Lucas 23:4 - Maung A Balita Biblia

⁴ Inkuanen Pilatod satan ed saray manonan papari tan saray totoo, “Anggapoy naalmok a kasalanan to yan too.”

Maung a Balita Biblia

⁴ Inkuanen Pilatod satan ed saray manonan papari tan saray totoo, Anggapoy naalmok a kasalanan to yan too.

Lucas 23:4 Cross References

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Marcos 15:14

“Akin, antoy ginawa ton maoges?” tinepet nen Pilato. Lalon inkasikasil dan ineyag, “Ipasak mod krus!”

Lucas 23:22

Pinitlo nen Pilato ya inkuan ed sikara, “Akin, antoy ginawa ton kasalanan? Anggapoy naalmoan kon ginawa ton makasengeg na pamatey ed sikato! Kanyan pasipsiplatan ko, insan ko la ibolus.”

Juan 18:38

“Antoy katwaan a?” tinepet nen Pilato. Kapangibaga nen Pilato ed saya, pinmaway tan kuantod saray Judio, “Anggapoy narumog kon kasalanan to.

Saray Gawgawa 25:25

Balet anggapoy arumog kon makasengeg no akin et patey so dusa to. Kinerew ton say Impirador so manintinsiad sikato, kanyan ginetmak ibakik.

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

1 Pedro 2:22

Anggapoy ginawa ton kasalanan; ag met nantila ya anggan kapigan.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.