Levitico 3:6 - Maung A Balita Biblia

⁶ No sakey a karniro odino sakey a kanding so ibagat a para kareenan, nayarin sakey a kalakyan odino kabatyan, balet nepeg ya anggapoy deral na laman to.

Maung a Balita Biblia

⁶ No sakey a karniro odino sakey a kanding so ibagat a para kareenan, nayarin sakey a kalakyan odino kabatyan, balet nepeg ya anggapoy deral na laman to.

Levitico 3:6 Cross References

TAGA-EFESO 1:10

Sayan planoy Dios a sumpalen to no onsabi lay manepeg a panaon et say pangipasakey tod Cristo na amin iray pinalsan walad tawen tan dalin.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 1:2

a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Levitico 22:20

No mangibagat kayoy ayep a walay deral na laman to, say Katawan et ag to awaten.

Levitico 19:5

“No mamatey kayo na ayep ya ibagat a para kareenan, tombuk yo ray totontonen ya inter kod sikayo, et awaten koy bagat yo.

Levitico 23:19

Ontan met say sakey a kanding a kalakyan isaklang yon bagat a para kasalanan tan say duaran sakey taon a kordiro kalakyan isaklang yon bagat a para kareenan.

Saray Bilang 6:14

tan iyapay tod Katawan so taloran ayep ya anggapoy deral na laman da: sakey taon a kordiron kalakyan a para bagat a popoolan, sakey taon a kabatyan a kordiron ibagat a para kasalanan, tan sakey taon a karniron kalakyan ya ibagat a para kareenan.