Probirbio 17:3 - Maung A Balita Biblia

³ Say balituk tan say pilak susuboken na apoy, tan say puso na too susuboken na Katawan.

Maung a Balita Biblia

³ Say balituk tan say pilak susuboken na apoy, tan say puso na too susuboken na Katawan.

Probirbio 17:3 Cross References

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Say Libro nen Job 28:1

Wala ray minas a pangokotkotay pilak; Wala ray pasen a panggogogolay balituk.

Saray Salmo 139:23

Sokayan mo ak pa, Katawan, tan amtaen moy walad isip ko; subok mo ak, tan amtaen mo so walad kanunotan ko.

Saray Salmo 26:2

Sokayan tan subok mo ak pa, Katawan; sintinsiaan mo pa ray pilalek ko tan saray kanunotan ko.

Saray Salmo 66:10

Sinusubok mo kami, O Dios: no panoy kalilinisay pilak ya imparalan ed apoy, ontan met so impanusubok mod sikami.

Probirbio 15:11

Amta na Katawan so anggan walad pasen a panaayaman da ray inaatey; panon sirin ya iyamut na too ed Dios iray kanunotan to.

Probirbio 16:2

Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Probirbio 27:21

Say apoy susuboken toy balituk tan pilak; ontan met say kagalangan na sakey a too nayarin suboken.

Isaias 48:10

Sinubok ta kayod apoy na kairapan, singa pakalinis na pilak ed palbaan. Balet apapaway kon andi-kakanaan kayo.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Ezekiel 22:18

“Sikan toon ompatey, anggapoy kana ed siak iray Israelita. Singa ra ibabantak a mital—gansa, lata, balatyang, tan ismay—akeraan ira ya kayarin apalba so pilak.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.