Lucas 1:7 - Maung A Balita Biblia

⁷ Anggapoy anak da, ta lepes si Elizabet; insan sakey ni, mataktakken la ran dua.

Maung a Balita Biblia

⁷ Anggapoy anak da, ta lepes si Elizabet; insan sakey ni, mataktakken la ran dua.

Lucas 1:7 Cross References

Genesis 17:17

Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

Genesis 18:11

Mataktakken la ra di Abraham tan Sara, tan ag la naliliberay Sara.

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

Genesis 30:1

Balet anggapoy anak nen Raquel, kanyan angimon ed kinen atsi to. Inkuantod kinen Jacob, “Itdan mo ak na anak ko; ta no andi, ompatey ak.”

1 Saray Arari 1:1

Masikesiken lay Ari David. Ag la napepetangan so laman to anggan nanlalatup so iyooles dad sikato.

2 Saray Arari 4:14

Tinepet nen Eliseo ed kinen Giezi, “Anto kasiy nayarian kon itulong ed sikato?” Inmebat si Giezi, “Anggapoy anak to tan masiken lay asawa to.”

Lucas 1:5

Nen si Herodes so ari na Judea, walay sakey a parin manngaray Zacarias, a kabyangay olup na paparin ipapangulo nen Abias. Say asawa nen Zacarias et si Elizabet, a kabyangay kailalakan nen Aaron.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Lucas 1:8

Aminsan ya agew, si Zacarias manlilingkur a sakey a pari ed arap na Dios, ta asabi lay liber na kawalaan ton olup na papari.

Saray Taga Roma 4:19

Anggaman a ngalngali lan sanlasus so taon to, dokung-dokung la, tan lepes si Sara ya asawa to, ag kinmapoy so pananisia to diad impannunot tod saraya.

Saray Hebreo 11:11

Lapu met ed pananisia, akapanlokun si Sara, anggaman ya akolakolaw la, ta anisian say Dios sumpalen toy insipan to.

1 Samuel 1:2

Si Elcana duaray asawa to, si Ana tan si Penina. Si Penina wala ray anak to, balet si Ana anggapo.