄᒡ ᑳ ᐋᓂᔅᑫ ᐱᒫᑎᓯᒋᒃ ᑳ ᑲᑫᐹᑎᓯᒋᒃ᙮

ᐊᐸᔅᑕᓚᒃ 20:30

ᓀᔥᑕ ᒫᑲ ᑫᒋᐙᒃ ᑭᓚᐙᐤ ᐅᒋ ᐃᓕᓕᐗᒃ ᑲᑕ ᐸᓯᑯᐗᒃ ᐁ ᐊᓕᒧᑕᑭᒃ ᒪᒋ ᑫᒀᓇ, ᑭᒋ ᐅᒋᐱᑕᒫᓱᒋᒃ ᑭᔅᑭᓄᐊᒪᐗᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:19

ᐌᓴ ᑭ ᓇᓇᐃᑕᒧᐎᓂᐗᐤ ᑮ ᐯᒋ ᐅᑎᑎᑯᐗᒃ ᒥᓯᐌ ᐃᓕᓕᐗᒃ᙮ ᐁᐗᑯ ᐅᒋ ᓂ ᓯᑭᓓᓯᓐ ᒫᑲ ᑭᓚᐗᐤ ᐅᒋ: ᑫᔮᐸᒡ ᒫᑲ ᑭ ᓇᑕᐌᓕᒥᑎᓇᐗᐤ ᑭᒋ ᑲᑫᑕᐌᓕᑕᒣᒃ ᐊᓂᒪ ᑳ ᒥᓨᔑᒃ, ᓀᔥᑕ ᑭᒋ ᑲᑫᐹᑎᓯᔦᒃ ᑳ ᒫᓛᑕᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᑯᕆᓐᑎᐊᓇ 6:17

ᐁᐗᑯ ᐅᒋ ᐯᒋ ᐙᓚᐎᒃ ᐃᑕ ᐁ ᐃᑖᒋᒃ, ᓀᔥᑕ ᐸᑳᓂᐃᑎᓱᒃ, ᐃᑗᐤ ᐅᑎᐯᓕᒋᑫᐤ, ᐁᑳᐎᓚ ᓀᔥᑕ ᓵᒥᓇᒧᒃ ᐊᓂᒪ ᑳ ᐎᓕᐹᒃ; ᑭ ᑳ ᐅᑎᓂᑎᓇᐗᐤ ᒫᑲ,

ᐃᐱᓯᔭᓇ 5:27

ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᐱᓕᐱᔭᓇ 1:10

ᑭᒋ ᑯᒋᑭᔅᑫᓕᑕᒣᒃ ᑫᒀᓇ ᑳ ᒥᓨᔑᑭ; ᑭᒋ ᐸᓓᑭᓯᔦᒃ ᓀᔥᑕ ᐁᑳ ᑭᒋ ᓈᔦᑕᐌᓕᒥᑲᐎᔦᒃ ᐱᓕᔥ ᐅᑎᒋᐸᓕᓕᑫ ᐅ ᑭᔑᑳᒻ ᙭;

ᐱᓕᐱᔭᓇ 3:6

ᐁ ᐋᓕᒧᒋᑳᑌᒃ ᓱᑫᓕᑕᒧᐎᓐ, ᐁ ᑲᒀᑕᑭᐊᑭᒃ ᒪᒪᐎᐋᔭᒥᐊᐗᒃ; ᐁ ᐋᓕᒧᒋᑳᑌᒃ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑳ ᐃᑕᑾᒃ, ᓂ ᑮ ᒀᔭᔅᑭᑌᓕᑖᑯᓯᓐ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔥᑕᒻ ᑎᒧᑎ 3:10

ᐁᑯᔑ ᒫᑲ ᐅᑯ ᓃᔥᑕᒻ ᑲᑕ ᑲᑴᒋᐋᐗᒃ; ᐁᑯᔑ ᒫᑲ ᐁᑯ ᑫ ᐋᐸᒋᑖᒋᒃ ᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᐁ ᒥᔅᑲᐙᑲᓂᐎᒋᒃ ᐁ ᒀᔭᔅᑭᑎᒋᒃ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 5:14

ᐁᐗᑯ ᐅᒋ ᒫᑲ ᓇᑐᐌᓕᑕᒫᓐ ᐅᔥᑭᓂᑭᔅᑴᐗᒃ ᑭᒋ ᐅᓈᐯᒥᒋᒃ, ᑭᒋ ᓂᑕᐎᑭᐋᒋᒃ ᐊᐙᔑᔕ, ᑭᒋ ᑲᓇᐎᐙᔅᑳᔨᑲᓂᒋᒃ, ᐁᑳ ᐁ ᐃᓕᓇᐙᒋᒃ ᐅᐹᑾᔑᐃᐌᐗ ᐙᔦᔥ ᑭᒋ ᒪᒋ ᐃᑗᓕᒋ:

ᓂᔥᑕᒻ ᑎᒧᑎ 5:20

ᐊᓂᑭ ᑳ ᒪᒋᑐᑕᑭᒃ ᑭᑕᐊᒪᐎᒃ ᒥᓯᐌ ᐁ ᐙᐸᑕᑭᒃ, ᑯᑕᑭᔭᒃ ᓀᔥᑕ ᑭᒋ ᓭᑭᓯᒋᒃ᙮

ᓂᔥᑕᒻ ᑎᒧᑎ 5:7

ᐅᐅ ᑫᒀᓇ ᒫᑲ ᐃᑕᔓᐌ ᑭᒋ ᒥᓗᐃᑌᓕᑖᑯᓯᒋᒃ᙮

ᑕᐃᑕᔅ 1:6

ᑮᔥᐱᓐ ᐊᐌᓇ ᐁᑳ ᒪᒋᐃᑌᓕᑖᑯᓯᑦ, ᐁ ᐅᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᐋᔭᐙᑦ ᐁ ᒀᔭᔅᑭᑎᓕᒋ ᐊᐙᔑᔕ, ᐁᑳ ᑳ ᒪᒥᔑᒫᑲᓂᐎᓕᒋ ᐁ ᒪᒋᐋᔨᑎᓕᒋ, ᐁᑳ ᓀᔥᑕ ᐁ ᔑᐱᑕᒥᓕᒋ᙮

ᑕᐃᑕᔅ 2:10

ᐁᑳ ᐁ ᑭᒧᑎᔅᑭᒋᒃ, ᒫᑲ ᐁ ᐙᐸᑎᓕᐌᒋᒃ ᒥᓯᐌ ᒀᔭᔉ ᐋᐸᑎᓯᐎᓂᓕᐤ; ᑭᒋ ᑭᔅᑌᓕᑖᑯᑖᒋᒃ ᐅ ᑭᔅᑭᓄᐊᒫᑫᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᒥᓯᐌ ᐃᔑ᙮

ᑕᐃᑕᔅ 2:15

ᐅᐅ ᑫᒀᓇ ᐙᐎᑕ ᓀᔥᑕ ᔑᑭᑫᒧ, ᓀᔥᑕ ᑭᑕᐊᒫᑫ ᒥᓯᐌ ᑎᐯᓕᒋᑫᐎᓐ ᐅᒋ᙮ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ᙮

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᑭᔅᑫᓕᑖᑯᑖᑫᐎᓐ 2:5

ᐁᐗᑯ ᐅᒋ ᑭᔅᑭᓯ, ᑖᓐᑌ ᑳ ᑭ ᐅᒋ ᐸᑭᔑᓂᔭᓐ, ᓀᔥᑕ ᒥᒋᓚᐌᔦᓕᑕ, ᑐᑕ ᒫᑲ ᐊᓂᐃ ᓃᔥᑕᒻ ᐊᑑᔅᑫᐎᓇ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᓂ ᑳ ᐃᑲᑌᓀᓐ ᒫᑲ ᑭ ᐙᔅᑌᓇᒫᑲᓈᑎᒃ ᐃᑕ ᑳ ᐋᔮᒃ ᐅᒋ, ᑮᔥᐱᓐ ᐁᑳ ᒥᒋᓚᐌᔦᓕᑕᒪᓀ᙮

ᑭᔅᑫᓕᑖᑯᑖᑫᐎᓐ 3:9

ᒫᑎᑲ, ᓂ ᑳ ᐃᔑᐋᐗᒃ ᑭᒋ ᐅᑖᔭᒥᐁᐎᑲᒥᒥᑯᒋᒃ ᓭᑕᓇ, ᓂ ᒎᐎᓈᓐ ᑳ ᐃᑗᒋᒃ, ᒫᑲ ᐁᑳ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᑭᓛᔅᑭᒋᒃ; ᒫᑎᑲ, ᓂ ᑳ ᑐᑕᐙᐗᒃ ᑭᒋ ᐯᒋ ᓇᐗᑮᔅᑖᑫᒋᒃ ᑭᓯᑎᒃ, ᓀᔥᑕ ᑭᒋ ᑭᔅᑫᓕᑕᑭᒃ ᐁ ᑮ ᓵᑭᐃᑖᓐ᙮