ᐱᓕᐱᔭᓇ 1:27 - ᐅᔅᑭ ᑎᔅᑌᒥᓐᑦ

²⁷ ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᐱᓕᐱᔭᓇ 1:27 Cross References

ᐅᐸᓓᑭᔅ ᒫᑎᐤ 12:25

ᒋᓴᔅ ᒫᑲ ᑮ ᑭᔅᑫᓕᑕᒬᐤ ᐅ ᒥᑐᓀᓕᒋᑫᐎᓂᓕᐗ, ᑮ ᐃᑌᐤ ᒫᑲ, ᒥᓯᐌ ᑕᑐ ᐅᑭᒫᐎᐎᓐ ᑳ ᓄᑎᓂᑎᓱᒪᑲᒃ ᐅᒋᑕᐤ ᑲᑕ ᓂᔑᐗᓈᑕᓐ; ᓀᔥᑕ ᒥᓯᐌ ᑕᑐ ᐃᑖᐎᓐ ᓀᔥᑕᐱᑯ ᐙᔅᑳᔨᑲᓐ ᑳ ᓄᑎᓂᑎᓱᒪᑲᓐ ᓇᒪᐎᓚ ᑲᑕ ᐃᑕᔅᑭᑌᐤ᙮

ᐊᐸᔅᑕᓚᒃ 2:46

ᑕᑣᐤ ᑳᔑᑳᑭ ᒫᑲ ᑖᐱᔅᑯᒡ ᑮ ᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐱᒋ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐸᑴᓈᒋᒃ ᐋᓚᑯᓇᐗ ᐊᑭᓀ ᐙᔅᑲᔨᑲᓂᒃ, ᑮ ᒥᒋᐗᒃ ᐅ ᒥᒋᒥᒥᐙᐗ ᐁ ᒥᓜᓕᒧᒋᒃ ᓀᔥᑕ ᐁ ᑲᔮᒣᓕᑕᑭᒃ ᐅᑌᐃᐙᒃ,

ᐊᐸᔅᑕᓚᒃ 24:24

ᑭᐃᔥᑾ ᒫᑲ ᐋᑎᑦ ᑭᔑᑳᐗ, ᐃᔅᐱ ᐱᓕᒃᔅ ᐱᐁᒋ ᐎᒉᐙᑦ ᐎᐗ ᑦᕉᓯᓚ ᐁ ᐃᔑᓂᑳᓱᓕᒋ ᑳ ᒎᐎᔅᑴᐎᓕᒋ, ᑮ ᓇᑐᒣᐤ ᐹᓚ, ᑭ ᓇᑐᑕᐌᐤ ᒫᑲ ᐁ ᑎᐹᑐᑕᒥᓕᒋ ᐁ ᐃᔑ ᑖᐺᔦᓕᒥᒥᒋ ᙭ᑕ᙮

ᐊᐸᔅᑕᓚᒃ 4:32

ᒥᓯᐌ ᐁ ᐃᑕᓯᒋᒃ ᒫᑲ ᑳ ᑖᐺᑕᑭᒃ ᑮ ᐃᑎᐗᒃ ᑖᐱᔅᑯᒡ ᐁ ᐯᔭᑯᑌᐁᒋᒃ ᓀᔥᑕ ᐁ ᐯᔭᑯᐊᒑᑯᐎᒋᒃ; ᓇᒪᐎᓚ ᓀᔥᑕ ᐊᐌᓇ ᐁ ᐃᑕᓯᒋᒃ ᐅᒋ ᑮ ᐃᑗᐤ ᐊᓂᐃ ᑫᒀᓇ ᑳ ᐊᔮᑦ ᐁ ᑎᐱᓚᐌᐎᓯᑦ; ᒫᑲ ᒥᓯᐌ ᑫᒀᓇ ᒫᒪᐤ ᑮ ᐋᐸᒋᑖᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:9

ᐌᓴ ᑭᒋᒪᓂᑐ ᓂ ᑭᔅᑫᓕᒥᒃ, ᐊᓇ ᓂᑦ ᐊᒐᑯᒃ ᑳ ᐅᒋ ᐊᑖᔅᑲᐗᒃ ᐅ ᒥᓗᐋᒋᒧᐎᓂᓕᒃ ᐅᑯᓯᓴ, ᐁᑳ ᐁ ᐳᓂᔮᓐ ᒧᔕᒃ ᐁ ᐋᔭᒥᐁᔅᑕᒫᑕᑾᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:8

