Juan 6:57 - Maung A Balita Biblia

⁵⁷ Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Maung a Balita Biblia

⁵⁷ Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Juan 6:57 Cross References

Saray Salmo 18:46

Say Katawan et mabilay! Nadayew komun so manangyagel ko! Ibawag yoy talonggaring na Dios a manangilaban ko.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

1 CORINTO 15:22

Ta no panoy ipatey na amin a katoowan lapud pikakasakey dad kinen Adan, ontan met a naolid bilay iray amin a katoowan lapud pikakasakey dad Cristo.

1 CORINTO 15:45

Onung met na ibabagay Masanton Sulat, “Say onaan a too a si Adan et pinalsan initday bilay”; balet say kaonuran ya Adan say Ispiritu a mangiiter na bilay.

2 CORINTO 13:4

Ta anggaman a sikatoy makapoy nen impasak ed krus, mambibilay natan lapud pakayariy Dios. Diad pikakasakey ed sikato makapoy kami met, balet diad pipiolup mid sikayo kaiba min mambibilay lapud pakayariy Dios.

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

1 Juan 4:9

Onyay impangipanengneng na Dios na aro tod sikatayo: imbaki tod mundo so bogbogtung ya Anak to, pian nawalaan itayoy bilay ed panamegley to.