ᐱᓕᐱᔭᓇ 1:1 - ᐅᔅᑭ ᑎᔅᑌᒥᓐᑦ

¹ ᐹᓪ ᓀᔥᑕ ᑎᒧᑎ, ᐅᑦ ᐊᑑᔅᑫᓛᑲᓂᒪ ᒋᓴᔅ ᙭, ᐁ ᒪᓯᓇᐊᒪᐙᒋᒃ ᒥᓯᐌ ᐅᐸᓓᑭᓴ ᙭ ᒋᓴᓯᒃ, ᑳ ᐃᑖᓕᒋ ᐱᓕᐹᐃᐃᒃ, ᐊᓯᒋ ᑭᒋᐋᔭᒥᐁᐎᑭᒪᐗ ᓀᔥᑕ ᑎᑲᓇ:

ᐱᓕᐱᔭᓇ 1:1 Cross References

ᐅᐸᓓᑭᔅ ᒫᕐᒃ 13:34

ᐌᓴ ᐃᓕᓕᐎᑯᓯᓵᓐ ᓇᔅᐱᑕᐌᐤ ᐃᓕᓕᐗ ᐙᓚᐤ ᐁ ᐃᑐᑌᓕᒋ, ᑳ ᓇᑲᑕᒃ ᐅ ᐙᔅᑳᔨᑲᓂᒻ, ᓀᔥᑕ ᑳ ᑎᐯᓕᑕᒥᐋᑦ ᐅᑦ ᐊᑑᔅᑫᓛᑲᓇ, ᓀᔥᑕ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᓀᔥᑕ ᑳ ᐃᑕᔓᒫᑦ ᐅᑲᓇᐎᔥᒀᑕᐌᐗ ᑭᒋ ᐊᔕᐙᐱᓕᒋ᙮

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐊᐸᔅᑕᓚᒃ 1:20

ᐌᓴ ᐃᑕᓯᓇᐃᑳᑌᐤ ᓂᑲᒧᐎ ᒪᓯᓇᐃᑲᓂᒃ, ᐁᑯᔑ ᐅ ᑕᔑᑫᐎᓐ ᑲᑕ ᐱᔑᔑᒀᓕᐤ, ᓇᒪ ᓀᔥᑕ ᐊᐌᓇ ᐃᓕᓕᐤ ᐊᓐᑕ ᑲᑕ ᐎᑭᐤ; ᓀᔥᑕ ᐅᑦ ᐋᔭᒥᐋᐎ ᑎᐯᓕᒋᑫᐎᓐ ᐁᑯᔑ ᑯᑕᑭᔭ ᑲᑕ ᐅᑎᓇᒥᓕᐗ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 9:13

ᐁᑯ ᐋᓇᓈᐃᐊᔅ ᓀᔅᑴᐙᔑᐃᐌᑦ, ᑌᐯᓕᒋᑫᔭᓐ, ᓂ ᑮ ᐯᑌᓐ ᒥᒉᑦ ᐅᒋ ᑳ ᐊᔨᑎᑦ ᐊᐗ ᐃᓕᓕᐤ, ᐃᔥᐱᔥ ᑳ ᑮ ᒪᒋᑐᑕᐙᑦ ᑭᑦ ᐋᔭᒥᐋᒪ ᐊᓐᑕ ᒋᕉᓴᓚᒥᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᓂᔥᑕᒻ ᑯᕆᓐᑎᐊᓇ 16:10

ᑮᔥᐱᓐ ᒫᑲ ᑎᒧᑎᔭᔅ ᑕᑯᔑᑫ, ᐙᐸᑕᒨᒃ ᐁᑳ ᑭᒋ ᓭᑭᓯᑦ ᐁ ᐎᒋᑕᔑᑫᒥᑖᒃ: ᐌᓴ ᐊᑑᔅᑳᑕᒻ ᐅᑎᐯᓕᒋᑫᐗ ᐅᑦ ᐊᑑᔅᑫᐎᓂᓕᐤ, ᒬᒋ ᑖᐱᔅᑯᒡ ᐁ ᑐᑕᒫᓐ ᓂᓚ᙮

