Juan 5:10 - Maung A Balita Biblia

¹⁰ kanyan imbaga na saray Judio ed samay toon inmabig, “Agew na Panagpainawa natan! Ag mo nepeg a libiten so dokulan mo. Sumpad Ganggan itan.”

Maung a Balita Biblia

¹⁰ kanyan imbaga na saray Judio ed samay toon inmabig, Agew na Panagpainawa natan! Ag mo nepeg a libiten so dokulan mo. Sumpad Ganggan itan.

Juan 5:10 Cross References

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Jeremias 17:21

Ibagam ed sikara a no inaro ray bilay da, ag ira mansasakbat na antokaman no Agew na Panagpainawa; ag ira manawit na bengatlan idalan dad saray puirta na Jerusalem,

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Mateo 12:10

Walad may lakin aparalisis so sakey a lima to. Wala ra met dimay pigaran totoo a labay dan idalem si Jesus kanyan tinepet da, “Sumpa kasid Ganggan so panambal no Agew na Panagpainawa?”

Marcos 2:24

Kanyan saray Pariseo inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Marcos 3:4

Insan to tinepet ed saray totoon wadman, “Antoy nayarin gawaen no Agew na Panagpainawa, onung ed Ganggan? Say panggaway maung, o say panggaway maoges? Say panambut na bilay, o say pamatey ed sakey a too?” Balet anggapoy eseesel da.

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, “Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!”

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Lucas 6:2

Tinepet na pigaran Pariseo, “Akin et gagawaen yoy sebel no Agew na Panagpainawa?”

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Juan 5:11

Inmebat, “Imbaga to may toon amaabig ed siak a libiten koy dokulan ko tan manakar ak.”

Juan 5:15

Tinmaynan imay toon apaabig tan imbaga tod saray Judio a si Jesus so amaabig ed sikato.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Juan 7:23

No segaten so ogaw ed Agew na Panagpainawa pian ag nasumlang so Ganggan nen Moises, akin et mamapasnuk kayod siak lapud impamaabig koy sakey a too ed Agew na Panagpainawa?

Juan 9:16

Inkuan na saray pigaran Pariseo, “Say toon nanggawa ed saya et ag nanlapud Dios, ta ag to ngingilinay Agew na Panagpainawa.” Saray arum balet kuanda, “Panoy pakagaway toon makasalanan na ontan la ran milagro?” Nambabalingaan ira sirin.