Juan 4:6 - Maung A Balita Biblia

⁶ Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Maung a Balita Biblia

⁶ Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Juan 4:6 Cross References

Mateo 27:45

Nanlapud alas dosi ya anggad alas tris na ngarem, binmilonget so intiron dalin.

Mateo 4:2

Kasumpal nen Jesus a nanayunoy apataplon agew tan labi, narasan.

Mateo 8:24

Kabebekta sinmabiy baleg a bagyo ed dayat, tan ngalngali la natabunan na daluyon imay baloto. Balet naogip si Jesus.

Lucas 2:7

Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Lucas 9:58

Inkuanen Jesus ed sikato, “Wala ray ongib a panaayaman da ray asod katakelan, tan wala met iray obung da ray manok ed tagey, balet say Anak na Too anggapoy anggan narokulan to.”

Juan 11:9

Inmebat si Jesus, “Ag ta labinduay oras so sanagew? Kanyan no manakar so sakey a too no agew, ag nipatakba lapud nanengneng toy liwawa na sayan mundo.

Juan 4:12

Si laki min Jacob so angiter ed sayan bobun. Dia inmiinom ira di laki min Jacob, saray anak, apo, tan ayayep da. Akin, mabiskeg ka ni nen sikara?”

Juan 4:5

Akasabid baley na Sicar ed Samaria ya asingger ed alog ya inter nen Jacob ed anak ton si Jose.

Juan 4:7

Sinmabi so sakey a Samaritanan bii ya onasul. Inkuanen Jesus ed sikato, “Nayariy miinom?”

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.