Probirbio 13:9 - Maung A Balita Biblia

⁹ Saray totoon matonung aliling day silew a marmarlang; saray totoon maoges aliling day makuykuyep a lamparaan.

Maung a Balita Biblia

⁹ Saray totoon matonung aliling day silew a marmarlang; saray totoon maoges aliling day makuykuyep a lamparaan.

Probirbio 13:9 Cross References

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

Say Libro nen Job 21:17

Amimpiga lan narep so lamparaan na saray maoges a totoo? Wala lay dinalan na deral ed sikara? Dinusa ta la na Dios ed pasnuk to iray totoon maoges,

Say Libro nen Job 29:3

Say Dios wala lawas ed siak nen saman; nen manaakar ak ed bilonget inantabay to ak na liwawa.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Probirbio 13:8

Say toon mayaman nakaukolan ya ikana toy kuarta to a pangyagel tod bilay to, balet say toon mairap-bilay anggapoy manataktakot ed sikato.

Probirbio 20:20

No isambam iray ateng mo, mansamput a singa lamparaan a naerep ed kabilongetan so bilay mo.

Probirbio 24:20

Anggapoy maung ya arapen na toon maoges—naandi so antokaman a kawalaay ilalo to.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Ezekiel 32:7

No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Saray Bilang 27:4

Akin et naandid Israel so ngaran di ama mi lapu labat ya anggapoy anak dan laki? Patawir yo kami pa met a singa saray lalakin kakanayon di ama mi.”

Mateo 22:13

Inkuanto may arid saray aripen to, ‘Balur yo ray lima tan sali to tan ibantak yod kabilongetan ed paway. Onnangis diman tan onngalatenget iray ngipen to.’

Mateo 25:8

Inkuanda ra may kulang na kalakal ed saramay makalakal, ‘Itdan yo kami pay larak yo, ta nanaerep la ray lamparaan mi.’