ᒫᑲ ᑖᓐ ᐁᑗᒪᑲᒃ? ᐊᓂᒪ ᐋᔭᒥᐎᓐ ᑭ ᐯᔛᐸᒥᑯᓐ, ᑭᑐᓂᒃ ᐅᑎ, ᓀᔥᑕ ᑭᑌᐃᒃ: ᐁᐗᑯ, ᐊᓂᒪ ᑖᐺᔦᓕᑕᒧᐎᓂ ᐋᔭᒥᐎᓐ, ᑳ ᐙᐎᑕᒫᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:29

ᐌᓴ ᓂ ᑫᒋᓇᐅᓐ, ᐃᔅᐱ ᐯᒋ ᐅᑎᑎᑕᑾᐗ, ᓂ ᑳ ᑕᑯᔑᓂᓐ ᐁ ᐃᔑ ᑭᔅᑌᓕᑖᑯᓯᐎ ᔕᐌᓕᑖᑾᓂᓕᒃ ᐅ ᒥᓗᐋᒋᒧᐎᓐ ᙭᙮

ᓂᔥᑕᒻ ᑯᕆᓐᑎᐊᓇ 1:10

ᐁᑯ ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒥᓯᐌ ᐁ ᐃᑕᔑᔦᒃ ᑭᒋ ᐯᔭᑯ ᐃᑗᔦᒃ, ᐁᑳ ᓀᔥᑕ ᑭᒋ ᐃᑕᑾᑭ ᐸᑳᓂᐃᓱᐎᓇ ᐃᑕ ᐁ ᐃᑖᔦᒃ; ᒥᑐᓂ ᒫᑲ ᑭᒋ ᐎᒉᑐᔦᒃ ᓵᑭᐃᑐᐎᓂᒃ ᐁ ᐯᔭᑯ ᒥᑐᓀᓕᒋᑲᓂᔦᒃ, ᓀᔥᑕ ᐁ ᐯᔭᑯ ᑎᐹᔅᑯᓂᑫᔦᒃ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᓂᔓ ᑯᕆᓐᑎᐊᓇ 9:13

ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ;

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 1:15

ᐁᐗᑯ ᐅᒋ ᓂᓚ ᐊᓯᒋ, ᐃᔅᐱ ᑳ ᑮ ᐯᑕᒫᓐ ᐁ ᑖᐺᔦᓕᒣᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐁ ᐃᔑ ᓵᑭᐁᑾᒃ ᒥᓯᐌ ᐅᐸᓓᑭᓴᒃ,

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐱᓕᐱᔭᓇ 1:5

ᑭᑦ ᐅᑐᑌᒥᐌᐎᓂᐗᐤ ᐅᒋ ᒥᓗᐋᒋᒧᐎᓂᒃ ᐊᔅᐱᓐ ᓃᔥᑕᒻ ᐁ ᑭᔑᑳᒃ ᐱᓕᔥ ᐊᓄᒡ:

ᐱᓕᐱᔭᓇ 2:12

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᐱᓕᐱᔭᓇ 2:24

ᒫᑲ ᓂ ᒪᒥᔑᑐᑕᐗᐤ ᐅᑌᐯᓕᒋᑫᐤ, ᓂᓚ ᑫᒋᐙᒃ ᐊᓯᒋ ᑭᒋ ᐯᒋ ᐃᑐᑌᔮᓐ᙮

ᐱᓕᐱᔭᓇ 3:18

ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ;

ᐱᓕᐱᔭᓇ 3:20

ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭;

ᐱᓕᐱᔭᓇ 4:1

ᐁᐗᑯ ᐅᒋ, ᓂᒋᔖᓂᑐᒃ, ᓈᔅᐱᒡ ᓯᐋᑭᐃᑕᑾᒃ ᓀᔥᑕ ᑳᐗᔐᓕᒥᑕᑾᒃ, ᓂ ᒥᓚᐙᑕᒧᐎᓐ ᓀᔥᑕ ᓂᑦ ᐅᑭᒪᐗᔅᑐᑎᓐ, ᐁᑯ ᐃᔑ ᐋᔨᒋᑳᐸᐎᔅᑖᒃ ᐅᑎᐯᓕᒋᑫᐤ, ᓈᔅᐱᒡ ᓯᐋᑭᐃᑕᑾᒃ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᑯᓚᔑᔭᓇ 1:4

