Lucas 2:4 - Maung A Balita Biblia

⁴ Diad Nazaret, Galilea, so panaayaman nen Jose, kanyan linmad Judea ed baley na Betlehem a nianakan nen Ari David. Dimay nila nen Jose, ta kabyangay boleg nen David.

Maung a Balita Biblia

⁴ Diad Nazaret, Galilea, so panaayaman nen Jose, kanyan linmad Judea ed baley na Betlehem a nianakan nen Ari David. Dimay nila nen Jose, ta kabyangay boleg nen David.

Lucas 2:4 Cross References

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

Genesis 48:7

Gagawaen ko ya, lapud kinen inam a Raquel. Kaermenan kon tuloy nen inatey si Raquel ed dalin na Canaan ya ag arawid Efrata, nen ompapawil ak a nanlapud Mesopotamia. Imponpon kod man diad gilig na dalan a mamaarap ed Efrata.” (Betlehem so tawag natan ed Efrata.)

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, “Sikatoy natawag a Nazareno.”

Lucas 2:3

Linma sirin a mampalista so balang sakey a too ed dilin baley to.

Lucas 2:5

Kaiba ton mampalista si Maria ya asawaen to. Malokun si Maria,

Lucas 4:16

Sinmempet si Jesus ed Nazaret, say baley a binalegan to. Onung na kaogaliyan to, linmoob ed sinagoga nen Agew na Panagpainawa. Inmalagey a mambasay Masanton Sulat,

Juan 1:46

“Wala tay kamaungan a manlapud Nazaret?” tepet nen Nataniel. “Gala, ta nengneng mo,” ebat nen Felipe.

Juan 7:42

Ag ta kuay Masanton Sulat a diad boleg nen David so panlapway Cristo tan nianak ed Betlehem, say baley a nanayaman nen David?”

Ruth 1:19

Intuloy dan dua sirin so panaakar da ya anggad insabi rad Betlehem. Kasabi rad man, nikelawan ya amin iray ombaley, tan inkuan na saray bibii, “Si Noemi!”

Ruth 2:4

Ag abayag sinmabiy Booz a nanlapud Betlehem. Inlugay nen Booz iray manaani, “Wala komun ed sikayo so Katawan!” Inmebat ira may manaani, “Bindisionan ka komun na Katawan!”

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

Ruth 4:17

Saray bibiin kakaabay nen Noemi et nginaranan da may ogaw na Obed. Inkuanda, “Awalaan natan na apo si Noemi!” Si Obed so ama nen Jesse, tan si Jesse so ama nen David.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”

1 Samuel 17:12

Si David et anak nen Jesse ya Efratita, a taga Betlehem ed Juda. Si Jesse waloray anak ton lalaki, tan masikesiken la nen ari si Saul.

1 Samuel 17:58

Tinepet nen Saul, “Balolaki, siopay akan-anak ed sika?”

1 Samuel 20:6

No naimano nen amam ya anggapo ak ed lamisaan, ibagam ed sikaton nampatanir ak ed sika ya ongganggano ak ed Betlehem, ta asabiy tinaon a bagat a para intiron pamilyak.