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᑲᓓᔕᐊᓇ 1:10

ᐌᓴ ᓂᓚ ᓈ ᐊᓄᒡ ᓂ ᔑᑭᒪᐗᒃ ᐃᓕᓕᐗᒃ, ᓀᔥᑕᐱᑯ ᑭᒋᒪᓂᑐ? ᓀᔥᑕᐱᑯ ᓂ ᑯᒋ ᓇᐃᓚᐌᐋᐗᒃ ᓈ ᐃᓕᓕᐗᒃ? ᐌᓴ ᑮᔥᐱᓐ ᑫᔮᐸᒡ ᓇᐃᓚᐌᐊᑭᒃ ᐃᓕᓕᐗᒃ, ᓇᒪᐎᓚ ᓂ ᑳ ᐅᑦ ᐊᑑᔅᑫᓚᑲᓂᐎᑕᐃ ᙭᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐃᐱᓯᔭᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᐁ ᒪᓯᓇᐊᒪᐙᑦ ᐊᓂᐃ ᐅᐸᓓᑭᓴ ᑳ ᐃᑕᓕᒋ ᐁᐱᓴᓯᒃ, ᓀᔥᑕ ᐊᓂᐃ ᑳ ᒀᔭᔅᑭᑎᓕᒋ ᙭ ᒋᓴᓯᒃ:

ᐃᐱᓯᔭᓇ 1:15

ᐁᐗᑯ ᐅᒋ ᓂᓚ ᐊᓯᒋ, ᐃᔅᐱ ᑳ ᑮ ᐯᑕᒫᓐ ᐁ ᑖᐺᔦᓕᒣᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐁ ᐃᔑ ᓵᑭᐁᑾᒃ ᒥᓯᐌ ᐅᐸᓓᑭᓴᒃ,

ᐃᐱᓯᔭᓇ 6:24

ᔕᐌᓕᒋᑫᐎᓂᓕᐤ ᑲᑕ ᐎ ᐎᒉᐃᑯᐗᒃ ᒥᓯᐌ ᐊᓂᑭ ᑳ ᓵᑭᐋᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ ᑖᐺᐎᓂᒃ᙮ ᐁᒣᓐ᙮

ᐱᓕᐱᔭᓇ 2:19

ᒫᑲ ᓂ ᒪᒥᔑᑐᑕᐗᐤ ᐅᑎᐯᓕᒋᑫᐤ ᒋᓴᔅ ᐎᐸᒡ ᑎᒧᑎ ᑭᒋ ᐃᑎᔕᐊᒫᑕᑾᒃ, ᓂᓚ ᐊᓯᒋ ᑭᒋ ᒥᓜᓕᒧᔮᓐ ᐃᔅᐱ ᑭᔅᑫᓕᑕᒫᓀ ᐁ ᐃᔑ ᐋᔮᔦᒃ᙮

ᐱᓕᐱᔭᓇ 2:5

ᐁᑯᔑ ᐅᒪ ᒥᑐᓀᓕᒋᑲᓐ ᑭ ᑳ ᐎ ᐱᒋᔅᑳᑯᓇᐗᐤ, ᑳ ᑮ ᐱᒋᔅᑳᑯᑦ ᓀᔥᑕ ᙭ ᒋᓴᔅ;

ᐱᓕᐱᔭᓇ 3:12

ᓇᒪᐎᓚ ᑖᐱᔅᑯᒡ ᐋᔕᔾ ᐁ ᑮ ᐅᑎᑕᒫᓐ, ᓀᔥᑕᐱᑯ ᐋᔕᔾ ᐁ ᒥᑐᓂᐎᓯᔮᓐ; ᒫᑲ ᓂ ᓄᔅᐱᓇᑌᓐ, ᑮᔥᐱᓐ ᑫ ᐅᑎᑎᓇᒧᐙᓀ ᐊᓂᒪ ᑳ ᑮ ᐅᒋ ᐅᑎᑎᓂᑦ ᙭ ᒋᓴᔅ᙮

ᐱᓕᐱᔭᓇ 3:3

ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ:

ᐱᓕᐱᔭᓇ 3:8

ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,

ᓂᔥᑕᒻ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᓈᒃ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒲᐎᓐ, ᑭᒋᒪᓂᑐ ᐅᒋ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔓ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᒃ ᑯᑖᐎᓇᐤ ᓀᔥᑕ ᐅᑎᐯᓕᒋᑫᒃ ᒋᓴᔅ ᙭:

ᓂᔓ ᑌᓴᓗᓂᔭᓇ 1:10

ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮

ᓂᔥᑕᒻ ᑎᒧᑎ 1:2

ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑎᒧᑎ 3:8

ᑖᐱᔅᑯᒡ ᓀᔥᑕ ᑫᒋᓈᔥ ᐋᔭᒥᐁᐎᑭᒪᐗᒃ ᑲᑕ ᓕᑆᑲᐗᒃ, ᐁᑳ ᐁ ᓂᔓᑌᓕᓕᒋᒃ, ᐁᑳ ᒥᔅᑕᐃ ᐁ ᒥᓂᑴᒋᒃ ᔓᒥᓈᐳᓕᐤ, ᐁᑳ ᐁ ᓵᑭᐋᒋᒃ ᔔᓕᐋᓇ;

ᑕᐃᑕᔅ 1:1

ᐹᓪ, ᐅᑦ ᐊᑑᔅᑫᓚᑲᓂᒪ ᑭᒋᒪᓂᑐ, ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑕᔅᑌᓕᒃ ᐅ ᑖᐺᔦᓕᑕᒧᐎᓂᓕᐤ ᑭᒋᒪᓂᑐ ᐅ ᐙᐌᓛᐸᒫᑲᓇ, ᓀᔥᑕ ᐁ ᐎᒋᑳᑌᒃ ᐊᓂᒪ ᑖᐺᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ;

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᐹᐃᓕᒪᓐ 1:1

ᐹᓪ, ᐅ ᑭᐸᐙᑲᓇ ᒋᓴᔅ ᙭, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐹᐃᓕᒪᓐ ᓈᔅᐱᒡ ᑳ ᓵᑭᐃᑕᒃ, ᓀᔥᑕ ᓂᒋ ᐊᑑᔅᑫᓛᑲᓂᓈᓐ;

ᐦᐃᑉᕉᐗ 13:23

ᑭ ᑭᔅᑫᓕᑌᓇᐗᐤ ᒫᑲ, ᑭᒋᔖᓂᓇᐤ ᑎᒧᑎ ᐁ ᐋᐸᐙᑲᓂᐎᑦ; ᐊᓯᒋ ᐎᓚ, ᐎᐸᒡ ᑕᑯᔑᑫ, ᑭ ᑳ ᐙᐸᒥᑎᓈᐗᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:1

ᒉᒻᔅ ᐅᑦ ᐊᑑᔅᑫᓛᑲᓇ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᐊᓂᐃ ᑳ ᓂᔓᔖᐳᑌᐎᓯᓕᑭ ᑳ ᓇᓈᓂᔅ ᐃᑖᓕᒋ, ᐊᑖᒥᔅᑲᐌᐤ᙮

ᓂᔥᑕᒻ ᐱᑕᕐ 2:25

ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 2:12

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐙᔭᒥᐋᐙ ᐸᕐᑲᒪᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᑦ ᑳ ᐃᑕᐎ ᑳᔖᓕᒃ ᔑᒫᑲᓂᓕᐤ;

ᑭᔅᑫᓕᑖᑯᑖᑫᐎᓐ 2:8

ᐊᓇ ᐁᓐᒐᓪ ᒫᑲ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᔅᒪᕐᓇᐃᒃ ᒪᓯᓇᐊᒪᐤ; ᐅᐅ ᑫᒀᓇ ᐃᑗᐤ ᐊᓇ ᓃᔥᑕᒻ ᓀᔥᑕ ᒫᒋᒡ, ᐊᓇ ᑳ ᑮ ᓂᐱᑦ, ᓀᔥᑕ ᑳ ᐱᒫᑎᓰᑦ:

ᑭᔅᑫᓕᑖᑯᑖᑫᐎᓐ 22:9

ᐁᑯ ᐁᔑᑦ, ᔮᑾ ᐁᑳ ᑐᑕ: ᐌᓴ ᓂᓚ ᑮᒋᐊᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᑭ ᑳ ᑲᓇᐌᓕᑕᑭᒃ ᐃᑗᐎᓇ ᐅᒪ ᒪᓯᓇᐃᑲᓂᒃ ᑳ ᐃᑕᑾᓂᓕᑭ; ᓇᐗᑮᔅᑕᐤ ᑭ ᒪᓂᑐ᙮