ᐊᔅᐱᓐ ᐁ ᑮ ᐯᑐᒫᒃ ᐁ ᐃᔑ ᑖᐺᔦᓕᒣᒃ ᒋᓴᔅ ᙭, ᓀᔥᑕ ᐁᔅᐱᒋ ᓵᑭᐁᒀᒃ ᒥᓯᐌ ᐅᐸᓓᑭᓴᒃ;

ᓂᔥᑕᒻ ᑌᓴᓗᓂᔭᓇ 3:6

ᒫᑲ ᐁᑯ ᐃᔅᐱ ᑳ ᐯᒋ ᑖᑯᔑᒃ ᑎᒧᑎ ᑭᓚᐗᐤ ᐅᒋ, ᓀᔥᑕ ᐁ ᑮ ᒥᓗ ᐋᓕᒧᑕᒪᐎᔭᒥᑦ ᑭ ᑖᐺᔦᓕᑕᒧᐎᓂᐗᐤ ᓀᔥᑕ ᑭ ᓵᑭᐃᐌᐎᓂᐗᐤ, ᓀᔥᑕ ᒧᔕᒃ ᐁ ᒥᓗ ᑭᔅᑭᓯᑐᑕᐎᔭᒥᑦ, ᓈᔅᐱᒡ ᐁ ᐎ ᐙᐸᒥᔭᒥᑦ, ᑖᐱᔅᑯᒡ ᓂᓚᓈᓐ ᓀᔥᑕ ᑭᒋ ᐙᐸᒥᑖᒃ;

ᓂᔥᑕᒻ ᑌᓴᓗᓂᔭᓇ 4:1

ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔥᑕᒻ ᑎᒧᑎ 1:19

ᐁ ᒥᒋᒥᓇᒪᓐ ᑖᐺᔦᓕᑕᒧᐎᓐ ᓀᔥᑕ ᒥᓗ ᒥᑐᓀᓕᒋᑲᓐ; ᐁᐗᒀᓂ ᐋᑎᑦ ᐁ ᑮ ᐃᑲᑌᔅᑖᒋᒃ, ᑖᐺᔦᓕᑕᒧᐎᓐ ᐅᒋ ᑭ ᐱᑯᓈᐱᒀᓀᔑᓋᒃ:

ᓂᔓ ᑎᒧᑎ 4:7

ᓂ ᑮ ᓇᑎᓂᑳᓐ ᒥᓗ ᓄᑎᓂᑫᐎᓐ, ᓂ ᑮ ᑭᔑᑖᓐ ᓂ ᑲᑴᒋᔅᑲᔑᐌᐎᓐ, ᓂ ᑮ ᑲᓇᐌᓕᑌᓐ ᐊᓂᒪ ᑖᐺᔦᓕᑕᒧᐎᓐ:

ᑕᐃᑕᔅ 2:10

ᐁᑳ ᐁ ᑭᒧᑎᔅᑭᒋᒃ, ᒫᑲ ᐁ ᐙᐸᑎᓕᐌᒋᒃ ᒥᓯᐌ ᒀᔭᔉ ᐋᐸᑎᓯᐎᓂᓕᐤ; ᑭᒋ ᑭᔅᑌᓕᑖᑯᑖᒋᒃ ᐅ ᑭᔅᑭᓄᐊᒫᑫᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᒥᓯᐌ ᐃᔑ᙮

ᐹᐃᓕᒪᓐ 1:5

ᐁ ᐯᑕᒫᓐ ᑭ ᓵᑭᐃᐌᐎᓐ ᓀᔥᑕ ᑭ ᑖᐺᔦᓕᑕᒧᐎᓐ, ᐁ ᐃᔑ ᓵᑭᐊᑦ ᐅᑎᐯᓕᒋᑫᐤ ᓀᔥᑕ ᒥᓯᐌ ᐅᐸᓓᑭᓴᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:18

ᓀᔥᑕ ᐁ ᐃᔑ ᒥᓂᔑᐗᒃ ᒀᔭᔅᑭᑖᑎᓯᐎᓐ ᓂᑕᐎᑭᑕᒪᐗᐗᒃ ᑳᔮᒣᓕᑕᒧᐎᓂᒡ ᐊᓂᑭ ᑳ ᑳᔮᒣᓕᑕᒧᐎᓂᑫᒋᒃ᙮

ᓂᔓ ᐱᑕᕐ 3:11

ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