Probirbio 2:12 - Maung A Balita Biblia

¹² tan ipaliis da kad pakagawam na kaogsan. Iyarawi da kad saray totoon manangiter na gunigon lapud panagsalita ra—

Maung a Balita Biblia

¹² tan ipaliis da kad pakagawam na kaogsan. Iyarawi da kad saray totoon manangiter na gunigon lapud panagsalita ra

Probirbio 2:12 Cross References

Saray Salmo 101:4

Ipolisay ko ray maoges a kanunotan tan ag ko mibiang ed kaogsan.

Saray Salmo 141:4

Iyarawi mo ak pad pampilalek a manggaway maoges, o diad pikasakey ed kaogsan na saray totoon maoges. Ag ak komun mibabalid saray pista ra.

Probirbio 10:32

Saray totoon matonung amta ray salitan marakep ya ibalikas, balet saray totoon maoges ansakit a salita so lawas ibabalikas da.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 23:33

Makanengneng kad satan na nidoma-doma ran bengatla, tan ag ka makapannunot o makapansalita na malinew.

Probirbio 28:26

Inkakulang-kulang so panmatalek ed dilin pakatalus mo. Arawian moy kaatapan, tan tombuk mo ray bangat na saray totoon lalon makabat.

Probirbio 3:32

lapud makapaingungot ed Katawan iray manggagaway kaogsan, balet makapaliket ed sikato iray totoon matonung.

Probirbio 6:12

Onlan manliber-liber a mantila iray totoon maoges tan andi-kana.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.