Levitico 2:3 - Maung A Balita Biblia

³ Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Maung a Balita Biblia

³ Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Levitico 2:3 Cross References

Esdras 2:63

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.

Exodo 29:37

Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Ezekiel 44:29

Saray bagat a trigo, saray bagat a para kasalanan, tan saray bagat a pambayar et tagano na saray papari, tan sikaray mangawat na amin a bengatlan nibiig a para siak diad Israel.

Ezekiel 46:20

tan kuanto, “Sikato yay pasen a panlambungan na saray papari ed saray karnin nibagat a para kasalanan odino nibagat a para pambayar, tan dia met so panlutuan dad saray bagat ya arina, pian anggapoy masanton bengatla a niakar ed patiod paway, a nayarin napasakitan to ray totoo.”

Levitico 10:15

Awiten da so kamanonur a sali tan say pagew no isaklang a bagat a popoolan ed Katawan so taba. Sarayan parti et kayaryan yo ra ed ando lan ando, sikayo tan saray anak yo, onung na ingganggan na Katawan.”

Levitico 14:13

Pateyen to may kordiro diad masanton pasen a panamateyan ed saray ayep ya ibagat para kasalanan tan saray ayep ya ibagat a popoolan. Nepeg to yan gawaen lapud say bagat a pambayar et kayaryan na pari tan masanton tuloy a singa bagat a para kasalanan.

Levitico 2:10

Kayaryan na saray papari so soluk ed sayan bagat; masanto yan tuloy, ta inala ed kakanen ya imbagat ed Katawan.

Levitico 21:22

Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Levitico 5:13

Diad onya say pari isaklang to so bagat a para kasalanan na sakey a too, et napirdona yan too. Say soluk ed samay arina kayaryan na pari, a singa say gawaen ed bagat a trigo.

Levitico 6:26

Say parin mangibagat ed samay ayep kanen tod masanton pasen, diad solar na Tuldan Ayamay Katawan.

Levitico 6:9

ya iter tod kinen Aaron tan saray lalakin anak to iray onggendan a totontonen a nipaakar ed saray bagat a popoolan. Say bagat a popoolan et nepeg ya itilak a sanlabi ed tapew na altar, tan nepeg a mandarlang lawas so apoy.

Levitico 7:7

Walay sakey a totontonen a nepeg a sumpalen ed pangisaklang na bagat a para kasalanan tan diad bagat a pambayar: say karni kayaryan na pari ya angibagat.

Levitico 7:9

Amin a bagat a trigo a nilutod ornowan odino diad kawali odino diad bibingkaan et kayaryan na pari ya angibagat.

Saray Bilang 18:9

Diad saray sankasantosan a bagat ya ag ira poolan ed tapew na altar, saray onggendan so kayaryan yo: saray bagat a trigo, saray bagat a para kasalanan, saray bagat a pambayar. Amin a masanton nisaklang ed siak et kayaryan mo tan saray anak mo.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.