Probirbio 7:2 - Maung A Balita Biblia

² Sumpal mo ray ganggan ko et mambilay ka. Asikasom ya onuren iray bangat ko a singa pangaasikasom ed saray matam.

Maung a Balita Biblia

² Sumpal mo ray ganggan ko et mambilay ka. Asikasom ya onuren iray bangat ko a singa pangaasikasom ed saray matam.

Probirbio 7:2 Cross References

Saray Salmo 119:144

Lawas a matonung iray bilibilin mo; itdan mo ak pay pakatalus, et mambilay ak.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.

Probirbio 4:21

Ag mo aabuloyan a nalingwanan mo ra. Nudnunot mo ra tan yan mo rad pusom.

Probirbio 4:4

binabangatan ak nen amak. Inkuanda, “Nunot mo ray ibabagak tan ag mo ra lilingwanan. Onur mo ray ganggan ko, et mambilay ka.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Levitico 18:5

Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.”

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

Juan 15:14

Kakaaro ta kayo, no onuren yo ray ganggan ko.

Deuteronomio 32:10

“Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.