5 ᑭᑦ ᐅᑐᑌᒥᐌᐎᓂᐗᐤ ᐅᒋ ᒥᓗᐋᒋᒧᐎᓂᒃ ᐊᔅᐱᓐ ᓃᔥᑕᒻ ᐁ ᑭᔑᑳᒃ ᐱᓕᔥ ᐊᓄᒡ:
ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮
ᑮᔥᐱᓐ ᒫᑲ ᐋᑎᑦ ᐗᑎᑾᓇ ᓈᑡᐸᓕᑾᐎ, ᑭᓚ ᒫᑲ ᐱᑾᒋ ᐊᓕᑉ ᒥᔅᑎᒃ, ᐁᑯᑕ ᑭ ᑮ ᑭᓕᑲᐎᐗᑯᑳᑎᑲᐎᔭᓐ, ᐊᓯᒋ ᒫᑲ ᐁᐗᑾᓂᐃ ᐅᑎᓇᒪᓐ ᐅᒉᐱᒃ ᓀᔥᑕ ᐁ ᐃᔑ ᐎᓕᓗᑦ ᐊᓇ ᐊᓕᑉ ᒥᔅᑎᒃ;
ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮
ᐌᓴ ᑮ ᐃᔑ ᒥᓜᓕᑕᒶᒃ ᐊᓂᑭ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ ᑭᒋ ᒫᒪᐎ ᒥᓕᐌᐎᓂᑫᒋᒃ ᐊᓂᐃ ᑭᑎᒫᑭᓯᐎ ᐅᐸᓓᑭᓯᐗ ᒋᕉᓴᓚᒥᒃ ᑳ ᐃᑖᓕᒋ ᐅᒋ᙮
ᑭᒋᒪᓂᑐ ᒀᔭᔅᑭᑎᐤ, ᐊᓇ ᑳ ᑮ ᓇᑐᒥᑖᒃ ᑭᒋ ᐅ ᐎᒉᐙᑲᓂᒥᒣᒃ ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮
ᓀᔥᑕ ᒫᑲ, ᓂᒋᔖᓂᑐᒃ, ᑭ ᐎ ᑭᔅᑫᓕᑕᒥᐃᑎᓇᐗᐤ ᐅ ᔕᐌᓕᒋᑫᐎᓐ ᑭᒋᒪᓂᑐ ᑳ ᑮ ᒥᓛᑲᓂᐎᒋᒃ ᐊᓂᑭ ᒫᒪᐎᐋᔭᒥᐋᐗᒃ ᒫᓯᑐᓂᔭᐃᒃ ᑳ ᐃᑖᒋᒃ:
ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:
ᒫᑲ ᓂ ᓇᑕᐌᓕᑌᓐ ᑭᒋ ᓂᓯᑐᑕᒣᒃ, ᓂᒋᔖᓂᑐᒃ, ᐊᓂᐃ ᑳ ᑮ ᐅᑎᑎᑯᔮᓐ, ᐊᐙᓯᑌ ᑮ ᐃᔅᐸᓕᐗ ᑭᒋ ᐅᒋ ᒥᓨᐸᒣᐎᓯᒪᑲᒃ ᒥᓗᐋᒋᒧᐎᓐ;
ᐊᓂᑭ ᐙᐎᑕᒶᒃ ᙭ᑕ ᐊᒀᑎᓯᐎᓂᒃ, ᓇᒪᐎᓚ ᒀᔭᔅᑭᑌᓕᑕᒧᐎᓂᒃ, ᐁ ᐃᑌᓕᑕᑭᒃ ᑭᒋ ᑕᑯᑕᒋᒃ ᐊᓕᒥᓯᐎᓂᓕᐤ ᓂ ᒫᒫᒋᒀᐱᓱᐎᓂᒃ:
ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;
ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮
ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:
ᒫᑲ ᑭ ᑭᔅᑫᓕᑌᓇᐗᐤ ᐁ ᐃᑖᒋᒫᑲᓂᐎᑦ, ᑖᐱᔅᑯᒡ ᐅᑯᓯᓯᒪᐤ ᐁ ᐎᒉᐙᑦ ᐅᑖᐎᔭ, ᓂ ᑮ ᐃᔑ ᐎᒋᐊᑐᔅᑫᒥᒃ ᒥᓗᐋᒋᒧᐎᓂᒃ᙮
ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮
ᑮᔥᐱᓐ ᒫᑲ ᐎᒉᐙᑲᓐ ᐌᑕᑭᒥᐗᓀ, ᑖᐱᔅᑯᒡ ᓂᓚ ᑫᒋᐙᒃ ᐅᑎᓐ᙮
ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮
ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:
ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮
ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮
