Lucas 1:22 - Maung A Balita Biblia

²² Nen ompaway ag to la makasalita, kanyan naamtaan dan walay pinmayawar ed sikato diad dalem na Timplo. Ag makasalitan balut, kanyan sinisinyasan to labat iray totoo.

Maung a Balita Biblia

²² Nen ompaway ag to la makasalita, kanyan naamtaan dan walay pinmayawar ed sikato diad dalem na Timplo. Ag makasalitan balut, kanyan sinisinyasan to labat iray totoo.

Lucas 1:22 Cross References

Ezekiel 3:26

Patalkeren koy dilam, pian ag mo napasakbayan ira man a totoon mananumpad sika.

Lucas 1:21

Leleg to ya, aalagaren na totoo si Zacarias. Mankelaw ira no akin et agaylay bayag tod dalem na Timplo.

Lucas 1:23

Nen asumpal lay liber nen Zacarias a manlingkur ed Timplo, sinmempet la.

Lucas 1:62

Sininyasan dad satay Zacarias, ta tinepet da no antoy labay ton ngaran na anak to.

Juan 13:24

Sininyasan nen Simon Pedro tan kuanto, “Tepet mo pad sikato no siopay labay ton ibaga.”

Saray Gawgawa 12:17

Balet si Pedro sininyasan to ran mandeen, insan to tinongtong ed sikara no panoy impangipaway na Katawan ed sikato diad prisowan. “Ibalita yo yad kinen Santiago tan saray arum ya agagi,” inkuanto. Inmalis lad satan, tan linmad arum a pasen.

Saray Gawgawa 19:33

Abaloan da ray arum a si Alejandro so akankasalanan lapud pinaonla na saray Judio ed arap na totoo. Sininyasan ton mandeen iray totoo, pian makapampaliwawa.

Saray Gawgawa 21:40

Inabuloyan na samay kapitan, kanyan inmalagey ed balitang, tan sininyasan ton mandeen iray totoo. Nen nandeen ira, nansalitad sikara ed Hebreo: